Marbisuk songon ulok
Marbisuk Songon Ulok Marroha Songon Darapati
Publikasi : Amani Harapan Lbn Gaol
Ide Cerita : Amani Daniel Manalu
Tung mansai uli do tutu palilung nang pangkuling ni Amani Tikkos, boi do ibana gabe tudosan ni akka donganna ama, nang pe dang sadia matua dope Amani Tikkos, alai anggo dipangalaho nang di paradaton, dang pola piga bilangon ni tangan tu na sa torbang tu ibana. Naburju jala na pantun do ibana tu natua-tua, tarlumobi ma tu hula-hulana, na olo mambaen akka poda tu tinodohonna jala na olo mangajar-ajari parngoluan siapari tu akka na umposo sian ibana. Nang songoni di parkarejoanna pe, sai hoaln akka si tiruan ma nian akka ulaonna.
Tutu dihapantunonna, sai diparsangapi ibana do sude akka hula-hulana nadi pangarattoan nang nadi huta, molo nunga marsuru simatuana sian huta, pittor dianggap ibana do na ikkon do olohononhon.
Songoni ma tahe disada tikki, andorang di parkarejoanna dope ibana, martelepon ma laena takkas, ima ibotoni parsondukbolon inanta soripada Nai Tikkos, ai pola do hordit rohana, apala aha ulaning, ikkon martelepon halak tunggane on sian huta? Aha namasa ninna rohana huhut sukkun-sukkun dibagasan rohana. Takkas jala biar do rohana mangalusi telepon I, jala disukkun amani tikkos ma, “ Ai apala aha ninna hamu tunggane, pola martelepon hamu siarian on, na adong do namasa?”
“Dang na pola dia lae, na paboanhon tu hamudo, ai nunga borhat tu Jakarta ima Tulang Naposomuna si pedua siappudan I, si Linggom tu Jakarta, jai maksud nami nian lae, asa lehon hamu akka masukan dohot poda, ai namangalului karejo do ibana di Jakarta”
“olo tunggane, nauli ma I” ninna huhut di torushon nasida muse makkatai marsihol-sihol, masisukkunan kabar, na marlae martunggane.
Nunga pola sabulan, dang mar na ro dope tulang naposo na on tu jabuni amani Tikkos, jala nunga sipata holsoan nasida apa aha nuaeng namasa tu si Linggom, di papos rohana ma asa disukkun tu huta, ai ise do donganna ro mangaratto tu Jakarta on. Di alus ni tungganena na donganna na ro sian Jakarta do hape mamboan ibana tu Jakarta, jadi dilean tunggane nai ma nomor telepon asa boi dihubungi si linggom.
Tep ma ditikka, dapot arina, sahat ma tu jabuni amani tikkos tulang naposo na I, jala denggan do ditaruhon dongan ni si linggom tulang naposo nai. Nunga diparade nai tikkos sipanganon, ala diboto on dope ro tahe, par-amanna sian huta, jai dipature do akka loppan na tabo, ai diboto ibana do molo mambaen na denggan tu paramannai, na mambaen na denggan do tu ibotona.
“Jolo mar sipanganon ma hita, asa ta torushon muse akka nonang ta on, huboto hami nunga male hamu nadua, jai tu hamupe lae nami na manaruhon tulang namion, ba, ikkon rap mangan do hita, ai nunga diparade namboru muna sipanganon ninna.”
Dung sippul mangan, di uduti amani tikkos ma muse, panghataion, ai ninna rohana, denggan do tahe leanon akka masukan tu tulang on, ala na baru dope di Jakarta on, jala sodiboto on dope dia-dia, ima roha jala patuduhon holong ni amani Tikkos tu Tulang naposo na i.
Jeppek hata dohonon, marsialusn hata ma nasida, akka hata sidenggan-denggan, nang songoni Nai tikkos, dohon mangalean akka hata, huhut sai disiuki tahe hurum ni paramanna I, paboahon holong dohot sihol na tu si Linggom nang tu ibotona dihuta.
Jai sahat ma hata on tu Amani Tikkos jala dibaen ibana ma akka poda tu tulang naosona I, didok ibana ma “ Tulang niba dison, nang pe hamu hula-hula nami, alai sian umur jala napatut do hami mandok hata tu hamu, pangajarion, paboahon akka pengalaman, asa boi nian dapot hamu akka sitta-sitta ni rohamuna, jai tulang, Songon hata ni si tua-tua do dohonon tu hamu, Sai Marbisuk Ma hamu Songon Ulok, jala Sai Marroha ma hamu songon Darapati,……ninna amani tikkos.
Hape to ro ma dongan ni Linggom on mangalusi, “ Amang Boru, didok hamu nakkinon Sai Marbisuk Ma hamu Songon Ulok, jala Sai Marroha ma hamu songon Darapati,……tu si Linggom on, ai Nungnga Umbisuk bayon sian ulok, manang ulok aha pe taho, jala nunga ulokan sian ulok, ai holan Parrohaon I nama na hurang,……
Amani tikkos ??>))(*&><>……>???
Nb: Toho manang tutu suhutan i, tasukkun ma laetta amani daniel manalu 
Tulisan yang sama:
- Ai dison ma nian hita bere…
- Lippat ma…..
- Sarito ni na Satonga Tobat
- “AMEN MA ..EAH…..”
- Riwayat hidup
33 Komentar pada tulisan “Marbisuk songon ulok”
Komentar anda pada tulisan ini
ONLINE
swandy sihotang :
Adong do cerita molo mangaranto sian hitaan, tolu ma diboan tasna.
Parjolo-jolo dibukkama dipangarantoan tas nomor sada. Isina akka ijazah melamar tu akka perusahaan. Molo dang berhasil dibukka tasna paduahon, isina akka baju najeges, sai lalap dipakkei akka bajuon laho mangalului karejo. Alai molo tong dang dapot karejo nanggo karejo beguaha pe taho, dibukka tas napatoluhon. Isina akka ulok.
Horas.
Swandy
[Balas...]
Ricardo AP Marbun se mm :
Hahahaha……..
OLOK ?, –> pamangkut do on,
MANGULOKI ? —-> tipu muslihat, hehehe…..
Adong do di hutanta namargoar MARIMBANG (IMBANG) NAINGGOLAN (par Hauagong),.
Molo bere on, na gogoan mangallang ulok.
Dijabu nasida godang do stock ni miak / minyak ulok.
Miak ulok, dipercaya dapat menyembuhkan bekas-bekas luka ( memuluskan IPOS-IPOS ).
Nungga marragam ulok ditakkup jala di pangan ibana, termasuk ULOK AEK pe, tong do di hail-hail baeon.
Molo ni sukkun ibana, behado panghilalaanmu mangallang olok i ?
Alusna : ” Tole ma tulang, asalma pauba dai ” ninna bere ido mangalusi.
Sian sude ULOK, na so hea diallang ibana, holan ULOK SANGGAR ma, ndang nian so tama ibana, alai dibahen na UMMARBISUK i do ULOK SANGGAR i, manimbuk antar pohon. boi habang i. (terbang antar pohon) hehehe,… jadi tung pusing ibana laho manangkup ulok i.
Beha do ulaning molo habis angka ulok i ?,
Hehehe…..GOYA GILA pe ra, olo do haduan DIANGGAP sebagai ANAK NI ULOK i.
Molo songon ido haduan,… Bah bage pusing ma angka pangkail, alana susah mangalului umpan, hape HALINGKAGOM (LIMPAGOM ?) maol mura do luluan.
Hehehehe…….pangaltup ulok tahe bah.
Horas jala gabe, Tetap Semangat dan GBU. Amin
[Balas...]
swandy sihotang :
Molo au, parjolo sahali hutanda ulok tikki manonton parubat-ubat do molo onan di Pakkat. Sai huingot dope kalimat andalan ni parubat-pubat on ima: HEHE HO ULOK!!! Molo nungga didok songoni pittor mundur do akka dakdanak panonton i. Ai kaluar nama ulok nai sian peti-peti inganannai. Ima inna ulok sibatanggiang.
Molo di laksa najolo adong do inna ulok sabalga ni hau hariara. Dang be binoto sadia balga be i. Jala ditonga-tonga ni pakkaliangan ni ulok on, adong do ninna marasar dekke apala tok godang hian. Jadi moloo naeng manakkup dekke akka parhutai, ikkon jolo parmisi do, jala ikkon dilean do sipanganon tu ulok on.
Tutu do naeng i akke?
Horas.
Swy
[Balas...]
Ricardo AP Marbun se mm :
Hehehe,… Ampara,..
Adong dope kalimat ni par ubat-ubat na khas taringat tu ulok songon on :
ULOK HATA TOBA,,,….
ULAR KATA MELAYU.
GOSOK DIMANA GATAL,….
TEMPEL DIMANA LOBANG….
mmm…MAT’S SEGALA BISA !!! (mati segala bisa)
(Huhut di tempelhon jala di gosokkon tangan ni par ubat-ubat i tu nahaccit i).
Hehehehe………molo ro par ubat-ubat di Pasar, pintor hadir (ro) do disi amanta Si MAHIR,……..
Molo di Laksa najungkan i, godang do patung-patung ni angka si Pele Begu, alai nungga habis be di tangkoi halak, jala memang adong hian do tong disi Mual na mansai balga ( Mata ni mual i, ber diameter +/- 1 M).
Di sabola hambirang laho tu Laksa, pas di Kode honas najolo, adong do Sabanta, ditonga-tonga ni saba i adong Mual jala tubu hariara. Mansai godang dekke di mual i, alai molo kaluar dekke na dimual i tu Saba i, pintor mar matean do. ( ndang binoto manang ala ni aha, kemungkinan olo do ra akibat perbedaan suhu air manang olo ra alani pupuk/pestisida i).
Nuang, ndang binoto be barita na.
Horas Jala Gabe, Tetap Semangat dan GBU. Amin
[Balas...]
Lismawati Hansel - Sinaga :
Inang, au mabiar hian hinan do ahu mamereng ulok da. Nang pe nunga mate ulok i tong do mabiar iba.
Disaba nami di Sidulang Ramba pe godang hian do ulok.Molo lao iba tusi sahalak iba, olo ma attong mardalan iba sambil marangan angan hape marjijik ma ulok on alani tarsonggot.
Iba pe marsuraki janggalangiton.
[Balas...]
Pahala Manalu :
Alai traingot tu Olok on halehe…. sotung unang lupa hamu tu ulok ni si pakpahan partiga ubat, hubege kabarna nungnga marujung ngolu nasida las dohot do ulok nai. Molo martiga ubat on.. pittor didokkon do.. HEHE MAHO ULOK…!!!!! PSSSSSTTTTT ISE NASO MANUHOR UBATTON PAKKUT MA…. pittor mabiar ma attong panonton gabe di tuhor ma akka ubat ondeng.
[Balas...]
hendry :
Nga songon par’mateni’ paranduhur i ateh,…
jai diandungkon niolinaima attong paranduhur on, didokma…
“Amonnggg…..Nunga mate ho among, alai mangolu dope pidong, boha nama annon pidong mi amooooonggg”
[Balas...]
Ricardo AP Marbun se mm :
Talean ma ampara PIDONG na i DIOCCOP BAPUNG, asa adong gogona MANGALUTUNG BAGUDUNG.
Hehehehe……
Horas jala gabe, Tetap Semangat dan GBU, Amin.
[Balas...]
hendry :
Tarsingot tu amanta SIMARIMBANG abang, ai molo lewat bayon sian sitahuis lao tu Aek Sopang, brarti nga marimbosi sude ulok akka na didalan i ateh,..
ra holan dianggo uap ni Simarimbang, nga manggirgiri ulok i ateh
hahaha
[Balas...]
Ricardo AP Marbun se mm :
Imada Ampara, ai molo lewat SIMARIMBANG, so holan angka ulok be namarimbosi, angka GEA (goya) pe tong do JANGGALANGITON, apalagi goya gila, tung mabiar hian do. hehehe,,,,,,,
Tong do songon Amang uda MANTARI JEJET, (bedana molo si IMBANG Lewat, Ulok jadi korban (marimbosi) alai molo Udanta MANTARI JEJET (alm), jolma tarlumobi Angka ina-ina dohot dukak-dukak na jumbolangon). Songon on ma suhutanta ampara ; Najolo molo mulak maronan ibana sian Pakkat laho tu si Jarango, sai markureta do ibana (HONDA C90 —-> suara ni honda onpe mar : ngik, ngik,.. ngiiiiiikkkkk, do ), manang SUZUKI A 100). Sementara angka parhuta i, mardalanpat do nasida tu Pakkat (ala roa ni dalan jala ndang adong motor laho tengket on na).
Sian nadao, molo adong dibege angka pardalan i soara ni kureta, pintor radap-radap do simalolong (mata) na tu pudi.
Biasana (apalagi molo tikungan i ditutupi sappil-pil) pintor margurapas do angka ina-ina i huhut di hunti hirang manang hajutna nai. Marlojongi tu panasapan i (JANGGALANGITON), huhut marsuraki nasida : ” AWAS MANTARI JEJETTTTTTTT !!!!!……
Marsurak angka ina-ina i, laho paboahon tu angka donganna na so mam bege soara ni honda i.
Alani humordit na, angka ina-ina naasing i (dung tersadar laho pasidingkon honda i), pintor marlojong ma (hamburbe) sijul-jul dalanna be. Adong ma i na manimbuk tu ramba-ramba, adong na tu panasapan, sipata deba sampe marus-rus tu rura-rura i huhut marpistakan angka hajut manang hirang na binoanna,( hehehe,,,,, marsamburetan maaaa,…..)
Memang tung mansai mabiar be do nasida, tarlumobi angka ina-ina nang dukak-dukak.
Marsamburetan si jul-jul dalanna be alana mabiar nasida hona TOMBOM di bahen HONDA ni mantari jejet (amanguda i). Huroha nungga rauma / jora nasida jala sai dipareteatehon nasida, Ianggo Mantari Jejet, MOLO MENGAREM, PAT / TAMBIHUL NA I DO LANGSUNG DIPATOLTOL TU DALAN I,TANO I, NDANG PEDAL REM nai di dege ibana.——> Je behama tutu mambahen pakket mangarem molo tambihul do dibahen, apalagi molo pas dalan i mar aek jala landit, bahhhh,….ditombom hian maaaa…., olo ma sampe tarngek !….
Jadi nauju i, sai jumbolangon do angka paronan na mardalan laho tu hutanai molo mambege suara ni kureta ni amang uda i. hehehehe…….
Horas Jala Gabe, Tetap Semangat dan GBU, Amin.
.
[Balas...]
hendry :
abang…..
Ai di bekasi do anggo akka anak ni bapatua (alm) on, jala agak kompak do iba, ai heado hami najolo rap martandang tu baringin, tu hutani bang hardi. jai ceritana, borhat ma au, anak ni mantari jejet, dungi si rukber lbn batu, dungi anak ni bapa tua sibagariang guru smp rk.
Par lussuna, sada do anak boru, alai ro ma manandangi 4 halak marbun,…bah ro ma attong parbaringin on mandok, ai na naeng marhata sinamot nama??? asa diboan dongan tubuna martandang??…ujungna mekkel nama hami,…jai hubaen hami do gelar ni anak ni bapa tua mantari jejet on SI RAJA TEGA,…ai ibana do martandang, alai molo mangsi bensin di si TABA GOJE, ikkon iba manggarar,nang songoni molo minum TUAK di baringin Bugasan….
ai, nidok ma ibana si RAJA TEGA…..
si herbin ma goar ni on,…….tetangga ni lae si daud do on di bekasi
[Balas...]
Ricardo AP Marbun :
Hahaha,….. tutuhian do i Anggia,…..
Ala ni holitna, huhilala DOSA NA I pe ra, ndang boi buaton nihalak i, hehehe…..
Alai behado ibana dibereng amparaku molo mamboan kurete, TONG DO TAMBIHUL NA I DIBAHEN MANGAREM ? hehehe…..(Ndang dao tubis sian bonana ra ate ampara ?) hahaha… alai unholit dope abang na i,,,
Molo kedanta si RUKBER (Rusak Berat) manang SIKANTAL (rubber), tingki di Medan ahu, hea do tinggal ibana di Jabunta di TASBIH (Taman Setia Budi Indah). Adong do anak buru staff hu hian di Ktr, tolu taon (3) ma nasida sakalas. Memang itoan i (br Ginting) nauli do (sempat do ninna ibana terpilih sebagai None Karo, menurut ceritrana, disikkolo ninna tung mansai natagi do SiKantal on mamurgit ihur niitoan i, jai mulai sian i, sempat ma hu jou ibana SIKANTAL PAMURGIT) hehehe…
Nabodari rap do hami di Lapo Ondihon, jala sore on, naeng mangido dohot ibana mangarobe-robe tu Bandung ninna ), hehehe, …. mitong ibana hubahen nabodari …….nga songon namandele ibana huida, alana BAEN TONGOR nama ibana ninna ala so dapotna dope SIBORU NA NIDIPINA …… hahahahaha,,,…..( nea, pas museng nungga mar esemes ibana laho memastihon naeng dohot tu Bandung annon )
Hudok tu ibana nabodari, Na dioccop bura do ra ho, alana ditingki gelleng ho mungkin tok jugul ningku (hehehe…najolo, SENJATA AMPUH / PAMUNGKAS NI ANGKA DUKAK-DUKAK, BURA-BURA do kan ? mis, Molo songon na asing uap jala ndang adong na mangangku, pintor diburai jala di dok : SAI TUBUMA HARIARA DI…….NAI) ninna.—-> memang terlalu do tahe bah.
Horas Jala Gabe, Tetap Semangat dan GBU, Amin
[Balas...]
hendry :
Dokkon ma tu ibana abang,…tong do si RAJA TEGA gelar ni i hubaen,…..
Memang agak na jugul do i abang,…..
si kubeng ma muse goar ni on,…sai pinikkir hian do play boi bayon di usu, hape si raja tega do tong bayon, ai tong do sakampus hami di usu,……bah, si raja tega ma hahahaha
[Balas...]
Ricardo AP Marbun :
hahahahahaaa,…. SIKUBENG,, hudokpe annon tu ibana, asa diboto ibana jo. Je molo rap do hamu sikkola, berarti donganmu do tong hape anggia si RASINTA GINTING ?
Ibana ma napaboahon pangalaho ni si KUBENG / RAJATEGA / PAMUKKIR alias SIKANTAL on, tingki hupadomuhon nasida di Bank BTN Medan naujui.
Hehehe,,,, songon ende ni dukak-dukak di Laksa :
Sikubeng manang si Kantal,
Jolma parjolo i.
Laho tu pudi pudi.
Diihutton babi i,…….
Ditiop basahanna,
Marlojongi humalaput,
Diboan hau saddakka,
Mambahen lombut-lombut.
hehehe,…. nanaeng marhua manaeng SIKUBENG i huhut maniop basahanna, mamboan lombut-lombut jala humalaput tu pudi-pudi i ? hehehehe,…….boasa museng dohot babi mangihuthon ? alusna : nga dapot roha be i. hehehehe. SIKUBENG DILELE BABI… Hahaha,…..
Horas Jala Gabe, Tetap Semangat dan GBU, Amin
[Balas...]
noder :
Eenngg, tahe bah..
Anggo suhutan ni Amanta (Ricardo AP) on, tahe bah..ikkon wajib do iba mekkel torus…
Adong do tong songon suhutan ni amattaon di huta nami e…
Makana ittor dapot roha…
Semangat terus pakkat nabalau..
Eda Hansel-Jerman, na modom kodo hamu he…(dang tarbege suaram bah..)
Horas
[Balas...]
swandy sihotang :
Dokkon hamu bang si kubeng i asa aktif di FIP, asa moru RAJA TEGA-nai. Alana molo au mandok, olo bang sai ninna do, alai dang hea haidaan patna.
Swy
[Balas...]
Ricardo AP Marbun :
Na modom kodo nakni jala marbulusan museng ra itonta Lis (Jerman) akke ?
Oiiiiii ito Lis, ndang laho hamu MAMURO ? ai nga tok gok ro APPORIK..
hehehehe,,,,……
Horas jala Gabe, Tetap Semangat dan GBU, Amin
[Balas...]
Ricardo AP Marbun :
Inenngg,,…. hamuna ,ah….
Molo laho do hamu annon MAMURO, Unang lupa hamu padengganton SITAPANGI ni saba i da ?.
Asa unang bage MATOLBAK annon GADU-GADU i.
hehehehehe……..
Horas Jala Gabe, Tetap Semangat dan GBU, Amin
[Balas...]
hendry :
hahahahha….songonon ma molo parsipagabu manang par sijarango dongan marnonang,..hebat nai ra i…..
sotung unang lupa ho bang mandok tu si RAJATEGA i, ateh….dokkon ma, ai si raja tega do hape ho, nimmu ma,….jala boru ginting na nidok mi hutanda do i,…
[Balas...]
Ricardo AP Marbun :
Olo ampara.
Ipe mar-esemes museng ibana (SIKUBENG i), naeng ro ibana tu kantorhu jam 6 (18.00) sore on, asa rap hami tu Bandung.
[Balas...]
hendry :
Jei bang…..anggo suhutan ni Lae amani daniel on, sossok hian ma tu ibana,….marbisuk songon ulok, marroha songon darapati,…anggo bisuk ni si raja tega, nga lobian sian ulok….holan parrohaon i nama.huahauhauhauhauh
[Balas...]
hendry :
sada nai bang….unang lean marutang!! hhehehehehehhehe
[Balas...]
Ricardo AP Marbun :
Olo ampara,
Hudokpe annon tu Si KUBENG i.
Ipe museng mar-esemes ibana, asa painteonhu ibana alana naeng ro ibana tu Kantorhu jam 18.00 (6) on, alana naeng rap hami tu Bandung.
Hehehehe,… ampara, markombur ma museng hita ari selasa on ?
hehehehe,….
Horas jala Gabe, Tetap Semangat dan GBU, Amin
[Balas...]
Ricardo AP Marbun :
Hahahaha………. ampara doli…
tutu hian do tutu i kale-kale, adong do tutu mirip tu ulok i ibana, minimal igung na i. (songon ulok aek nanaeng mamakkut ulok aek 1/2 gotting nai ) hehehehe…..
Horas Jala Gabe, Tetap Semangat dan GBU.Amin
[Balas...]
hendry :
hahahahahhaha
hahahahhahaha
dang au mandok abang dah!!
sotung di alu-aluhon dongan innon tu ibana, lak diboan piso na sian MARTORNABALA na tasikon i annon,…abang do mandok mirip dah!!
sude saksi dison bah!!
[Balas...]
Ricardo AP Marbun :
hahahaaha……….
Hea do dibege hamu suhutan ni par Laksa na jugul na uju i ? Molo sai diorai natua-tua, ndang olo mangoloi ibana.
Naujui, hea ma ibana mandele ala ditinggalhon Hamletna. ala nii marsakkap ma ibana naeng manikkot.
Tingki i, manjakkit ma ibana tu sada hau na topet di ginjang ni bondar-bondar. Disangkotton ibana ma andor-andor na lilit di hau i tu rukkungna
Dung di kobethon andor i, pintor manimbuk ma ibana tu rahis-rahis i. Sai mambal-ambal ma ibana, gantung-gantung songon pinasa (tolu hali mambal-ambal). Hape ala ni bolonna, pintor gotap andor i, marbubusma ibana tu rahis-rahis i, masap-sap ma bohina i jala maguling pas tu bondar-bondar i. Huroha haccit do dihilala ibana namasap-sap i, bage ndang be diulakkon ibana. mulak ma ibana tu jabuna.
Dibulan berikutna, adong ma di sambil halak BABIAT di huta i. Je ro ma angka jolma laho manonton, alana hona SIGASIP do pat nai.
Amanta si Jugul on pe, dohot do tong manonton, jala bugang na dibohina ipe nga agak kering. Sai berusaha ma ibana laho mamereng huhut biar-biar otik. Alai ala godang ni jolma na manonton i, bage dang boi babiat i dibereng ibana (sukkot akka jolma i).
Ala nii, manjakkit ma ibana tu sada hau. Asa tuk takkas hubereng, ninna rohana, sai dijakkit ibana ma tu puccut ni hau i. Hape hau i, topet hau MANDUAMAS (molo akka dukak di hitaan, dibahen do i batang ni giling-giling laho mangalap aek tu paccur. hau manduamas, agak lentur do i, jala dang mura ma ponggol).
Tingki manjangkit si Jugul i tu hau i, hape adong naasing mangihutton ibana tong manjangkit tu si.
Dung sahat tu ginjang, pintor mandengkuk ma hau i, topek museng si Jugul i gantung-gantung di ginjang ni BABIAT i. Pintor janggalangiton ma ibana, marsuraki tangis-tangis. Untung ma na gale-gale babiat i, alana nungga lobi tolu ari targasip disi.
Akka jolma pe, marlojong ma manarik batang ni hau i, asa ambal si Jugul i sian ginjang ni Babiat i.
Selamat ma si Jugul i. mulai sian i, burju nama ibana. Jala ibana pe sadar ma alana DUA HALI IBANA SELAMAT SIAN HAMATEAN. NDANG TAMA BEGU , jala BABIAT PE NDANG OLO MANGOCCOP IBANA. hehehe….. akka si jugul tahe bah.
[Balas...]
Lismawati Hansel - Sinaga :
Ineeeeeng akka parnonang on,
marnonang disan marnonang dison, lobi sian akka ina- ina.
Ise do nuaeng na nihataan muna on, hutanda do naeng i? Satorbangta doi ito Hendry?
Ito Ricardo, MAMBAL ma jo husukkun, naung tutup do Apotek muna i?
Naeng aha nama bahenon muna disi?
Manang na lao gadison muna doi?
[Balas...]
Ricardo AP Marbun/ Edo :
Olo Ito, Lis. Anggo Apotek i nungnga tutup be.
Alana Omaknami (Br Simarangkir) tinggal di Medan nama, behama ala nungga matua +/- 84 Tahun, jadi naik Pesawat pe nungnga susah.
Nuaeng molo so salah, dibahen ra jadi tempat kursus (pastina ndang apala hu boto, alana siampudan i do (GUNTUR MARBUN) na mangaradoti angka na dihutanta i.
Molo taringot tu nanaeng manggadis, ndang adong rencana nami ito.
Alai adong do rencanaku nanaeng mambangun Perumahan di Pakkat /mambahen SEMI TOWN HOUSE (hehehe asa agak keren/jeges goar ni rencana i) di samping ni Rumah Sakit Umum Pakkat i (bersebelahan dohot SD RK & Asrama Putri) godang ni jabu +/- 50 Unit).
Fasilitas rumah, seperti fasilitas KPR BTN, ( lengkap Air dan Listrik , dengan tanaman PALM sebagai pohon pelindung,—> ndang ambasang bahenon alana, olo bage malala pamangan ni dukak-dukak, hahaha…..).
Prototype kwalifikasi rumah adalah bersubsidi dari Pemerintah (berbunga 7 % / thn sesuai ketentuan pemerintah),asa boi terjangkau masyarakat i.
Rencana goar ni Perumahan i ( ” KOMPLEKS MANTARI MULIA”, —-> hehehe,,…asa abadi goar ni natua-tua i).
Mudah-mudahan ma rencana i jadi ito, paling tidak untuk berperan membangun hutanta.
Memang nungga hujajaki untuk pelaksanaanna termasuk menggandeng Perbankan untuk membiayai, dengan nilai investasi +/- Rp. 2.Milyar, Perusahaan nungga berdiri dengan segala legalitasnya, (alai tongma alani na sai pindah-pindah tugas i, bage GALEMPOT NI HILALA.
Hehehe,…..Horas Jala Gabe, Sukses selalu & GBU. Amin
[Balas...]
hendry :
ai jadi do hamu na markombur i???…asa dohot jo iba dah,…alai agak batukon iba, jala naeng marbadminton marsogot akke, bohamai akke…..
[Balas...]
Ricardo AP Marbun/ Edo :
Markombur ma hita Kale-kale, dohot ma ho da anggia , asa sombu jo roha na markombur i.
hehehe,……manang di lapo Ondihon pe taho, unang holan PARSITAPANGIAN (SABA/HAUMA) i tapingkiri akke kale-kale ? Hu GAUK pe SIKUBANG. hahahaha….
Horas Jala Gabe, Tetap Semangat dan GBU. Amin
[Balas...]
Ricardo AP Marbun/ Edo :
Hehehehe,… anggo ala ni batuk-batuk do, ta alap LASERIN tu APOTEKTA na di HAUAGONG i, akke kale-kale,…
Horas Jala Gabe, Tetap Semangat dan GBU, Amin.
[Balas...]
Lismawati Hansel - Sinaga :
Tu Ito Ricardo,
ba antusias do ahu mengikuti rencana ni Ito mengenai perumahan.Huikuti pe baritana, anggiat ma sukses akke?
Mulak do hami awal taon na ro tu huta, hallethu pe dohot do asa huboan jolo masisalak. Attar rajin do Lae mon mulak tu hitaan, jala adong do angan angan ni i lao tinggal disi molo nunga pansiun haduan( bah..nalelengan dope i)
Ima molo angan angan nami dabah…na hubereng do taon lalu kosong Apotek i seang nai narohakku..
[Balas...]
Ricardo AP Marbun/ Edo :
Ok ito, urusan salak, gampang ma i ito, atik sir roha ni ito naeng mangallang salak nami. (nangpe godang salak ni ito).
Biasana, tingki di Medan ahu (thn 2001 s/d 2004), molo mulak ahu tu huta, selalu do mamboan salak sekitar 2 (dua) goni untuk oleh-oleh, ai napaling mantap molo mambuat sandiri do sian batang na i akke ito ?.
hehehe,….
Horas Jala Gabe, Tetap Semangat dan GBU. Amin.
[Balas...]