SIPATU TOYO

June 25, 2009 | Filed under: PUISI | Posted by: dr_PM

Dibasa onan na di ari senen
Huida ho ito lewat rap dohot namboru
Mardalan songon na humarojor tu balerong
Manuhuk boras sakeleng huhut maniop karanjang

Dang boi hulapati panuhuk mi
Alana dipadao ho bohim unang huida
Holan sitan ni bajum do huranapi na blus dalam
Huhut Marsipatu bogas na birong alai margetong

Jumpang ma manogot ari sikkola
Tarsongon na serom ho mamereng au
Di pittu ni kalas tarsongon manomu-nomu
Huhut tarsongon na di tailihon ho huida tu toru

Tarihut au attong manailihon tu toru
Huida nungnga pattik gosokan ni salawar i
Ujung nai boi maneat manuk sioto
Aha namasa ninna rohakku sukkun sukkun?

Sahat ma tu ujung ni pat nai huida
Nungnga marbottar ditoru dang songon na biasa
Nata pe dang marhillong alai dang margetong
Ima hape sipatu Toyo…..

Dang lokkang berengon ganup ari sian pat mi
Tamba hojor ma berengon mardalan huhut sipata marlojong
Asa songon na tanda nabaru marsipatu toyo
Ima hape lapatan ni boras sakeleng na nituhuk mi

dr.PM

Berita lain ...

6 Responses to SIPATU TOYO

Tamu June 25, 2009 - 12:25

Hebat Naik akke,pas hian ma Tu akka Bangso na Ekonomi Nagelleng , Na penting Ditorus, jala dumenggan Lebih Hatop Lebih UNdenggan

> | >> | Balas Komentar ini | Quote
[Balas...]
Risma P June 25, 2009 - 14:30

Kwakakakakaka hahah hihi agoi jo si pHala on PUISION sian dia dopot muon,tong muse tarsunggul Tiang ni Balerong i, ah nungga gabe tersungging akka dongan gabe taringot tu Sipatu Toyo nai, ai adong dope Sahat tu sadarion namanippa si Patu TOYO i songon kenangan ninna nan pe naung berhasil di pangarattoanna. Pahalaaaa, dijaha donganhi do Puisimon mekkel ekkel ibana kale sahat tabena tuhamu akka namangula di Lapoon…
Dibasa Onan – hahahaha
Margetong – hahaha

<< | < | > | >> | Balas Komentar ini | Quote
[Balas...]
swandysihotang June 25, 2009 - 16:37

hahhahha, sai naadong-adong do lae on bah… berarti imbang-imbang ni Lae si Paulus Simangunsong do hape lae akke. cuman lae lebih produktif.

Dibasa onan…., tek jo!!!

<< | < | > | >> | Balas Komentar ini | Quote
[Balas...]
Lusi Dewi July 18, 2009 - 17:20

Inang tahe cerita ni itoon ah gabe niingot iba waktu sikkola mamakke sipatu songoni,,mauliate buat puisina begitu kreatif dan sangat mangingatkan orang yang ekonominya kurang, waktu sekolah,,pas musi-musim ni sipatu toyo alias bogas,,karet,,good,,good

<< | < | > | >> | Balas Komentar ini | Quote
[Balas...]
Elephant stone July 20, 2009 - 21:17

Je, tok boras ma hape tu sipatu toyo
Molo so sala sipatu bogas do ra goar ni on manang sipatu bongkruk…..hahahah
hape molo ginadis sipatu toyo otte, pala tok hollah ultong-ultong ma dapot iba manang gobbung-gobbung manang ballon-ballon
eeeeee……….tahe, lungun nai akke he….!

<< | < | > | >> | Balas Komentar ini | Quote
[Balas...]
Sianturi January 13, 2010 - 03:36

Au judul na i ma dah……..

Sugi hian hilalaon……….

Horas, AS

<< | < | Balas Komentar ini | Quote
[Balas...]