Hei,….heik…andung akkal-akkal

Oleh : Rikardo E Marbun

Tutu ma nian, ai andorang mangolu be akka namatuaon, sai lam tabba be do rupani songon ‘ikatan’ perasaan. Lumobi molo dibege nasida sada barita, na adong na modding diluat ni deba, sai pittor di auhon be do tu donganna. ” E, tahe Oppumingor ningon dah…ai anggo saulak on, hita nama sundut sian portibion”. Ninna OppuDangol, huhut di tutahi debbanna.
“Imadah lae, nasa jolma ikkon mate, songon na tarsurat i” ninna oppuDangol mangalusi.

Dang tar dok be boha lungun ni roha  ni OppuMingor, dung diboto marujung ngolu ni donganna OppuDangol. Saleleng on, holan nasida nadua do masisalian timbaho nang akka na asing. Hape saonari nunga lao jumolo Oppudangol. Dihatiha i, diparmonding ni Oppu DANGOL , tung mansai godang do ro akka jolma i manikkir ibana diparmatena i. Ala godang ni na roi, mansai tok ponjot do di tonga ni jabu nang alaman pe. Sian godang ni jolma i, botoon ma natua-tua na burju tu dongann jolma do OppuDangol on.

Ditonga ni akka jolma na hohom i, toppuma tarbege diluar adong oppung-oppung (Op.Mingor) mangangguk gobar manjou-jouhon goar ni oppu Dangol naung monding i, alana memang ndang nanggo siat be ibana naeng masuk tu tunga-tonga ni jabu i. Tarhatotong ma saluhut akka jolmai, jala didokma songon on : ” PASIAT HAMU, PASIATHAMU Op.Mingor i”, ninna sasahalak dung diboto ise na mangandung bobar i. Nadeba nai mandok: ” LEAN HAMU, LEAN HAMU DALAN I TU NASIDA !” ninna nadeba.

Marlojong ma OppuMingor laho mandapoti poti ni Oppudangol i,  dang adong be manuttoli dalanna, mulai sian alaman sahat tu tonga ni jabu i. Ditonga ni jabu ipe kani, attar songon na dipagogo ma andungna i : ” AI TOK GIRA NAI HO LAHO OPPU DANGOOOLLLLLL,.. OOL, OOOL, OOOOL …tu ise be au marsali napuran…heiiii…heik…” sai ninna ibana huhut mangalakka nanget-nanget, alana songon na adong sukkot akka patni na torop i. Jolma naasing ipe sian nadao, didokma tu akka nasukkot i, : ” PASIAT HAMU INANG, GESER HAMU SAOTIK, ASA DIBERENG NASIDA JOLO OPPU DANGOL I ” ninna. Umbege i, margeser ma tutu akka jolma i, Molo songon na adong muse manukkoti dalanna, tangisna ipe DIPULTANGma gogo-gogo.

“Inang, tutu dainang….akka namatua on ningon dah” ninna akka inanta sian sugut-sugut ni jabu i, dung dibege Oppumingor, marinangoi.

Natorop ipe, minggirma, jala tambah lancar ma langkah ni Op.Mingor i. Holan sahat Op.Mingor i dilambung batang ni namate i, tong do dipalu ibana tangisna i. Holan ndang be diparateatehon jolma i tangisna i, ittor dipasang ibana ma matana. Huhut mulai dipananget tangisna i, MANAILI ma ibana tu HUMALIANGNA. Mangangguk nanget-nanget, huhut sibuk matana mangalului tempat parhundulanna na strategis. Dung dapot matana tempat na strategis, MARGESER ma ibana nanget-nanget, jala volume ni tangisna pe huhutma dipagelleng,songon na tarisak-isak. Dung dapot ibana hundulanna ittor dipotordang ibana ma parhundulna jala posisina pe DIPAJURNGANG. Akkup tusi SIMAKUDAPNA pe, langsung ma SIP ! LUPA nama ibana ditangis andung-andung na i.

Ndang sadia leleng dung sip ma ibana, ittor SIBUK nama ibana MANUTAK NAPURAN nang GAMBIRna. Huhut DIATUP ibana Napuran i, sahali-sahali mekkel do ibana huhut marsuhutan tu dongan nadilambungna i. Puas ma Op.Mingor i distrategina i, tombus dihilala dapot ibana nungga Kapling parhundulanna na pas, alana hira-hira 30 Menit nai, memang naeng waktu MANGAN nama. Attar songon ima sada strategi na nabinahen ni Op Mingor asa dapot ibana posisi na pas mandapothon waktu naeng mangan. hahahaha… ima OPPU MINGOR !!!!! Horas Jala Gabe, Tetap Semangat dan GBU, Amen.

Berita lain ...

• Dung Lam Matua…
• Dirimpu Rumbi
• MANGAN MANOGOT TINGKI SINGKOLA
• Jambar ni Parrasun
• HUTA HUTA DO HUTANAMI