Lippat ma…..

Dang pola situdu goar jala dang denggan i, alai tadok ma nian amanta on Sintua HUSH!!, na baru pe ibana diangkat gabe pangula ni huria na adong di luat i. Didok SITTUA HUSH, ala sijaga-jaga pittu ni gaerja ma molo masa parmingguon, ai olo do masuk MANUK, ia so i PANANGGAI. Jadi molo masuk akkaondeng, Hus…hush….ninna mangalele. Sada sihalashononhon do nian i, jala diparniulaan na siganup ari pe tarida do dibaen amaniLonong maradophon donganna sahuta, tarlumobi ma maradophon akka ianakkon na.  Dang hea so marminggu, dungi mangangkat-angkat hundulan molo so siat akka parminggu i, mamalu giring-giring ni namate, alai olat ni namanjaha tinting dope na tolap ibana. Olat ni na papungu durung-durung ma na gumodang. Anggo maragenda, sai dijua ibana dope, ninna olo manggirgiri molo manjaha hata ni Debata.

Tung massai longang do attong nasahuta i mamereng pangalahon ni amaniLonong, ai tangkas do diboto nasida ise amaniLonong, di tikki so sintua ibana jot-jotan markartu-kartu do ibana di lapo ni oppung nisi Pardomuan na disippang opat an.

“Didia boi sintuanoni, ai holan markartu do ibana” ninna nadeba, nadeba mandok “Na naeng masa nama aek na sumar naeng di luat on? ai nunga tobat amaniLonong” jala na deba mandok “Nga kode alam “on ninna ama-ama si jaha togel.

Alai, dipataridahon amani Lonong do sian pangalahona naung maruba i tu akka donganna sa parmeam-meaman hian, jala lam leleng gabe porsea ma akka donganna naung maruba hape ibana. Dang dong be manungguli akka ula-ulana namarkartu i najolo.

” Ah, tahe,..nga leleng iba gabe sintua, soadong dope na boi ne lehon hadengganan tu akka dongan, ua hupodai ma jo akka dongan parkatu an, atik boha boi maruba nanget-nanget songon au, ido asa adong laatanna iba sintua”, ninna amani Lonong dibagasan rohana. Toho do nian na nidok ni amani Lonong ala di lapo ni Oppu Talhus apala jonok tu gareja i. Sai joot-jot do akka dongan ama naumposo markartu i disi, nang pe holang 200 meter gareja, sian manipat ari holan na markartu do akka ama-amai disi.

Ditikki ro amani Lonong tu lapo i, dibereng ibana ma donganna amaniPeut, tung massai lalap na mar kiu-kiu (Q-Q) i, jala sipata mekkel sipata murhing. Ra molo jago kartu ni ibana, tor songon na serom do ibana, alai molo nga roa kartu i, tor sai didorguk do tuak na dijolona i sagalas-sagalas.

“Ai paso hamu ma na markiu-kiu i lae amaniPeut, dohot ho appara amaniRaus” ninna amaniLonong huhut nger-nenger maddok. Sip be. Dang adong mangalusi, alai sai mardalan do anggo parkartuan on.

“Ai dang dibereng hamu nga borhat parminggu an? hape hamu mulai nantoari dison, hehe be hamuna, marminggu sahali-sahali?” ninna ibana muse tu donganna i, alai lakso adong mangalusi ibana.

Tep ma, dung dibagi kartu kiu-manang dobol- i, maropat-opat, pittor didok amani Peut ma “Pa soon do nimmu on lae?? ” huhut di pamiding saotik kartu na i tu amaniLonong. Hape kartu ni amani Peut nunga KIU-KIU (QQ).

Holan dibereng amaniLonong songoni tor didok ibana ma ”Boasa pasoon?, ba lippat ma lae, nga monang i”

Berita lain ...

• Dung Lam Matua…
• Dirimpu Rumbi
• MANGAN MANOGOT TINGKI SINGKOLA
• Jambar ni Parrasun
• HUTA HUTA DO HUTANAMI