Tangiang na sala alamat…

July 3, 2009 | Filed under: Cerpen | Posted by: admin

Ide Suhutan Oleh St. B. Rambe
( ni edit muse oleh admin pakkatnews)

Songoni do huroa ngolu ni hajolmaon. Molo tikki tabo do ngolu i, jot-jotan do hita lupa, manghamauliatehon tu Debata akka basa-basa na tajalo. Na tung mansai ironis na, olo gabe tubu gijang ni roha, manghaginjangkon hamaloon, siadongan dohot habisukon na majalahi ngolu, dohot malo ni na mangulahon ulaon. Ta sadari do nian, sude ngolu na di portibion, ala asi ni rohaNa sambing do. Alai mamikkiri on ma hita sipata guga pikkiran ta, alana ndang sarupa parngoluon nijolma.

Ra olo do tubu pangiburuon di roha molo poinatudos-tudos diriniba sandiri tu akka dongan na asing. Ai ninna roha sarupa do gogo, sarupa do parsikkolaan, alai boasa masiasingi pasu-pasu ni Debata na tajalo.

Boasa si Gulontam, anakni naso umboto golpa di hita an, ima anak ni OppuJumikkat, parlapo jala parrude-rude ni, dung sahat di Jakarta on, sai songon na marmual hepeng na, marlobi-lobi passarian ibana. Jala idaon maru jut inganan ni hepengna dohot ugasan na asing dope. Samppulu sai motorna, pitu bengkelna, jala ualu ratte tanona na marserak di Jakarta. Dang dohot binilangan dope jabu kontrakanna.

Hape ia si Julla, sahalak na bisuk, nunga leleng jala termasuk na boi mangihut-ihut do anggo di parbinotoan, jala benget do mula-ulaon burju jala pattun. Hape laos so boi nanggo manakkui hepeng salipper, jala olo sai hurang di parhepengon. Mamikkiri on ma sipata, akka dongan mangingot poda ni natua-tua na mandok, “molo litok aek di jae, tikkiron ma tujulu” lapatanna, songon hata sileban na mandok, “eling”. Songoni ma sada ngolu ni sahalak dongan ima si Julla, di pangarantoan.

Hira sorat jala maol rajokkina di hilala, gabe tubu rohana mangarimangi, aha na sala, aha dosa na mangissobbut di si Julla?. Molo binereng muse sian asal ni si Julla on, ima anak ni sahalak porhanger naung passiun (guru huria) di hutana. Ra, nunga taboto boha do anak ni sahalak porhanger. Jala partuhanon pe tung mansai gomos do di tiop ibana. Jala tartanom do dibagasan rohana songon nidok ni jamita I, “sude ngolu on, holan asi ni roha sambing do”.

Mangingot I ma si Julla, manongos surat ma tu natua-tua na, dohot hepeng sekedar, asa diboan pandita sada tangiang khusus, asa dapotan passarian jampalan na lumomak. Jala manghamuliatehon sude naung pinasahat ni Debata tu ibana, alai manarita do tongtong ibana, boasa dang haru marnasukkup taringot tu panjappalan otte.

Songon hamauliateon na, ima hepeng nasekedar nakining. Las do roha ni amanta guru huria na pessiun nakkining, pittor humalaput do amanta on, pasahathon tu pandita, asa diboan di tangiang pangondianon ari minggu, asa mura akka rajokki ni anak na diparjalangan. Disukkun amanta pandita ma guruhuria passiun I, didia do tinggal anak mu pangaranto i?.

“Mauliate ma amang Sittua nami, di hamuliateon naung pinasahat munai, alai tahe didia do nasida maringanan saonari, asa binoto innon manangiakkon di gareja.”

Mangalusi sukkun-sukkun ni pandita I songon na ngongong do guru passiun i. Alai hatopma di alusi, “Di Jakarta do amang….”

“Bah ido ateh….mauliate ma, hutangiakkon hami pe annon..” ninna Amanata Pandita on huhut ma di ihoti dasina jala dipakke Jas na laho tu gareja.

Jonok hata ni suhutan, di jalo Tuhan I do tangiang ni amanta pandita i, jala di suru Tuhan ima suru-suruan na, songon utusan pasahathon rajokki ni si Julla, anak ni guru huria i. Sai mangareap-reap ma suru-suruan on mangalului inganan ni si Julla, mulai sian tonga kota sahat tu sugut-sugut ni kota Jakarta. Muai sian Cikarang sahat rodi Cilegon. Disukkuni akka partabbal, akka par-oli nang akka partiga-tiga. Akka inganan na jonok tu batas-batas Jakarta pe nunga di lului. Ndang dapot suru-suruan i. Nunga loja, jala nunga sude kota Jakarta dilului ndang adong.

Ujung na mulak ma suru-suruan i, diboan ma muse mulak rajokki i tu nappunasa, jala laos so sahat tu si Julla anak ni guru huria pasiun i. Hape di Cikupa Tengerang, apa jonok do tu Mall Matahari i martiga-tiga kaset pi si di do si Julla anak ni guru huria pasiun i. Bage ndang sahat tu alamat ni si Julla rajokki i. (BR)

Berita lain ...

12 Responses to Tangiang na sala alamat…

Tamu July 3, 2009 - 10:45

Mulak tondi tu badan do hape akke… ohhhhhhhh nasib…nasip…..alai pasu-pasu dang olo marnasu da,, rap mangulahon na uli ma hita..adong tikkina nauli tu joloan on…HALAK BATAK DANG IKKON MORA DIARTA ASA DIDOKHON NAMORA.
HORAS.

> | >> | Balas Komentar ini | Quote
[Balas...]
Jaullus (raja mullus-ullus) July 3, 2009 - 16:16

………………………………
Pasu-pasu na godang ima roha nasonang…..
tar songoni ma saotik bait ni ende gereja.
Sahalak na jujur,tulus,jala benget ido na boi menikmati manang na manghangoluhon ende i.
Alai roma si gaor dodak dohot si hutur tano, ala dumenggan ngoluna, lam lancar makkatai, gabe boi dipadomu langit dohot tano. Didokma marhaha anggi do oto tu burju, jujur dohot roha na tulus. Alani ni pangukkit ni ngolu na mangaranto i boi do gabe munggil roha, gabe ndang porsea be tu ende nakkining. Sian na burju, jujur, jalatulus boi do gabe serakah jala si palating donganna. Di dok di bukku Poda, martikki do sude na di portibion. Martikki hamoraon, martikki do nang hapogoson.
Songon dia persepsitta mamereng hamoraon dohot hapogoson, ndang sarupa ganup halak. Di dok tiop ma na diho, unang adong mambuat tuppalmi, artina adong pengharapan. Ale amanami……..
…….lehoan ma di hami sadarion, sipanganon nami siap ari………………………….
Lapatan na ngolu na bersahaja do ngolu ni na porsea…..bah nga bage pandita au horoa,nga bage rarat.ossemajo Horas di Tamu,,,,, majuuuuu….Tereusssss…GBU

<< | < | > | >> | Balas Komentar ini | Quote
[Balas...]
Tommy M J Sihotang July 3, 2009 - 16:18

Nungga hujumpai si Julla di Cikupa, jonok ni Mataniari Mol i, partiga-tigaan kaset pisidi na i. Hape nungga pinda ninna akka hombar balokna i. bage dang sahat tong tona ni pangalean pasu-pasu tu ibana, ai naeng paboaonhu hian do nian. Atik na nungga manarik omprengan do ibana naing? he he he…

Horas

<< | < | > | >> | Balas Komentar ini | Quote
[Balas...]
Togar P M P Sidabutar July 3, 2009 - 16:43

Dia do lapatan ni i ?

<< | < | > | >> | Balas Komentar ini | Quote
[Balas...]
Elephant stone:
July 3rd, 2009 | 23:04
ai dang dijalo suru-suruan i alamat na jelas manang nomor heppon ni si Julla i?
tipis kali pergaulannya itu.

<< | < | > | >> | Balas Komentar ini | Quote
[Balas...]
Manullang@tmk July 4, 2009 - 18:22

godang dapot sigulontam pasus-pasui alai holan pasu-pasu arta nagodang do dilean diibana,je apala sijaulla on ningon da dapot pasu-pasu haserepon niroha do tong nian ibana,alai boasa dang dakot suru-suruan i ibana dijakarta,ai dongahu hian do jaulla on loper koran dikomdak alai nga mappar be sian i, eee… Tahe suru-suru i atik holan sian jalan tol do mangareap-reap ate dang mangareap sian gang,alai lului hamu majolo tu terminal cikokol ba disi dorai manggadis sigaret akke………

<< | < | > | >> | Balas Komentar ini | Quote
[Balas...]
Parjalang July 5, 2009 - 01:16

Aha do lapatanni carita on, sai hira naoto ma suru-suruan ni TUHAN i,
arir hamu bo molo mambaen carita, unang attong gabe menimbulkan multi tapsir,
nagabe boi meyesatkan pikiran
dan bisa diartiakan sebagai pengmenghinaan ke Tuhanan..
Horas…

<< | < | > | >> | Balas Komentar ini | Quote
[Balas...]
Risma Panjaitan:
July 6th, 2009 | 08:07
Olo tutu komentar ni Parjalanga on parrohahon hamu jo ba, sangat setujudo iba disi, ai sahat musedo tu Cilegon dilului akke. (tu Parjalang nadiginjang on, baen hamu attong goarmuna asa binoto isedohamu namambaen komentaro on asa diboto akka dongan, ai sude do hitaon parjalang sian Hitaan) mauliate

<< | < | > | >> | Balas Komentar ini | Quote
[Balas...]
Jaullus (raja mullus-ullus) July 6, 2009 - 10:12

Da..songoni do akka natua tuanta sian hitaan/bonapasogit, jot-jot do disukkun,iba molo mulak bahkan manongos dahanon attar saliter do nian. Didok natua-tua on nanggo pala diallang laemi hasil ni na hu
Ide suhutan onula on. Molo nisukkun, Didia ma alamat na?
Sukkun-sukkun on boi do bage hassit ni roha,ikkon makluman do natua-tua di hita an, dirippu do songon Pakkat manang P. Bali boi boton jolma na muba. Ra Saonari ndang be songoni, akka natua-tua. Alana nunga godang mulak-lao tu Jakarta on.
Ide suhutan on, hatihai masa ni alaman, alana saonarion pe boi ni suhuthon secara luas memalui dunia maya. Alai na tong do boi masa sisongon on nuaeng on siala persoalan Jakarta dohot kota-kota disekitar na. Jakarta inganan pangarantoan lebih bergengsi begeon ni akka tutur di huta. Horas…. Majuuuu…. Terusss..GBU

<< | < | > | >> | Balas Komentar ini | Quote
[Balas...]
YULINDA July 6, 2009 - 16:15

Ai dakkodo nian manaripar ima surusuruan on sian Cilegon akke dilului manian tu partigaan manang simpang opat i atekna adong do si Julla on disi

<< | < | > | >> | Balas Komentar ini | Quote
[Balas...]
hh July 10, 2009 - 07:23

Ima nidokna asa ingkon marsaor hita on ate, unang sai mamulik mulik, nanggo apala alamat niba dang di boto dongan. Nunga dijumpangi ampara Tommy ibana tu Cikupa, hape tong ndang disi. Jadi, ra, ndang na so diboto suru-suruan i na di Cikupa ibana, asa parsiajaran do on di ibana.

<< | < | > | >> | Balas Komentar ini | Quote
[Balas...]
Tommy M J Sihotang:
July 10th, 2009 | 09:55
@hh,

Ianggo appara hh on nian. Balongkangku ma i dah he he. Alai, sarita ma memang goarna. Lomo ni parsarita i do i, manang na tu hambirang diboan, manang tu siamun diboan, pokokna lomona hian ma disi. Ido hamongangan ni parsarita he he, attar songon parjamita i do i, huhilala da kwkwk

Horas…mauliate !

<< | < | Balas Komentar ini | Quote
[Balas...]