Sipatu ni Amang Pandita
Tong do roha malungun molo nunga disirang hamatean iba sian na hinaholongan. Nang pe nian molo sian umur, songon nanidok Saur matua, alai tong do ro habot niroha i. Ai binoto do molo on nama ari parpudi paida-ida bohi tu nahinaholongan i. Ra, dang sala halak manangishon, manganduhon, molo tung pe nunga natua-tua nauli bulung ma maninggalhon hita i. I do tohona. Sai ni ingot do palilung na denggan na binahenna uju di ngoluna. Ima sipata mambahen gabe sai ro ilu niba.
Nunga sun sude naniula ni tangan ni Oppu Timbo di tano on, nunga marhasohotan, sahat gabe sude pinomparna, marnini marnono imana. Gabe na niulana, hala hipas pinompar na ditinggalhonna. Di namalos bulung-bulung sian tanganna, marembas manortor do sude pinomparna songon naung ditonahon ibana hian tu anakna siampudan na mandongani ibana dinaborhat ibana manopot sitoppa ibana.
Diarina sun denggan I, nunga sae be pesta bolon I, sonang jola na torop, tarlumobi ma tahe raja ni hula-hula manjalo huhut mangalean akka aha adat na hombar tusi. Dung martahi bot ari, naeng taruhonon ni pinomparna nama ibana tu dolok-dolok natibo, batu martindi-tindi naung pinarade ni pinomparna diibana.
Songon naung marsada dibagasan kristus nasida, tohodo tutu, ikkon dipatupa do ulaon songon na biasa songon sahalak Kristen ibana. Dijou do amanta pandita sian huriana laho patupahon ulaon parhuriaon tu parborhat ni oppu Timbo. Uju naeng mar-alaman nama Oppu Tibbo doli on, tutu disukkun amanta pandita do tahe, dilean dope tikki tupinomparna atik boha adong dope tahe partinggal, manang na martading hata andorang so ditutup batang i.
“Tu hamu rajani hasuhuton, saonari hulehon hami dope tikki saotik, atik boha adong dope sibaenon muna tu amnata on, manang sibuaton muna sian batang on, bahen hamuma…”
Marsiberengan ma nasida hasuhuton bolon, mangingot aha na hurang. Dibereng nasida nunga sikkop disi baju-baju, tukkot, kassamata, sude ma tahe ugasan ni OppuTimbo andorang dingoluna.
Lao ma rohani AmanTulak, anakna siampudan I tu pahean ni amangna i. Di ingot ibana ma dang adong dope dipamasuk sipatu ni amanai. Nian takkas do diboto ibana, anggo amanai dang hea marsipatu uju dingoluna. Ai niantusan ma nuaeng halak najolo, dang pola diharingkothon i. Alai marpikkir do AmanTulak, “nanggo pala diparborhat ni amang on binaen sipatuna” ninna dibagasan rohana.
Huroa nunga diparade imana sipatu on apala sibbil disada inganan. Dungi dihumalaputi ma mambuat sipatu on jala diboan ma tu alaman I, laho mameakkon di bagas batang ni amongna i.
Dibereng amanta Pandita do nian na pinamasuk ni AmanTulak siaptu I, hordit do tohani ni amanta Pandita on, “Bah…sai hira sipatukku, suman sipatukku”.
Alai dang disukkun ibana, ai nunga ditiop agenda, jala hurang tama do molo disukkun sisongon i. Ditorushon amanta Pandita on ma ulaon I ninna ma muse “ Adong dope akka amang?? Akka inang??”
“Dang adong be amang Pandita name…torushon hamu ma ulaon on..” ninna sahalak sian hasuhuton
“Attong, molo soadong be, ba tutup hamuma jabu-jabu ni amantaon,….” Huhut ma hobas raja ni pamoruon halo manutup batang i. Dilotak pa labang I jala dituutup ma batang na uli jala na maruhir gorga batak i.
Dung lao borhat nasida tu udean, dang apala dao nian sian jabu ni hasuhuton, ai boi do dalanan pat. Dungi lulu-lulu ma amanta pandita on, songon na busisaon ibana. Dibereng jolma torop I ma naung loja amantaPandita on. Disukkun AmanTulak ma “ Ai aha dilului hamu amang”
“Sipatukku…”
“Ai didia hian dibaen hamu amang” ninna amanTulak muse huhut dohot ibana humalaput mangalului.
“Dison amang, denggan do hupaekkon nakkinon, asa talpe…” ninna Amanta Pandita huhut patuduhon inganan ni siaptu ondeng.
“Maksudmuna na martali na birong ido??….”
“Ido…”
“Bah…nga sega….ai ido hupamasuk tu batang I nakkinon, hurippu sipatu ni bapai, ai disonhian do hubaen dua ari na lewat sipatuna..”
“Bah..bah….ai siaptukku do hape na pinamasuk munai nakkinon??……” ninna amanta panditaonma. Tohodo na minatahonna I, ai sipatuna do hape tutu.
Huroa adong do manarathon sipatu na pinarade ni amanTulak diamanai, bohama godang jolma torop datung adong na ma mata-matahon i. Gabe serom otik ma ibana huhut ma dilului sipatu na asing asa adng pakkeon ni amanta Pandita I tu Udean…..
Toho manang tutu suhutan on, tasukkun ma pa-ngide suhutan on, ai di pakkatnews on do nasida…..Orgoss!!!!
Berita lain ...
Komentar via ID Facebook Anda, silahkan Login...:
20 Responses to Sipatu ni Amang Pandita
Leave a Reply
Hahahahaha…….
(Parjolo marsattabi majolo ahu bah, ndang napola adong maksud naasing manang na parukkar sidangolon ni manang ise suhutan “Oppu Timbo” on, alai songon holan sada singot-singot do nian on).
Je hulengkapi ma saotiknai suhutan “Oppu Timbo ” i akke anggia.
Antar songon on ma lengkapna :
(Aline pa 8 hon)
……….Huroa nunga diparade imana sipatu on apala sibbil disada inganan. Dungi dihumalaputi ma mambuat sipatu on jala diboan ma tu alaman I, laho mameakkon di bagas batang ni amongna i…………..
Dung dipasang ianakkon na i sipatu i tu pat ni namate i, manukkun ma muse Pandita i songonon :
” Marpanungkun ma muse hami tu hamu hasuhuton, Nungga boha hira-hira, nungnga be SINGKOP ?” ninna Pandita i.
” Nungga be Amang !” ninna hasuhuton i mangalusi Pandita i.
” Attong, ala molo nungnga be sikkop, ta mulai ma acara ni PARHURIAONTA, Laos ta endehon ma BUKU LOGU nomor,……” SAI SOLHOT TU SILANG MI “, ninna amanta Pandita i huhut dijalahon sada bait.
Marende ma natorop i, huhut dipaihut-ihut hata ni ende na nijahahon ni Pandita i.
Huhut Marende akka natorop i, amanta Pandita on pe huhut do “MANAILI” ibana tu nahumaliangna (sekelilingna) huhut di”HURDE-HURDE”hon bukku ende dohot bukku “PAR-AGENDAON”na tiniopna on.
Dinamakhurde-hurde i Pandita i, pas ma DITAILIHON ibana tu PAT ni namate i.
Songon na dipanot-noti ibana ma tu sipatu na pinakke ni na monding i, (ima nabaru dipakkehon ni ianakkon na i).
” Bah !, SUMAN tu sipatukku, SIKADIAHU DO ULANING I ” ninna ibana dirohana.
Alai ianggo natorop i, sai torus do marende.
Alana tok serius amanta Pandita i, manot-noti sipatu napinakke ni namate i, jala sai sukkun-sukkun di rohana, bage lupama amanta Pandita on manjahahon bait paduahon.
Sangama songon na sip jolma i, jala gotap ende.
Tarsadar ma amanta Pandita i, ittor ditorushon ma muse manjaha bait paduahon, ” MUAL NA MABAOR, I NAENG INUMONKU” ninna ibana huhut sai tu sipatu i dirohahon.
Natorop i pe, torusma mangendehon ende na nijaha ni Pandita i.
Alai ianggo Amanta Pandita i, nga sai tu sipatu i rohana, sahat tu nasidung ibana MAR-AGENDA.
( Alai ianggo konsentrasina pe, buyar ma,…. AI SIPATUKKU DO ULANING ON ? ninna rohana sukkun-sukkun).
Alana dah, DATUNG MUNGKIN dohohon manang bertindak amanta Pandita i songon on :
–>1. Ditikki acara parhuriaon, posisi poti ndang dope ditutup:
“Andorang so hujaha bait paduahon/ stop majolo marende”, manang “Andorang so hupatorus par-agendaon”, “marpanungkun ma muse jolo ahu tu hamu hasuhuton, AI HIRA SIPATUKKU DO HU IDA NAPINAKKEHON MUNA TU AMANTA ON ?, ninna disi.
–>2. Dung ditutup pe poti i (biasana di Hitaan dilabang do, ndang di mur songon di Kota).
Di tikki di Alaman manang toho mangalanja / dinalaho boanonna tu udean, ndang mungkin be dohonon ni Pandita i songon on :
“Ai turunhon hamu jolo, manang bukka hamu jolo muse labang ni poti nai, Takkas jolo bereng jala pareso hamu,
” Ai hira sipatukku do nangkining huida napinakkehon munai tu patna i, jala disan hian do HUSUGUTHON, hape ndang adong be disi”
Je bage songon na mandele ma roha ni Pandita i, alai alana SI LAMBAS ROHA do biasana Akka Pandita, ndang pola tok tanda dipatuduhon ibana JUT ni rohana.
Alai di akka na mamboto kejadian i, attar tarida do saotik (dapot roha idaon) songon na MARSEMOR-SEMOR saotik bohi ni Pandita i,
” ITENG JO HAMUNA, TOK JAYANA MA I, MAGOPO NA I SIPATUKKU NAJEGES I”, ninna rohana dibagasan.
Alai tutu, OTTAT/ OLAT ni i, molo adong acara akka sisongon i, bage “JORA MA” amanta Pandita i mameakhon sipatuna. Sai dipakke ibana ma tong sipatuna nang ditonga-tonga nijabu ni akka namarhabot ni roha sisongon i, HARUpe/ Nangpe ditonga ni BAGAS/JABU i diherbanghon RERE manang LAGE TIAR.
Nian tutu, ndang hinata hata dia, alana bage DUA HALI MA MARUKKIL Pandita i di Parukkilon, ima:
1. Marukkil ibana ala Monding sada RUASNA.
2. Marukkil muse ibana alani SIPATUNA i. (ima na nidokna “diboto do manang didia sipatuna i, alai marboha bahenon ma ibana, alana ndang be tarDUNG-DUNGsa be sipatu i)
Hahahaha,…. ai memang tutu, ndang hinata hata dia, Ai sipatuna i TOK NA BARU TUS, MARHILLONG museng kodo (baru di SIMIR/semir).
Dungi muse, alana baru kodo hira-hira 2 (dua) hali dipakke ibana, parjolo ma i ditikki marjamita ibana diminggu nalewat i, paduahon ima diacara “PARUKKILON NI RUAS NA I” alani i, ndang pola adong dope hira cacat ni sipatu i asa bage adong laho bahen tanda siingotonna sebagai kode ni sipatuna i.
Selain ni holan dua hali kodo dipakke ibana sipatu na i, ibanape tong ma bage dua hali marukkil sadari i, ima ala ni na mate sada ruasna jala bage mamboan parukkilon ma tong sipatu i tu amanta Pandita i, (ima parukkilon alani SIPATU).
—–Bah..bah….ai siaptukku do hape na pinamasuk munai nakkinon??……” ninna amanta panditaonma. Tohodo na dihatahonna I, ai sipatuna do hape tutu.—–
Dipatorus ma mardalan tu Udean, jala dilanja akka tondong ni hasuhuton i ma poti ni na mate i huhut mangendehon ende ” HOLONG DO ROHA “.
Alai attar songon na manjahahon lirik ni ende i, VORHANGER na i nama, ai nga bage songon na ” SIP SO TARBOTO-BOTO/ MARSEMO-SEMO,attar malas manghatai manang hurang bersemangat amanta Pandita i.
hahahaha………. ima jolo tusi akke ?, alai ianggo sahat tu numaeng, ” SAI SINOK NAMA AMANTA PANDITA I, LAHO MANJAGA SIPATUNA”.
Jora ma ibana mameakkon sipatuna, jala sai tong-tong ma dipakke ibana nangpe diherbanghon RERE/ manang LAGE TIAR di jabu ni angka na marhabot niroha.
Hehehehe…… alani Oppu Timbo ma tahe i.
Nang pe nga mate ibana, tong kodo/dope mangomo ibana alana tong dapotan sipatu naimbaru jala sipatu ni amanta Pandita museng. hahaha…..
Horas Jala Gabe, Tetap Semangat dan GBU, Amen.
[Balas...]
Bah…..
oloma annon dipaulak OP.Timbo sipatuni amang panditai ate…
alana dang sipatunai….
[Balas...]
Wakakaka…
[Balas...]
hehehehhe……olo ditaruhon sborngin sipatu i ningon
[Balas...]
kwakakakak ganjang ni sarita SIPATU NI PADITA on dua episode alai na PADUA HON ON apala na lussu hancit butuha alani ekkel, ro ilu alai dang namanangisi ompu i da ? ai nga sari matua , gabe mardalan pat amang padita mulak huhut sada huria na monding songon hata ni natua-tua najolo madabu ninna di timppa tangga muse jala marangan-angan ma di rohana andigan ma naeng dapot SIPATU NABIRONG MUSE.
[Balas...]
di pagajjang-gajjang amattua i do ito.,…bohama, asa tabba geror macca i.,..masa ma naeng sitop marende alani sipatu..uhauhauhauhauha
[Balas...]
Ai naumborat hamuna kale-kale, atik boha do suatu saat olo sadar BADIA (tondi) ni Ompu Timbo i, je naeng paulak onna sipatu i. Hapena kani, boha musengma molo pas TOPEK MARJAMITA amanta Pandita i.
Je olo do ra songon na GOIK-GOIK/Goit-goit hihilala Pandita i patnai, alana naeng pasolukkonon badia ni Ompu Timbo i sipatu i langsung tu pat ni Pandita i.
Je nga pas songon suhutan ni Anakniba Amaniharapan (Hendry) ima suhutan Parjamita na sai marningot BABINA.
Je Pandita i pe kani, oloma dohononna ponggol ni jamitana songon on :
…..asa tapahobas be ma dirinta laho mangurupi akka dongan nahurang, jala manghilala ma hita akka sitaonon nasida, asa …”GEOK” ! ninna (alana pas digoit badia ni Ompu Timbo i pat ni Pandita i)
Hahahaha……
Horas Jala Gabe, Tetap Semangat dan GBU, Amen.
[Balas...]
Olo gabe mabiar panditai marjamita dah….hahahaha/….
[Balas...]
Sura-sura, di komplek Kuburan i pe kani, ittor Ompu Timbo i do ra bage tarpillit sebagai Vorhanger nasida be ningon dah, alana nga ittor adong ASANG-ASANG ni beguna i, ima sipatu ni amanta Pandita i. hahahahaha……
Horas Jala Gabe, Tetap Semangat dan GBU, Amen.
[Balas...]
Hahahaha…nga tok jim i akke. Lok ma dituhor sipatu na baru tu pandita i muse, di alap ma tu pasar …kwkwkwkw
[Balas...]
Huahahaha…..geok nai suhutan on..?
Ale na pasti dang dosa ni Omputta na monding i non i ah…rupani na bage mampaborat dalanna tu Namarhuaso i..
[Balas...]
ai boasa hamu na sai ditaringoti hamuna begu, gabe dang boi ahu modom naborngin.
gabe sai holan tu alm op.timbo i rohakku.
horas
[Balas...]
Ianggo sipatu ni amanta Pandita i, nga saut be diganti (dituhor) na imbaru, alana adong do dapot di pandurungan i sian N.N (No Name) dibogasan amplop, dohot pesan : ” mangganti sipatu na tarboan tu saleleng-ni lelengna ” ninna.
SURA-SURA (kemungkinan), iangga NN i, olo do ra Si AMA NI TULAK (Aman Tulak) i non i.
Ai bohama, dang hinata tutu, songon dalan MANESA DOSA sekaligus MENUTUPI HAOTOONna. hahahaha……. SAPOT !!!!, Ai tok JAYANA ma i.
Horas Jala Gabe, Tetap Semangat dan GBU, Amen.
[Balas...]
omna nani dokna pelaean na martohonan…khusus dibaen papungu pelean tu jolo…di tiktingma…..
tiktik dihita sadarion…..papungu pelean tu jolo do hita ima laho manuhor sipatu ni amanta pandita …….
[Balas...]
Dung sae ting-ting, laos ta endehon ma muse, bukku logu no …. ayat 1 sampe loja. DALAN NA LAND IT I, DANG MABIAR AU….SAI SESA MA DOSA NAMI…hahahaha…
[Balas...]
Je hira-hira boha ma kani anaha isi ni tik-ting na nijahahon ni Sittua i :
Alai santabi dah, SURA-SURA songon on ma ra akke ? :
” Tik-ting sipabotohonon tu hamu na akka ruas, : Alana tung mansai marhabot roha do NUMAENG/nuaeng amanta Pandita, ima disiala parmonding ni oppu Timbo na diari nasalpu i.
MARUKKIL pe roha ni amanta i, DATUNG ma alani na Monding i oppu Timbo i, neah !,
Alai, porlu ASA DI BOTO HAMU HE !, ima MARBOSSIR ala na tarboan Oppu Timbo i do Sipatu ni Amanta i tu ingananna parsatongkinan i.
Oppu Timbo pe, bage PAMINJAM LOHOT nama, ianggo sipatu i, ndang be paulahonna i saleleng-ni lelengna.
Je AKKUP ni i, asa marroha be ma hita laho manghobasi bahen tuppak laho mandiori gantina na hombar tusi”.
Attar songon i do ra akke kale-kale ?
hehehe…..
Horas Jala Gabe, Tetap Semangat dan GBU, Amen.
[Balas...]
Tutu, ianggo di dalan na landit i, ndang be pissir Oppu Timbo i, alana lengkap do dipakke ibana Sipatu ni Amanta Pandita i, je tung hot do pardalanna.
Alai ianggo KAOS Kakina, na imbaru do dipakke, alana dang dohot dibuka amanta Pandita i di tingki i, je GOIT-GOIT pa pat ni Pandita i di tikki na marjamita i, datung ma nanaeng paulakkon sipatu i BADIA ni Oppu Timbo i, alai nanaeng MANGARITTAK manang MANGARUK-RUK KAOS KAKI ni amanta Pandita i do rai. asa lengkap pakke on na di DALAN na LANDIT i. hehehehe……. Jaya ni Oppu Timbo ma i. .
Horas Jala Gabe, Tetap Semangat dan GBU, Amen.
[Balas...]
olo ro bodari dah…….ise tahan…..beta monggooopppp
[Balas...]
hahaha hehehe.. sai naadong do akka cerita muna na goek2..loja au mekkel,, tarlobi muse ito Ricardoon laos boai muse ditambai suhutani gabe tamba geok… ai nungga be diboan Op.Timbo be tutu sipatui salelenglelengna dang mulak be..je kani dapot do durung2 i lao manuhor sipatuni pandita i?.. ah tahe okkoe tok hebat hian..
[Balas...]
robert:
February 24th, 2009 | 13:38
alanii ma ito risma br panjaitan, sering sering ho dohot mullop di milis ni parhutattaon,ai nagodangan sigeok geok jala sumber inspirasi sigeok geok ima amanta Ricardo AP Marbun, tung mansai godang suhutan ni bapaudaon, sahat tu ende ni si ajir pe diingot,
horas jala gabe
[Balas...]