Marbatto
Satu Tradisi yang hampir punah
( publikasi by Tommy Sihotang)
Daerah Kecamatan Parlilitan, ima sada wilayah di dataran tinggi na bergunung-gunung. Suhu di wilayah on termasuk na ngali do molo dipatudos tu Pakkat, alai lobi ngali do pe Dolok Sanggul, alana molo binereng na ujui, nungga jam 10, alai godang dope jolma marmandar manang na mamakke jekket na mansai hapal.
Molo di tiap bulan Dua Bolas (Desember), adong do fenomena alam na terjadi di sekitar tombak di gunung (perbukitan) antara Pusuk sahat tu dolok-dolok arah tu Parlilitan (daerah na asing ndang pola huboto tangkas). Aha ma i ulaning? Jadi di dolok dolok sinangkin, mamolus do pidong (molo di huta nami Siringoringo didok mai ‘Pamal) godangna marribu-ribu. Rombongan Pamal on mamolus ma tiap ari sian rute i. Boasa tarjadi di bulan Desember? Jala boasa lewat rombongan ni Pamal on sian daerah dolok-dolok ni Siringoringo sahat tu dolok-dolok arah tu Parlilitan?
Songon on ma suhutanna. Angka dongan na sian Parlilitan sekitarnya pasti do mamboto jala mungkin hea marbatto. Asal usul ni pidong ‘Pamal’ on memang ndang sian Indonesia on manang na Asia, alai sian banua Eropa do (ndang Banua Rea da!). Di bulan Desember, nungga musim dingin di Eropa, jadi secara besar-besaran mar – imigrasi ma pidong on laho tu daerah na lebih panas ima tu iklim tropis di banua Asia termasuk ma on tu daerah sinangkin. Sepanjang musim migrasi on termasuk ma on musim reproduksi (musim kawin) sahat na tu namulak muse tu ekosistemna di Eropa, songon na hea tabereng ra di National Geographic cannel. Jadi mamolus ma angka pidong on secara bergelombang tiap ari habang ribuan kilometer jala tarjadi ma musim imigrasi on secara rutin.
Na paduahon muse, boasa angka ‘imigran’ on mamolus sian dolok-dolok ni Pusuk (Sapparungan) torus tu arah dolok-dolok ni Parlilitan? Hea ma husukkon on tu Ompung di Siringoringo, jala dialusi ma tutu. Di daerah on termasuk ma inganan maradi (daerah transit) ala godang do siallangon na di si. Jala molo marborngin (modom) pe di tombak na di dolok-dolok i do tong alana molo nungga sae mangan laos marborngin ma kloter on sebelum habang muse marsogot na i. Memang, jam satonga tolu sahat tu satonga onom botari ma ribur-ribur ni rombongan kloter on mamolus.
Situasi si songon i, dipargunahon angka parhuta na jonok tu pamolusan ni Pamal i do na laho manangkup Pamal on alana memang tabo do tutu suha na i. Balga ni Pamal on songon balga ni Darapati (Merpati) jala warna na coklat tua songon Anduhur. Boha do carana manangkup Pamal on? Unik do menurut au jala adong semacam petualanganna. Hea do sahali dohot au di arahon na tua-tuai, tikki i kalas 4 SD dope au. Borhat ma hami, mamboan parbohalon tu tombak. Adong do piga-piga halak hami sian huta i, na somal laho marbatto. Jam tolu botari, sahat ma hami di dolok i, torus mandaki sahat tu na paling timbo. Hape nungga mansai ribur hian angka jolma di tombak i, ala terbege do angka suarana. Inganan parbattoan on marbaris do jala dompak tu arah jurang jadi sai hira panatapan do. Dua batang hau pajonok-jonok dipasada jala dibaen hira-hira model rumah pohon alai ndang mardingding dohot maratap, alai dibaen ma papan dohot hau gabe inganan hundul manang jongjong. Ia alat
laho manangkup, dibahen ma jarring (jala) dipahembang jala di baen ma lais na 2 hau. Molo di bonana (ditoru ni batto on), sompit do, sekitar 20 cm, alai lam tu ginjang sai lam bolak ma jarring on, olo sahat tu 4 5 m, jala timbona pe antara 4 5 meter. Hundul ma manang tindang anggka parbatto i paintehon rombongan Pamal mamolus sambil mamulos timbaho hubereng. Biasana di angka parbatto, marsipaboaan do molo nungga adong di bereng di nadao tu jolo aduna habang marrombongan. Tor dibahen ma suitan (semacam isyarat) asa unang ribut angka jolma i. Jadi, ittor longo do antong tombak i, holan soara ni alogo na mamullus ma na tarbege. Sian panatapanhi hubereng ma tutu dao tu jolo nungga ro rombongan ni Pamal i. Biasana adong do sahalak dua halak sebagai komando (na marpengalaman di dunia parbattoan), ima na laho mambahen songon suara ni lali (elang) mansai gogo si tutu. On didok ma Pamurut. Boasa ingkon di purut? Menurut pengalaman ni angka na somal,
mabiar do pidong on molo adong suara songon suara ni lali apalagi na gogo jala tompu. Jadi songon mambahen daya kejut to rombongan ni Pamal na mamolus i. Ittor pattik do turun parhabangan ni Pamal i, ala tarsonggot. Di si ma parbatto beraksi, manjaring angka Pamal naung manikkup. Adong do 2 sakkot di batto nami dohot Bapa tikki I hape nungga mansai leleng situtu hami paimahon, sampai maondok-ondok iba di ginjang ni parbattoan I alani damor ni alogo (angina gunung bo). Di bagasan kurun waktu jam tolu tu jam satonga onom, olo do lewat manang piga-piga hali alai ndang martottu. Sipata olo ribur alai dao habang nang pe nungga di purut angka tukkang purut professional i, jala sipata do otik alai jonok. Jala molo marnasib, olo do godang dapot. Alai molo ndang marnasib, agia pe godang Pamal mamolus olo ndang dapotan.
Songon hasomalon di halak hita, molo mangulahon siulaon, sai adong do angka ‘pamali’ (sesuatu yang tidak boleh dilanggar). Ndang pola huingot angka aha do tikki i na so boi di ulahon molo marbatto, na pasti ahu maondok-ondok jala santabi ‘muttut’ (buang angin) piga piga hali…hehehe. Jala tikki mardalan naek, ndang hea so tanganhu. Saai manalliki bulung-bulung do au, jala hutaba sada hotang/mallo (rotan) na gelleng, marduri na tajom, laho mambahen tukkot. Dipasinot Bapa do au tikki i, alana ingkon jolo balga pe asa di taba ninna hotang on jala unang pa gaorhu sai manalliki ala annon olo hona na di pudi manang na di jolo. Ah tahe, si jogal baut hehehe. Jadi taringot tu ‘pamali’ on, molo dilanggar ninna, olo do ndang dapotan, hape parbatto disamping ni iba misalna sai dapotan torus. Ndang masuk akkal nian di ahu on, alai menurut angka parbatto na pengalaman, tarjadi do sisongon i. Tikki hami holan dapot 2. Rombongan na asing nai, naunggodang ma
dapotan 5. Mansai las do roha niba tikki i, alana boi ni rasahon boha do suka duka ni parbatto.
Saonari on, peristiwa migrasi ni pidong on, nungga sangat jarang be lewat sian dolok-dolok sinangkin. Tikki na mulak dibulan Dua Bolas na salpu, sekilas martaringot do hami mengenai Pamal on, ala na marbokkas do di roha niba. Didok parhuta i ma, nungga sangat jarang mamolus Pamal sian i. Angka natua-tua paboahon, bahwa nungga lao be angka Pamal i tu huta na asing. Didok nasida, ala nungga godang habis tombak i ditabai laho mambuat hau, jadi parmodoman ni angka Pamal i pe gabe pindah ala na ndang lomak be tombak i. Songon i ndang angka siallangonna, gabe habis ala na nungga gundul dolok-dolok i. Mungkin muse ma ra i alani pergeseran siklus ni iklim dohot cuaca na so martottu saonari on ditambah pemanasan global mambahen pargeseran ni pamolusan ni Pamal i, alai (logat ni Temba dan agak monyong) ndang haru binoto i ala ndang adong dope penelitian tu si. Manang na alani Flu Burung do…hehe.
Lambat laun ala ni i, mungkin gabe mago/punah nama tradisi marbatto, ala so adong be Pamal na mamolus sian i. Generasi berikut ndang diboto be hata ‘marbatto’.
——————————————————-————————
commnent : Dang holan di parlilitan adong marbatto, di pulogodang pe
Alai soadong be sibatoon saonari, nga habis tobbak di tabai, pusing ma dohot pidong i
Berita lain ...
Komentar via ID Facebook Anda, silahkan Login...:
12 Responses to Marbatto
Leave a Reply
Memang seang hian do Ito Tommy molo godang tradisi na punah, dang holan di hita on, di sude portibi on do songoni.
Alasan na paling
masuk akkal memang na so lomak be tutu tombak i, gabe dang ma cukup allangon ni pidong i, ido asa gabe dilului halaki rute na asing.
Alai mungkin muse do ra tutu alani perubahan ni iklim, alana sarupa tu ikan paus na di Pasifik an, gabe bingung ikan ikan i dang diboto mulak gabe olo terdampar dalam perjalanan pulang ke kutub selatan.
Alai dang binoto da, jolo tasukkun ma akka ahlina.
Cuma na jelas, seang hian do molo sada tradisi lambat laun punah.
[Balas...]
Imada, MAMBATTO IRNGA dohot HARINUAN nama…sipata LOPPONG, SIHAPOR MOCCAK, nang SITURNGAK-NGAK, sekaligus WISATA EKTRIM KULINER….
Molo dang manakkup muddur-muddur ma?? Hahaha…
Horas
[Balas...]
Asal ma unang marbatto begu ganjang
[Balas...]
Bohama naeng baenon mambatto IRNGA akke?
Alai saboha jago ni si Kenthy on mambatto, ikkon dang boi dibatto on hutu.
Kwakakakkka
swy
[Balas...]
Apalagi marbatto hutu ni hutu.
[Balas...]
hahaha…imada..ai aha do tahe Irnga, semacam serangga do i kan? Dang sarupa i tu sipasing??
Horas
[Balas...]
Hua..ha..ha..
Molo Irnga nahuboto serangga do i, songon sihapor jala marngingik.
Ale sipasing attong di aek do mangolu i, rap dohot Kattima dohot Siburiccak.
Tabo do tong allangon i.
[Balas...]
Ampara Tommy, nga godang hu buka buku taringot tu pidong na adong di Eropa, songon na so adongdo bah na sarupa tu pidong Pamal i. Tangkas hian kodo huingot rumang ni pamal i, ai na taon 1990 i marbatto dope au.
Ampara, dingkan dia ma jabunta di Siringo ringo? Alana andorang di si dope Onan, sai jotjot do iba dohot tu onan, mangurupi natua tua nanggo apala mamboan kalapa sanjeret.
Godangdo hutanda parhuta muna i, CV Karina na di Balikpapan i pe hutanda do i. Di tanda ampara do si Binsar Sihotang?
Mauliate
[Balas...]
Hutanda do i Ampara. Alai hurang ingot do au dirupa nasida.
Molo bagas ni Ompung di Siringoringo, ima di Parluasan sebelum Onan Siringoringo molo arah laho tu Pusuk manang tu Dolok Sanggul sabola hambirang. Uda na ma na mangingani bagas i, jala molo bagas nami di Pakkat do, tubu magodang di Pakkat.
Molo mengenai pidong Pamal/Umpamal i, goar Latin na ndang apala huboto takkas masuk tu familia aha ma i. Alai salah satu pidong migrasi do on (ala secara logika pe memang musim ni pidong on ima bulan pertengahan November sahat tu Januari, jadi musim dingin di Eropa).
Molo hurang takkas, di Pastoran Parlilitan adong do literatur tentang pidong on di surathon sahalak Pastor na hea mangula di Paroki Parlilitan. Boi do dipatakkas ampara tu si.
Horas
[Balas...]
horas
[Balas...]
Molo taringot tu Pidong Pamal i, memang hea do tong diida di acara TV na mandok bahwa pidong i memang pidang na migrasi do, jala didok do tong ditikki i sampai do tujuanna tu Parlilitan.
Jala dohot museng do tong BATTO ni Katua Tommy i dibahas,tikki i. hahaahahahahaha,,,,,,,,,,,
Horas Jala Gabe, Tetap Semangat dan GBU Amen.
[Balas...]
Katerra mu bamu !
Di Trans TV PARLILITAN enda di bahas kaltu
[Balas...]