by : Paulus S
Puisi
Salak Pakkat
Sada hasolomanhu
Salak Pakkat natonggi
Sisikna marduri-duri
Batangna pe songoni
Salak Pakkat natonggi
Sisikna marduri-duri
Batangna pe songoni
Adong sisada
Piga sidua-dua
Godang sitolo-tolu
Siopat silima sionom pe adong
Tingki poso pe i
Batuna boi panganon
Bontar rupana
Damor-damor di ipon
Kobun salak nami
Di holang ni hapea
Rata bulungna
Balga borasna
Tajom durina
Gabe naeng mulak ahu tu Pakkat
Laho mangan salak
Raphon dongan tingki dakdanak
Horas Pakkat
Hidup salak
16 Oktober 2006
Berita lain ...
Komentar via ID Facebook Anda, silahkan Login...:
11 Responses to Puisi
Leave a Reply
salak?
unang be annon dihatai taringot tu panakko salak da? annon gabe loja-loja muse iba mekkel.
[Balas...]
panakko salak? siapa takut !!!!
salak on ma ra attong sada alasan masihol iba tutu tu pakkat. Alai ndang holan cerita kriminal Amang Moderator taringot tu salak on, cerita na melankolis pe adong do, cerita na romantis pe adong do…
[Balas...]
Ima da..
Makana alani salak nataboi, kadang sai naeng mulak do iba..
Taringot tu na manakko salak pe’, jujur hea do hami daba, seritana songon on :
Na tikki sikkola hamu di onangumba kan, nagodangan salak di belakang sekolahi, jadi molo pelajaran Olah raga attong, kan 2 jam, hape kadang di suru mar_Volly, satokkin nitiop do Volly on,holan di tinggalhon gurui’ ittor mangincir do hami tu pudi-pudi singkoli, mangalului salak, ale dang torus dah…, sipata2 do…
(tapi memang seru, ai rap mengkel2 do attong dohot dongan tikki’i)…
Naganjang do seritai, ale imajo CerpeN na da…
Sada nai, salak ni Bapa tuakku dope, saiktabo… daba…,iboto hamu ise? => ( Bapa Tua Op. Saritua Manalu / Taulaba ),
Horas ito’ R.David, sori jo da !, hu gurathon di son goar ni Bapa tua da.. ( unang muruk ito da, adekni ito Si Anjur do au / Rosta, siappudani tahe ito ! )
Horas ma tu sudena…
[Balas...]
So adong be panakko salak, alana batang ni salak i pe nunga dohot be malo. AI nunga be ditanda ise nampunasa ibana. Molo panakko do ro, so olo ibana di takko, tor sai manduri i do duri na i
[Balas...]
Bah..Eda Noder,
ai memang sebelum gabung dope Eda di milis on nunga godang hian cerita taringot tu panakko salak.
Seru seru hian ma attong suhutan i, dohot tu detil detilna.
Sandok ikkon sampe haccit butuha marlakak lakak tikki i molo binukka email. Sayang terlewatkan, ale nuaen pe molo huingot tusi, tong do geok hian di ate ate.
[Balas...]
“”"” DI LUPAK-LUPAK SABARIMBA “”"”
Nirintak tali riman,
Mambahen tali pistak pakkailan di lupak-lupak.
Tu Saba Rimba hita ale dongan,
Manghail Kattima na songon Buriccak.
Godang dekke Kattima,..
Gaman, Mengo-mengo, Sibahut nang Jahir.
Molo adong dapot hamuna,…
Malo ho manabunihon, unang di bereng amanta si Mahir.
Dangol panghilalaan,……..
Loja mangkobet gea (goya).
Hasil ni pangkailan sian sudena saba,………
Dohonon ni si Mahir do dekkena.
Hajut ni Dukak-dukak,..
Godang otik adong isina,….
Mullop si Mahir laho manggomak,…
Hajut ni dukak pe bage longa.
——–…..——>>>>>
hehehe……. Amanta Si Mahir tahe bah, diingot hamu dope i kale-kale ?.
Molo adong parubat-ubat, pintor hadir do i, apalagi molo adong dak-danak mangkail di Samabarimba ??
Pintor marsurak do ibana sian na dao ” Boasa di haili hamu dengke ki ???? ninna. (nangpe angka dukak-dukak i manghail di lupak-lupak saba ni halak manang di topi aek sitahuis i.)
Mabiar do angka dak-danak i, pintor dibuat do sanggomak be Kattima i sian hajut ni dukak-dukak pangkail i.
Halak loja mangkail, bage ibana do taboan boi MANAOK jala Mangallang Kattima.
Ima ula-ula ni si Mahir na uju i.
Horas Jala Gabe, Tetap Semangat, dan GBU. Amin
[Balas...]
ha ha ha
hebat nai tahe………… saik maol mambaen puisi apalagi puisi bahasa pakkat da!!!
Horas.
[Balas...]
“”””””LINGKAGOM (LIMPAGOM ?) “”””””
Tu ginjang,…….
Dioccop Pidong !.
Tu toru,…
DI pakkut Manuk !.
Tu aek…..
Tong di turbing dekke !…..
(manang tu dia pe tahe, ndang adong juljulanna, ujungna ,……SARNET jala SURLE !!!)
hahaha,… songon balaborngin (ditumpuri samudekna),…hehehehehe…….. ( sampe loja )
Horas Jala Gabe, Tetap Semangat dan GBU. Amin
[Balas...]
Nasib ni lingkagom on,
molo nunga di Jepang i nunga bunuh diri ..
[Balas...]
Hoooi akka dongan…
apalagi tu akka dongan sastrawan, baen be ma jo attong muse puisi dah…
Topiknya apa aja kek…kerinduan akan kampung halaman, sihol tu Inanta di huta, kerja keras ni rakyat jelata…apa aja….
Manang na luccu -luccu pe taho…
[Balas...]
hehehehe,… beha do tutu akka donganta PARA SASTRAWAN, bahen damang/dainang majolo tutu pangidoannami on bah ?
AI NGA TOK MALUNGUN IBAAAA,..
Hehehe,.. husurat jo museng puisi ni akka dukak-dukak di LAKSA na uju i bah.
Tikki di masana, adong do disi dukak na jugul na margoar si KUMPENG (goar-goarna).
Molo mullop ibana, tanpa komando, pittor MARKOOR do akka dukakdukak naasing mandok :
OH KUMPENG,…
OH KUMPENG,…
ANAK NI BODAT…..
NDANG DOPE BOTARI,
DIBAHEN HO DADAP-DADAP,…
Hehehehe,…. akka dukak-dukak di huta ni Oppunghu take bah,.—> LAKSA ( LUMBAN TONGA-TONGA ) TAKE BAH.
Goar ni huta LAKSA di dok do tong LUMBAN TONGA-TONGA.
Horas Jala Gabe, Tetap Semangat dan GBU, Amen.
[Balas...]