Iteng,…tibbo ni sakkotan
holan au ma mambotoon parhuta dia namandokkon on,…dang sikaboa-boa, sotung digedap iba annon
Tung mansai las do rohani si Tio, ala boi do hape ibana manorushon parsikkolaann tu sikkola atas, dang arop rohana adong an boi pasikkolahon ibana, ai takkas do diboto ibana na so tolap be anggo natua-tua na laho manguduti sikkolana. Nangpe ikkon lao ibana tu Pakkat, jala tingga di jabu ni na olo pasikkolahon ibana i, ai apala parpamilion ni nasida dope nian. Ia hutana atttar daodo sian huta Pakkat, pola do olat ni tolu jom mardalan, jala tikki i dang masa dope motor, jala dang ditanda halak dope listirik dihutanasida.
Marlampu togok dohot mardalan pat dope masa hatiha i. Suang songoni molo naginoaran tipi, dang hea diida nasida i, alai hea do tarbege tu nasida na saluat ima na adong ninna jolma na metmet boi masuk tu poti-poti jala boi muse makkatai nang marende. Anggo diroha nasida tung sa so masa do i, bah molo jolma, jolma ma, jolma beguaha ma i molo boi masuk tu poti-poti i. Jolma beguattuk na ma ra i, ido anggo pamotoan nasida.
Dibotari i, nunga rambon-rambon manuk sahat si Tio tu jabu induksomangna, di Pakkat. Tutu, nunga tardok namora nduk somangna on di Pakkat haiha i, nunga masuk listirik jabuna jala nunga adong be anggo tipina.
Tung mansai longan ma tutu si Tio holan dibereng tipi ni parjabu i, bah tutu….nion do hape nanidok ni jolma na dihutaan, boi masuk jolma tu poti-poti, nunga porsea be ahu ala nunga hu ida. Bah…ai molo haluar nasida sian bagasan poti on, sian dian ma ulaning dalanna, jala boha do naeng, met-met ni jolma. Sai ima dirohani si Tio sahat tu namodom ibana, dang marnapit-pit be simalolongna holan mamikkiri namasa na baru ni idana i.
Dimanogot nai, ro ma induk somangna on manjouhon ibana didok ma “Tio…jomurhon jo bere akka baju-baju i, asa hatop mahiang annon”
Pittor hatop do diolohon si Tio, jala di hindat ibana ma ebber panussian on tu jolo ni jabu i.
Alai tarngongon do ibana, dibereng ibana ma tu ginjang, jala dibereng muse tu hombar jabu i, “bah…Tibbo ni sakkotan, ai jolma beguaha nama parhuta on, songoni tibbo ni sakkotan”.
“Boha do abaenon manjomurhon on? ikkon adong nama jukkit-jukkit” ima ninna rohani ibana, jala sai dipikkiri ibana ma dalan laho manjomurhon baju-baju on. Nunga tung leleng ibana namarpikkir on. MAsuk ma muse ibana tu jabu didok ma tu induk somangna i “Nantulang….dang hajomurhon au baju on, tok tibbo-tibbo hian sakkotanna, ai ikkon martangga do au….”
“Sakkotan dia??”
“bereng ma neh nantulang,…tibbo ni sakkotaan……” huhut ma ro induksomangna i haluar mamereng nanidok nisi Tio on…
“AI dang sakkotan i Tio…dang tusi jomurhononmu…tiang ni listrik jala kabel ni listirik do i…nga tok jim ho dah….”
Berita lain ...
Komentar via ID Facebook Anda, silahkan Login...:
13 Responses to Iteng,…tibbo ni sakkotan
Leave a Reply
Nga tok jim hian suhutan mi bah…. taon sadia ma naeng on terjadi, sian huta dia ma asal ni itoan si Tio on dang ra sian hutanami i ate ? Alai tahe molo na jolo SMP pe nunga di Pakkat sikkola alana boi bilangon do SMP na diluar ni Pakkat paling ma di Sibambanon SMP Swasta, di Sihorbotanjung manang di aek Riman sian SMP dia ma naeng itoan on ? sian Sibambanon do ra ate ??. Maaf tu par Sibambanon.
[Balas...]
tioriada:
July 9th, 2010 | 19:05
hamu ito huroa pardia
[Balas...]
Parhuta Ginjang do Molo so sala i, molo so i Sipagabu. Ai boha hian nakni oto ni itoan i akke?
[Balas...]
je buti do hamuna ceritani i, anggo on nyata do on.
najolo molo EBTANS SD kan tu pakkat do sude sian desa nawalu ro do sude tu pakkat, kebetulan Natua-tua i najolo Guru SD d Banuarea je gabe natua2 ima manguluhon akka macca i tu pakkat.
tikki i akka siswa sian banuarea on di jabuni RM SAKURA do modom, alai nangpe songoni tiap sore sai rodo tujabu nami tu panigoran.
tep ma tikki i anggo so sala au pas ari senen, ro be ma akka macca i tu jabu nami.. je halakon naggo sada dang adong naboi maddokon “R” jala ido ciri khas di luat i.
huddul2 ma attong akka siswa i di topi dalan i, tikki i naeng mambilangi motor(mobil) nalewat hian do tujuanna hape adong ma sahalak dianttara ni halakon ninna huhut dibereng tu arah tiangni listrik nadi jolo ni jabu i.
” iteeeeeeng tibbo2 ni sakkotan di son,, je boha ma naeng dibaen majjomurhon baju akke!!
tor mekkel hian ma hami tikki i
je songoni do ceritani i
horas…horas
[Balas...]
JE BOHA MUSE MA PAR SIRANGGITING….
HUROA SO HEA DI IDA IBANA MOTOR ALIAS MOBIL DI DOK NUAENG.
RO MA IBANA TU PAKKAT LAO SIKOLA
DI IDA IBANA MA MOBIL ON LEWAT, OPRANTO DO NIAN MOBIL ON
TOR NINA IBANA MA” OPUUUUNG……. MARDALAN SOPO- SOPO !!!!
..,`,,,
[Balas...]
tioriada:
July 9th, 2010 | 19:12
ah…………najolo do i awas tersinggung da parsiranggiting anggo sonar i nunga maju be halaki
[Balas...]
Adong museng dope kale-kale kejadian songon on.
Di akhir tahun 60′an, ro ma tong PAR SIRANDORUNG dohot PAR MARTONA BALA tu Pakkat.
Pas ma lewat ibana di SIMPANG OPAT i, ittor dibereng ibana ma lewat HONDA NI CAMAT.
Ittor bingung ma ibana, huhut SAI DINOT-NOT i.
Je ittor ninna ibana ma mandok jala MARSURAK TOK GOGO :
BAH ! MATTE MA,…
ANNE KARETA ANGIN NA MARTIMUSSS…….
ITENG JO HAMUNA, AI DI KADIHANA DO NAENG DI TIPPUS APINA I AKKE ? ninna ibana huhut sai MANGUPIR-UPIR.
Je maklum do iba bage sampe bingung ibana.
Nidok maklum tikki i, alana DATANG NUMAENG pe kani, nanggo SEKEDA (SEPEDA) PE NDANG DOPE BOI ” MENDARAT ” disi, apalagi ma tahun 60′an ningon dah.
Je tu anak niba si Qubenk, ikkon dohononmu do asa dibangun dalan tusi, nanggo pala margotong royong.
Hahahahaha……… tarlambat ni na merdeka i disi akke ….. hehehehe….
Horas jala Gabe, Tetap Semangat dan GBU, Amen.
[Balas...]
Di martornabala do suhutan on kan bapatua??…boha molo suhutan ni parsibokkare??…
[Balas...]
Iteng jo kale-kale, di Sibokkare do nimmu ?
Bah, Huta ni oppung ni Bapa nami do i dah, imaaa….
Hahahaha,……. Hidup Sibokkare, Hidup Laksa, Hidup Pakkat.!!!!
Je najolo kale-kale, molo di Sibokkare, sai hira na hapuloan do antong huta i, dibahen ma mula-mula najolo “DALANKULI” sian Laksa (sebelum Siniang) tu si, je ala jarang do lewat MOTOR manang HONDA mandalani dalan i (alana najolo, holan halak lae Sihite /Natoras ni si Robert (Alm) do nampuna motor sian i) je bage “POPPOT” (nyemakin/semak-semak)ma . Ujungna ? dalan ipe bage holan dalan tu ladang dohot tu parburuan ma tikki i. hehehe….
Je molo aek godang (sungai) na mamolus sian huta i, godang / “BAHAT” do disi sumber batu alam.
Jala termasuk do i, jalur “urat” emas tu Dolok Pinapan.
Nga hea hami tusi kale-kale (di Batang aek i) laho “MANGALALANG” batu bahen batu cincin.
Bah mantaff hian nimmuma, Imaaa….
Jala menurut ahu, dimungkinkan do disi bahenon “TAMBANG BATU ALAM” songon na di MARTAPURA, BANJARMASIN I. Jala nga hea tong hubereng tu Martapura, molo prosesna i, ndang pola sulit. berarti punya peluang untuk buka lapangan pekerjaan akke ? hahaha,,,,,,,
Horas jala Gabe, Tetap Semangat dan GBU, Amen.
[Balas...]
PILA TIMBO NI JOLMA ! !
bage huingot sada suhutan alani artikel “iteng timbo ni sakkotan”.
Judul “pila timbo ni jolma” terjadi do on di sijarango I, huta ginjang. bolo nung hamu tu sijarango, sa alaman do gareja dohot parsikkolaan SD. massai bidang do alaman i songon lapangan sepak bola jala hira hira sarupa do bolakna. Najolo alaman ima dibaen akka doli doli inganan parmeaman nasida. Sejajar dalan tu gareja i, marjojor do bagas, laos di alaman nai do sakkotan panjomuran. tikki marmeami naposo i olo do sipata naeng mambolokkon nakotorna jala laos dipinggir ni lapangan i do nasida mambolokkon alai lao paias harubbakna nakotor i di lului ma pangogosan songon tiang ni balerong na di Pakkat i. Holan sakkotan ni kappung lama do na adong ima na madoppakkon alamani, tusi ma dipangogoshon nasida ihurna nakotori.
Dungo ma si sogot i kappung lama i jala dibereng ma tiang ni sakkotannai nunga kotor.
Ditallikima naung dikotori naposoi asa unan dikotori be. je songon nasomal, toho muse dirondang ni bulan, marmeami ma muse naposoi. terjadi mam muse songon borngin na bodari. adong do korban ni natartallikan i. Alai nung i, diakkali naposo ima, di uppat ma sakkotan i jala diogoshon ma tu ujung ni sakkotani, tongma museng hurmuk idaon songon tiang ni balerong nadi Pakkat i jala dipajokkon ma muse sumuang songon semula. Si sogot i, hehe ma kappung lama , ittor i dipareso kappung lama ima sakkotan nai mulai sian panallikan i sahat tu ginjang. Tarsonggot ma ibana uhut na mambereng tu ginjang i, laos didok ma “Pila Tibbo ni Jolma? ? ? ? ? ?!” Ai dang sangka rohana na diuppat sakkotan i lao mangogoshon ihurna i.
[Balas...]
[Balas...]
Dewi:
May 15th, 2010 | 18:26
Mangancilat doi? ai roa ma i….
[Balas...]
[Balas...]