INENGGGGGG MATEKKI
sabtu, 26 Juli 2008 di jalan raya ciledug do kejadian on.
Sihotang Naburju: Horas lae
Pangarudal: Horas bah lae, apala ahai lae?
Sihotang Naburju: Songon na sai kompes ban on bah, dipareso lae majo, mungkin bocor halus bah lae.
Pangarudal: Nauli lae, hupareso jo dah. Mangopi lae?
Sihotang Naburju: Mauliate ma lae bah, dang pola songon naburu-buru au bah, ai adong annon parpungu-punguan ni parpakkat naeng mambaen perpustakaan di hutatta bah di Pakkat. Dohot ma lae ateh!
Pangarudal: Akka hamu majo bah, mandukung ma iba, ai bohama ikkon jagaon do tambal on lae.
Sihotang Naburju: Nion sigaretta lae bah.
Pangarudal: Olo lae, ai sebenarna naeng marlae martunggane hian nama hita lae, alai gabe so jelas, gabe hira nanaeng sundat.
Sihotang Naburju: Hira-hira songon dia do maksud ni lae tahe?
Pangarudal: eeee, nga tok jim lae, ae attar paribotoan muna hian do calon i, alai gabe sursar. So binoto manang alani aha, gabe jadi sojadi sundat so sundat.
Sihotang Naburju: Memang lae, ala bagak-bagak ni pomparan ni si Raja Oloan i,maol do dapoton hahhahha
Pangarudal: Ima lae, ai au pe nian, tung so hurippu do olo tu au itoan i, ai iba puang partambal do, hape itoan i sitaff do di sada perusahaan di cikupa an!
Sihotang Naburju: Bah….
Pangarudal: Hape naso panagaman, olo itoan i nidonganan, baru museng apala abangni itoan i tung mansai las do rohana. Hape lae tikki i, adong do dongan-donganni itoan i halak timur. Ido sada mambaen asa tok las rohani lae i tikki diboto hami namardongan. Ai adong sada iboto nasida kawin tu halak Menado, mulai kawin sahat tu sonari las so hea mulak. Jadi nian ninna rohana anggiat manian sohot tu halak hita iboto na nasada nai on.
Sihotang Naburju: Ai pardia do itoan i lae?
Pangarudal: Par-Sipagabu do lae.
Sihotang Naburju: Bah par-hutatta do hape.
Pangarudal: Ido lae. Alai boha ma lae, nungga tok suda huhilala, nungga sahat kabar tu huta namardongan-dongan hami, tu akka pamili nadi Jakarta onpe nungga gok naumbotosa. Hape tiba-tiba pittor dang olo be ito an i tu au. Nanggo mangangkat telepon ipe dang hian nanggo olo, nungga tok jim hian i dah. Jadi nungga tok mandele huahap lae dibaen iboto munai. Songoni do tong lae i, apala abangnai, nungga tok pusing dihilala. Diboto lae do, sappe didokkon asa lao au tu datu lae, asa hudatu-datu i iboto nai, asa olo tu au. Ima lae. Dang nga hebat hian i ninna roham?
Sihotang Naburju: I do ate. Alai lae, unang pola mardatu-datu lae, ai haduan adong do efek nii tu parrumahtanggaon. Ai gok anak boru lae, molo dang di ciledug tangerang on ba tu huta naasing. Au najolo tu Cikarang do partandanganku lae. Adong hian do disi boru …. (disensor), ditanda lae do ra i, ai jonok tu huta munai do i. Sian Temba belok tu kiri arah tu Batugaja, par sitinjo.
Pangarudal: Ooo, hutanda doi lae, alai attar maol do tusi, ai ikkon namarsetedi do tusi hahahahah
Sihotang Naburju: Tabo hita lae, sai hira naso marsetedi au!!!
Pangarudal: Haahahah, namargait do lae ah. Alai lae tarigot tu datu i, gabe songon na sukkun-sukkun do rohakku lae. Ai basa ma naeng tutu gabe muccat itoan i, soadong apala alani aha.Hape nungga tok gok habis lae, habis tano maraek apalagi tano mahiang, nungga hingar be lae, habis sekian komma. Tambal on pe nungga sempat naeng bangkrut, ai halak do husuru manjaga on, ima apala bere ni si….. (disensor museng). Ai boha ma tikki lagi mohop-mohop ni namartandang on. Baru muse apala on dope iba mardongan-dongan dohot anak boru. Hape tok dipahabis si kapundung ima sude. Akka ban dalam pe dipamasuki ma akka ban bekas. Memang terlalu do lae i bah.
Sihotang Naburju: Jadi, gabe lao do lae namardatu i?
Pangarudal: Ido lae, dang apala namandok dia, asa unang sai sukkun-sukkun do rohakku. Ai basa tok gabe songon i itoan i.
Sihotang Naburju: Aha do didok datu i?
Pangarudal: Diboto lae do? Ai nadibaen halak timor i do ninna hape lae nadibotonai. Nungga dihonai itoan i. Nahebat hiani i muse do ninna i lae. Na karas i. Alai ninna datu i boi do ninna mulak tu au muse itoan i, alai agak leleng jala habis ma pitu komma.
Sihotang Naburju: pitu komma aha do lae.
Pangarudal: juta nimmu ma… tu akka pulungan ma lae. Ai dang lao diibana sude i, tu yayasan do deba disumbangkon i lae.
Sihotang Naburju: Hutebak jo lae, pasti dang olo lae kan?
Pangarudal: Sempat do nian di sukkun nahutodohon i, ai rap do hami tusi, boha do abang ninna ibana. Sapala hansur ninna, bohama anak Pakkat, olo do hansur demi prinsip. Alai hudok ma, unang ma nian sisongoni, alai boha molo attar ta kaboa majo tu lae i, boha do hira-hira pandapot nasida. Hape dung lao hami tu lae i, boha ma ninna lae, ai ala tong do datu ninna oppung nasida di huta, jadi tu huta nama ninna sukkunon ni nasida. Songoni ma ninna lae.
Sihotang Naburju: Bah, ai datu do hape oppungna?
Pangarudal: Ido lae ninna. Alai nungga tok pusing au lae, ngagabe maila iba tu akka pamili na di huta nang akka na di Jakarta on. Nion ma lae, bereng lae compressor on, hutulis do disi, Ida kekasihku, haholonganku (nama ida, disingkat asa attar sojelas). Ima lae ala ni holong ni rohakku tu itoan i, ai dang hapamago be sian roha. Tok putus huhilala lae bah. Jadi setiap huengkol masin on, sai songon na disittak huhilala.
Sihotang Naburju: Bah tok disurathon lae ate di compressor i hahahaaa, ai jarang-jarang do lae akka parsintaaan si songon on, boi do lae hupoto masin in? Ai adong do lae partukkoan ta di internet. Molo dang keberatan lae asa hubaen on tu internet i, atik boha adong akka masukan sian akka dongan par-pakkat nang akka dongan naasing laho mangalean akka pandapot tu lae.
Pangarudal: haaahhha, boha i lae ah songe nai non i, ale baen ma lae. Akka sipasonang roha pe taho dang pola boha i ateh, alai atik boha tutu adong akka masukan sian dongan di internet i akke he?
Sihotang Naburju: ok lae ( jepret!!!)
Pangarudal: Nungga sae be lae hutambal, nungga mantap be on lae, garansi do on tolu ari hahahha
Sihotang Naburju: Mauliate lae bah, nungga hubaen be di kotak keuangan mi bayarna dah.
Pangarudal: Mauliate lae da.
foto
Akka dongan nahinaholongan, donganta Pangarudal (bukan nama sebenarnya)menunggu masukan dari teman-teman semuanya. Horas.
Sihotang naburju
cara downloadnya,…Klick di file “buni-di-ate-ate” file ini dalam bentuk “.doc”, lalu file extensionya di ubah menjadi buni-di-ate-ate.mp3
Berita lain ...
Komentar via ID Facebook Anda, silahkan Login...:
19 Responses to INENGGGGGG MATEKKI
Leave a Reply
Molo songon saran niba, bah informasihon hamu panurat ma jo tu itoan i, asa dibukka ‘partukkoan ta on di kantorna, tontu nga melek internet itoan i nang pe parsipagabu,…
asa dibereng jala dijaha sitaonon ni lae on…
akkup ni i, bege hamu ma lagu andung-andung na hukirim on,….judulna “BUNI DIATE-ATE”…..cipt. Dakka Hutagalung
[Balas...]
Boasa pola mardatu lae, langsung ma irudal lae halak timur i, unang percuma lae pangarudal ..ha..ha..ha.., alai molo masalah prinsip setuju do au disi, hassur demi prinsip..boi di i sipata pakkeon,
Horas tu lae sihotang, kebetulan bah namangalap itoku siangkangan marga Sihotang sia Parlilitan, jadi boima ra molo manjou lae au ate ????
[Balas...]
Molo boin nian unag Mardatu lae, alai molo saran sian au lebih denggan do molo Malam minggu i, Tutup lae Tambal ban i jam 6, dungi maridi ma lae ias jala marpahean Rapih Boan lae ma Alkitab i bergabung ma lae tu akka Naposo bulung di Geraja, biasana Molo Di parpunguan ni Naposobulung (contoh tadok majo NHKBP) gabe mula n Rokkap do disi lae. Apalagi muse ari minggu nai ringgas lae marminggu dohot muse lae markoor, waaaaah tarik logu tolu iiiiiiiii, mulak annon sian gereja sae adongdo anon na mangalehon rohana tu lae.
Alai maksud ni saran on dang nagabae Manjujui lae BERPURA-PURA JADI ORANG BAIK NARINGGAS MARMINGGU, DANG I MAKSUDNA LAE,
alai tujuan utama bahwa moment sinakinon i holan Jalan do i, ingot ma ai didok do kan, LULUI HAMU MA SAI NAJUMPANGAN DO, TUKTUHI HAMUMA SAI NA BUKAAON NA DO HAMU, PANGIDO HAMU MA SAI NALEHONON NA DO DIHAMU…..
NA BERIKUTNA MUSE, BURJU MARTANGIANG, RINGGAS MULA ULAON, DENGGAN MARPARANGE JALA MARBISUK, PANTUN MAKATAI………..PASTI ROMA SI BORUI IMA SI BORJASIHUM (Boru ni Raja Sian Humbang)
Selamat Mencoba Ate Lae Pangarudal
[Balas...]
horas,
asi nai tutu roha mangida lae pangarudal i akke.
ale unang ma nian sampe tu datu ah…di gogoi lae i ma martangiang tu amanta debata…mudah-mudahan muba muse roha ni ito i.
salam
leonard
*ide cerita tu tokke latteung, baen bo cerpen nion..he..he…
[Balas...]
Horas lae sitorus, jadi marlae ma hita ate.
Swandy Sihotang
[Balas...]
10. Molo tiniop tanganna tingki menyeberang, hush,,,,,,salah satu taktik pria…..,tapi, kalau tidak dipegang….hush……tidak bertanggungjawab.
19. Molo ro iba mandapothon tepat waktu sesuai janji, akan di buat menunggu berjam-jam supaya keluar dari kamarnya. Molo ndang tepat waktu…..mattema……
Satolop do ahu bah tu lae Par Lobam, lae Lintong, dohot lae Leonard, unang pola mardatu, apalagi ingkon kaluar pitu komma, nga boi manuhor laptop i, manang molo di depositohon i (di tambai sasaotik ganup taon)sampe tammat dukak SMU, nga boi biaya kuliahna i haduan. Jala muse, timpal toho do na mardatu i. molo meet the cure, ba, na cure ma i. Molo indang, ba, ima i. Inengggggg take.
Pangke ilmu kebutuhan i lae Pangarudal, molo hira hira ingkon kuliah do lae asa las rohana, ba, kuliah lae. Kerja keras siang hari, kuiah sore hari. Demi si dia kan lae?
[Balas...]
Bah, lungun ma tutu kisah ni Lae on. Bage songon judul ni sinetron i do hubereng “Cinta di tolak si Ajir bertindak.”
Tu hita saluhut, unang holang Lae i tadokkon martangiang, dohot ma hita manangiakkon da.
Tu Lae i:
Ninna akka na bijak, Molo rokkap do i, dang marikkati dolok Pinapan molo dilele.
Horas…
[Balas...]
Idageeee,…..hassur ninna demi sitta.!
Ima na didok : MADABU LOVE, MALLABAB.
Ala ni cinta na mallabab i, bage mago ma nabinotona.
Molo ni rimangi do pangkataion muna i, penilaian hu dah, si RAJA RUDAL ( eh, natinodohonna do hepeng, si PANGARUDAL do ), sangat kurang gentle.
Ai na binoto dah, TUNG BORAT DO UNDUKHOHON (dioloi) NI SADA ANAK BORU (TERUTAMA BORU NI HALAK HITA) ASA OLO DIPARDONGAN (DIPACARI) SADA BAOA. hape nasida boi do dohonon masih marhamulet (pacaran) (walau gak jelas / “tauk ach gelap”).
Bah nungnga tok jim hian i akke, “saut-so saut, sundat so sundat” ninna hubungan nasida, hapengna, pihak ni “PARBORU” sangat mendukung do tu ibana.
Memang Tumbuhnya cinta itu mulanya sering diawali dari pandangan pertama.
Je saotik saran dah, Ikkon bahenon ni si PANGARUDAL i do antong akka nadenggan na boi manambah simpati ni itoan dohot sekeliling ni itoan i.
Seandainya marbiang natua-tua /jabu tempat ni itoan i, ikkon boi do tong dohot biangna i dohot marlomo ni roha tu ibana (Partandang i).
Artina molo ro ibana martandang, ndangpola sai di gauangi be ibana (alai sattabi dah), jala biang ipe dohot ma tong manjaga hamlet na i (PARTANDANG na asing pe ittor leleanna jala KARUT on na ma).
Sada prinsip ni perkawinan di halak hita, bahwa yang kawin itu (yg bergabung) bukan saja hanya individu pengantin, namun kedua keluarga dan marga dari mempelai.
Satonga ni tangiang do ninna ulaon i.
Artina, tutuma songon akka masukan sian dongan na di ginjang i, ikkon totop do antong melaksanakan upaya mendekatkan diri, tingkatkan rasa simpati ni itoan i, jala totop boan ditangiang.
Alai unang tutu holan na martangiang sambing, mandele tanpa usaha.
Molo songon ido, bah NA BILLOKON do i.
Jala, molo MARTANGIANG pe,:
- UNANG SAI NI SONGGAKAN TUHAN I, (molo mangido, IKKON ELEK DO, ndang gogo mamarenta hita tu Tuhan I).
- UNANG POLA SAI MARSURAKI ( alana NDANG NA NENGEL TUHAN I) jala museng, olo BAGE LOLA (HILANG KONSENTRASI NI ) , akka halak namartangiang. Ujungna bage OLO DIBURAI HALAK, nabage manundati pasu-pasu i.
Artina, aha na di roha i, tontu diboto Tuhan i do i, selain ni i, molo sai marsuraki martangiang, olo bage tarbukka rahasia tu jolma naasing.
Memang ndang sude nanihaholongan i na boi bage rokkap, alai menurut ahu, ROKKAP I PE, NA PINAJONOK-JONOK DO i,
Sebaiknya, sangat perlu si PANGARUDAL i untuk INSTROPEKSI DIRI.
Boasa ma bage mandao itoan i sian ahu ?
Mengalusi i, Si Pangarudal, porlu do attong mangido penilaian tu akka donganna, ” BOHA DO AHU NA SAI LAON ?
-1 Ture do pangalahokku ?
-2 Bohado sikap, tutur kata ?
-3.Penampilan dan kondisi ? dsb.
Songon tu sikap berpenampilan majolo dah, molo rapi penampilanna, juga berarti menghargai orang yang kita temani, dan juga berarti sangat menghargai diri sendiri juga. Hehehe,.. Ai maila do tong iba molo sai jombeng penampilan ni dongan (hallet) niba dah.
Mardomu tu si, sipata, Ndang sadar “seseorang i” na tok bau gedek-gedekna, hape kondisi i, sangat mengganggu lingkungan. hahahaha…..
Ala ni i, porlu diteraphon ibana (santabi dah),tetap menjaga kebersihan dan kondisi kesehatan ni dirina.
misalna “Sotung di pakke ibana manang na tu dia pe, akka baju na bekas dipakke alai ndang dope di cuci”. Bau ni baju si songon i, sangat menusuk (SONGIK HIAN MA KALE_KALE), bisa jadi merusak suasana, simpati orang bisa berubah jadi mencibir, apalagi naeng tu partandangan ibana.
Kondisi kesehatan harus terpelihara, (molo sai holan na batuk-batukon manang na mommonon manang na tukkikon si DOLI i, tontu itoan ipe ndang olo be manjangkon manang dijonoki onna i).
Taringot tu kebersihan, (santabi dah) ai sering do binereng TOK KOTOR akka ETALASE nang BARANG JUALAN (KEMASAN OLI) ni partambal halak hita, alana tok malas mampaias (mangalap), songon i nang kamar mandi ni na deba.
PENAMPILAN, KEBERSIHAN DAN KESEHATAN SESEORANG, DAPAT MENIMBULKAN RASA SIMPATI DARI ORANG LAIN.
-4. Dimulailah dari sekarang untuk menghargai dari hal-hal yang terkecil sekalipun, terutama menepati janji.
-5. Tetap lakukan pendekatan diri dengan sikap dan cara yang simpatik.
Santabi dah, na marbagi saotik saran (saotik masukan) do, songon pandok ni katua i.
Horas Jala Gabe, Tetap Semangat dan GBU, Amen.
[Balas...]
Ai Porlu do tabahas on jala tabaen SERPEN na????…asa binoto dah!!!….
[Balas...]
Bahen ma tutu sada “SUNGOP” (SUhutan No GOPpok) taringot i kale-kale,
Alai porlu do arbishonon mu di sungop i kale-kale, bahwa “ndang ala ni hurang mora si doli asa bage mandao BORUNTA i, alai mungkin ala ni na tok DORUN (malas) jala nabillokon do ra si Doli i”
hehehe,….” bage dipasiding hian ma tutu,.tading ma si doli na billokon nimmuma. Hehehe…, ima asa burju-burju iba marpangalaho akke kale-kale ?.
Horas Jala Gabe, Tetap Semangat dan GBU, Amen
[Balas...]
SUNGOP=suhutan na goppok
SUNGAN berarti Suhutan na ganjang
molo SUNGOP SUNGAN berarti suhutan sipata goppok sipata ganjang, tergantung parcarito ima.
Molo SUNGANMARGOT????
Suhutan naGanjang marsambung tu marsogot.
hahahaha, awas retes!!!!
swy
[Balas...]
Hey, ahu pe datu do, sude do hita datu.
Molo datu attong, ima jolma na menguasai ilmu mangakkali. Je sotung porsea hamu disi. Kecerdasan nasida dipakke menguasai pikkiranta asa PORSEA buta hita tu ibana, ale akar masalah dang terpecahkan.
Menurut ahu, memang paet ma pambahenan ni Itoan i tu Pangarudal on, ale pada akhirnya suatu hubungan cinta CUMA dan HANYA bisa terjalin jika kedua belah pihak saling mencintai.
Jika satu hati sudah berbalik, apapun yang akan dilakukan Pangarudal ini tidak akan membawa hasil.
Saran saya, temui langsung si cewek dan tanya apa maunya. Jangan cengeng jadi cowok!!
Dan jangan sekali -kali menghabiskan sepeser uang ke Datu. Saya menghormati manusia tapi manusia yang mengambil keuntungan atas penderitaan dan Kebodohan orang lain menurut saya adalah BIADAB.
Untuk Ito Pangarudal, saya memahami perasaan ito, tapi jangan CENGENG!! Ini bisa terjadi ke siapa saja, tak perduli orangnya percaya Datu atau tidak.
tapi pada akhirnya Hidup harus terus berjalan.
Mungkin saja wanita ini bukan yang Tepat buat Ito.
[Balas...]
Alai sukkon jo muse tu pangarudal i. nungnga hea halaki mandokkon hata “MARHALLET”??. atik boha holan opini si panguradal sandiri i. ala nungnga hea martandang ibana, manang rampak mangan tu lapo.. gabe diklaim naung marhallet halaki, jala ala nungnga hea makkatai tu salon laena i (?) . Hape itoan i holan asa adong do mamabayari mangan…manang mandongani ibanan paima adong dapot ibanan pengusaha muda na sukses, manang itoan i do si rimbur rara? hukakakakak….
dr. PM
[Balas...]
Sada sahit na mambahen “MAGIGI” akka dongan terutama akka hamlet, ima RIAP.
Asing do tu halak KOLING.
Hea do sada halak KOLING manang Negro, MURUK ibana tu sada dokter.
Tikki i, kudison / KURAP on ma ibana.
Je ala ni gatal (ristop) na dihilala, sampe ndang boi sonang ibana modom. alana nga SAP sude kurap i di badanna i..
Manogot na i, laho ma ibana marubat tu sada dokter di PUSKESMAS di hutana i.
Dipareso dokter ima akka sahit di kulitna i.
“Ah, ai simalas jala na dorun do huroha baeon”, inna rohana.
Dung sidung diperiksa, ittor diubati dokter ima akka kurapna i, dioleshonma PENICILIN, BETHADINE jala dohot KALPANAX tu sude badan na i, termasuk tu bohi ni si Koling i.
Sibodari nai, antar songon na sonang do dihilala ibana modom, huroha agak ampuh do UBAT na di resep ni Dokter i.
Dung tolu ari, malum ma sahit na i, pas naeng laho modom, markacca (marSORMIN) ma ibana.
Dinamarkassa i ibana, dibereng ibana ma ndang adongbe nabontar si santopik na di bohina i.
(Huroha, adong hian riap na nasa bolak ni sisilonna di bohina i).
” Bah, nga jea, nga bage mago nadenggan i.” ninna rohana, jala ganas (kesal).
Dimanogotna i (BUHA-BUHA IJUK DOPE), ittor laho ma marlojong ibana tu Puskesmas i (Alana di Puskesmas i do tong jabu ni dokter i).
Ittor mangamuk jala muruk ma ibana tu dokter i, songon on ma didok.:
” Dokter, ai aha dipangogoshon ho tu badan hi !, alana bage MAGO tong NABOTTAR NA SANTITIK I.”
” Diboto ho do ?, adong hian do nabottar di bohikkon !” ninna ibana.
Bingung ma dokter i,(nabontar nadia do maksud ni amanta on ? ninna rohana)
Ala ndang hatop di alusi dokter i, Si Koling pe bage tambah muruk, jala di dok si Koling ima muse hatana :
” SAI HU JAGA-JAGA DO I DAH !, ASA UNANG BAGE BIRONG manang MAGO, alana HOLAN IDO NA UMBOTTAR DI SUDE BADAN HU. ” ninna ibana huhut sai tuma-tangis.
Umbege i, bage mangantusi ma dokter i, sai dielek-elek dokter i ma halak negro i, jala dipatorang bahwa “RIAP” do goar ni nabottar i, jala sahit do i ninna.
” Molo sahit do nimmu i, attong lului jala bahen muse gantina na so sahit, asa adong nabottar di badanhon !” ninna agak memelas.
Umbege i. ittor laho ma dokter i, dilului ibana ma oppung-oppung ni halak hita na mardebban (marnapuran), dipangido ma saotik HAPUR ni oppung-oppung i.
Dung sahat dokter i tu Puskesmas i, diaeki ma saotik hapur i jala ittor di DALHOPPON tu bohi ni halak KOLING / NEGRO i.
” Neah, asa adong tutu naumbottar di BOHIMI” ninna dokter i.
Tung mansai las ma roha ni negro i, alana nga adong gantina nabottar.
Jala mulai sian i, akka Negro naasing pe bage dohot-dohotma, jala boi do i tabereng molo di pilim-pilim NEGRO manang INDIAN, ittor sai adong do dipanggorgahon akka nabontar-bontar ( DIGORGAI BOHINA I BAGE MARGETONG-GETONG (nabirong-nabottar).
hehehe…..
Tok jim hian ma kale-kale,.. dohot riap pe tong disengel.
Je molo adong dope nuaeng on jolma na riapon,(apalagi di hitaan) pabotohon hamu tu nasida kale-kale, bahwa ianggo RIAP, sahit do i. Jadi ikkon siubatan do i, nangpe holan i naumbontar di badanna i. hehehehe…………
Horas Jala Gabe, Tetap Semangat dan GBU, Amen
[Balas...]
Ineeng riap…matekki jo na marriap on. Daga…take bah. Ai dang tarubatan be anggo riap hon, agia kalpanax manang na diogos dohot sakkarippang pege. Alai dang bottar riap i. adong do na rara, hunik otik, balau, dohot na rata-rata. Jadi maila do nian au molo marlange-lange tuddal, ala ittor tarida do riap hi…hehehe
Alai sada di ugasan pardonganon antara sidoli dohot siboru, dang adong na ‘perfect’. Saling mengisi do di hahurangan dohot melengkapi di halobian, misteri do. Parrohaon ni baoa dohot boru na maccai dao berbeda alai boi do gabe sada.
Di tahun 80 an, lacco adong naso mandok bahwa Pangeran Charles dohot oroanna Putri Diana adalah pasangan abad 20. Ndang adong na hurang. Ia sibaowadi maccai ganteng jala sahalak pewaris tahta harajaon ni tano Britain (dang hatahilan be anggo hamoraon ni baoi), hape oroanna i pe maccai uli di rupa nang di pangalaho. Sempurna, ninna akka jolma saluhut portibi.
Hapengani asing do hape turi-turian di ngolu nasida. Boasa naing songon i, ninna akka jolma sian tiap suhi-suhi ni portibi on. Alai ima kenyataanna.
Holong do mangalap holong ninna akka jolma na bijak. Tutu do i, jala torus dibangun senti demi senti dohot prinsip parripeon na sehat. Parripeon na sehat, akka anggota ni ripe pe sehat, di pikkiran dohot parange pe sehat. Jala dihalomohon akka jolma (lingkungan sekitar) na sehat ma muse.
Ima jo tusi. Ai dang binoto be i…hehehe….
Horas
[Balas...]
Iteng jo kale-kale,
Ianggo pandok ni guru Ilmu Bumi nami Lae si RINGO PENDEK (na disi UOR-UOR sirpang LAKSA) tikki di SMP N 1 Pakkat na “JUNGKAN” i, HIBUL do ninna PORTIBION.
Hapengna molo pandok ni ampara niba on ( Tommy MJS), bah MARSUHI-SUHI do.
Je ise do diantara hamu KADUA natingkos jala sihaporseaon ?
Alana, molo MARSUHI-SUHI do ???
berarti BOI MA MANGINCULUT.
Alai molo HIBUL do, berarti ?????
Bah !,,, HILTUNG MAaaaa…
Hehehehe,…..
(hu gotap jo saotik puisi ki, akke kale-kale)…..
……
Hambur Pidong TURNGAKNGAK !,
Manginculut Pidong HATULLIK.
Unang be sai mekkel ho MALLANGAK !,
BASAHAN mi, olo do bage HUNIK.
…..(botima)…..emmmmma,,,tutu…….
”cekarang,,,, marilah ketawa,…..yg dibawakan oleh:….”cimangkudap na be”….”
Hehehehe……..
Horas jala gabe, Tetap Semangat dan GBU, Amen
[Balas...]
Rokkap nitondi didia doho? Jou tondikku nasai malungun on!!
Ml rokkap lae jadi do tu hamu,alai mlo daong unang mandele msh banyak LUNAMAYA diportibi on he..
[Balas...]
Molo najolo didok akka natua-tua do :” MOLO SISADA-SADA i, ima na bahen ROKKAP mi, sai na ro do i” ninna.
( Alai najolo do i kale-kale )
Ianggo nuaeng, IKKON SI SABBILON nama ROKKAP.
Alana nga songon NGETREN museng nuaeng akka na MARSIDUA-DUA (polygami).
Demi POLYGAMI pe jolma i, nuang diula nasida be do bila perlu sampe “MANGALAKKUP”. hahahaha……
“Togonglah SABBIL ROKKAP mi, asa bikkas jala dapotan ” –> sai dasip ma.
Horas jala gabe, Tetap Semangat dan GBU, Amen
[Balas...]
horas lae… sarupa do nuaeng natataon i.
au pe lae naung hu taon do sisongon i, alai au ndang pola lao mardatu, alana lae molo hita angka panambal on pas do arganta songon arga ni angin i, tetap harga murah….. cm harga Rp500 jd hita pe ndang arga di bereng anak boru, padahal nanihorus ni hodok nian i, jd molo saran sian au bah sabar ma laeku ate…..
[Balas...]