suhutan “…ParPakkat pasidung pakkaro”

Ndang na mandok dia ateh, alai tutu do adong suhutan songonon, alai anggo na di toruon attar hu padenggan jaha huambai otik.

Disada tikki, sodng ma parsoalan ni parhutatta, ParPakkat dohot huta na asing ima huta Silindung. Molo di halak batak, sai di jou do raja huta manang raja bius laho padengganhon molo tung adong parsoalan di pangisi ni huta I, datung tor laho tu polisi manang aparat Negara. Ai ido adapt ni halak batak, na olo do padengganon ni dongan sahuta, manang raja huta ni na dua halak na marbadai.

Dang pola paboaon manang aha parbadaan ni parPakkat dohot parSilindung on, apa hatihai, alai pola do nasida laho mangalu-alu tu ganup raja ni huta di Pakakt nang dohot di Silindung pe. Tutu, songon sada panggomgomi ni huta, di boto raja Huta do aha si ulaonna, jala bohama asa mardame be nasida.

Huroa, mansai parsoalan na borat do anggo namasa saulak on, pola do nunga naeng suttol raja ni ParPakkat laho padamehon huhut padomuhon pakkataion I, alai toing dang marnasidung ulaon i.’

Nunga bot ari, sai diulahulakkon par Raja na ro sian Pakkat do habisuhonna, bohama tahe asa gabe adong parbue ni pakkataion tikki i. “Ima tutu, rajanami, huboto hami do songon dia borat ni rohamuna laho pasidunghon pardamean on, alai dah rajanami, hamu do saonari, hamu do haduan, molo tung so boi be mardame hamu saonari, huhilala hami tung haduan pe nunga tung namaol dapot akka hadameon di rohamuna..”

“Molo tung pe saulakon ro hami tuson, nian dang hatimbang anggo pardamean, alai molo tung roha lao mardenggan, boi do masielanan jala massijaloan hita” ninna raja paiduda na ro sian Pakkat muse mandok tu hasuhuton bolon, ima raja sian Silindung.

“Tutu ma I hamu alehe, nunga tung pola dipasahat hamuna tu hami ima rja ni huta, raja ni bius naung adong di Silindung on, ra molo siat pangidoan, pardaean na naeng ulaonnami gabe ima tong pardamena muna, songon hata ni situa-tua, siboru buas siboru bakkara, molo nunga puas nadirohamuna I, sae ma soada mara “ ninna raja ni hasuhutuon sian Silindung.

Adong do hira istilah ni halak batak na manggombarhon ima hinaborat ni parbadaan ni sasahalak, ima molo nunga didok ‘mardomu di tano rara’ namarlapatan ma  on sampe mate tung naso jadi adong pardomuan be, manang na ikkon pinadomu ni tano nama.

Ala nunga sai mardalan partikkian, nunga naeng bot ari, hape dao do pardalanan ni raja na ro sian Pakkat, laho mulak tu hutana nunga mulai busisaon nasida na marrapot i. Sahalak sian  raja ni Pakkat na ro hatiha I mandokkon usulna.

“Butima I amang rajanami, molo tung pe dang dapot hita anon hata pardamena dibotari on, bah hami pe mulak nama, nang tu hamu pe akka dongan na ro sian Pakkat, dang boi tapasidung ulaonta botari on dohot denggan, jadi molo usul sian ahu, songon ma…” huhut di Alsip sigaretna gudang garam merah

“Baen ma amang raja doli…” ninna raja parhata na ro sian Silindung.

“Tu hamu dongan na ro sian Pakkat, ala so boi be sidung uloan on, ninna ruhakku adong do dongan na boi pasidungkon parsoalan sisongonon ima Amanta Panggedap dohot Pamokkik,…” huhut si dipadenggan parhundulna saotik, ala nunga lam serius na makkatai i.

“Imatutu akka dongan, halaki ma ta arahon tuson masaoan, jala laos taboan ma tong raja-raja ni huta songon Amanta si BoddutLabang nang amanta Tuan Bom, ai biasa do dipasidung na sida akka parsoalan sisongonon, halahi na opat ma angkup ni halakon manghatai, boha ninna rohamuna??….ninna Paidua ni raja hata

“Naauli, satolop…ima tutu asa humatop…” ninna akka raja na ro sian Pakkat mangolophon usul i

Alai holan dibege raja ni parSilindung hata I, pittor bolak-bolak ma bohina, bah tutu, gabe biar rohani nasida, mambege goar na pinaboa nio tamue na ro, dang tagamon, biar do tutu rohanasida, dungi didok hasuhuton bolon ma.

“Daong pola sahat-sahat jo tunasida amang rajanami, saonari pe tapasidung ulaon on, manang aha di didok hamu hata pardamean nami, naung rela ma hami jala naung olo ma hami disi, asal ma jo unang sahat-sahat tu nasida pakkaro on” huhut ma marsiberengan hasuhuton. Mnginongi di rohana songon dia ulaning parange ni amanta panggedap, pamokkik,  dibondut labang dohot tuan bom.

Sidung ma ualon I dohot denggan, jala marsijalangan nasida laho mulak be tu hutana.

Berita lain ...

• Buruh Bekasi Mogok Kerja dan Gelar Sweeping di Cikarang
• Buruh Bekasi hentikan mesin produksi kawasan industri
• Perkampungan di Sumut Dikeluarkan dari Register 44
• Ada Agenda Bisnis Mencurigakan Dibalik Konversi BBM ke BBG
• Selamat Hari Natal