Habotoan…

panuturi : Edo Marbun

Dung lopus nasida sian daerah TEBING TINGGI na pinareso ni POLANTAS i, sahat ma nasida tu Tanjung morawa. Dang songon motor sinuaeng, ianggo motor najolo marjedela do motor i, ima sian TARAPAL (TERPAL) nahapal i do dibahen, attar songon na dibahen ma ditonga-tonga palastik na tio asa bo haidaan tu luar jala asa torang dibagasan motor i. Ai songon gatti kassa do i molo motor saonari. Nadeba tarapal i, digulung ma i, asa songon na mangullus angin masuk tu bogasan, alana ndang adong kodo “MAR AC” motor bus tikki i jala dang ditanda jolma i dope aha AC. Alai tutu molo ro kani udan, ditutup/ dibukka ma gulungan na i, jala sian plastik na bottar na ditonga -tonga na i ma molo naeng mandulo tu luar akka panompang i.

Ditikki na hona “RAZIA” i nasida di tebing tinggi, Songon na holsoan  be do samudekna panuppang i, ai aha ma naeng na naeng masa. Sukkun-sukkun do nasida, marhusip-husip. Jala attar taho do lelengna (lobi 2 JOM) nasida tartahan di tempat rajia i. Ai bohama najolo, molo razia motor didalan i, ai ikkon sude do lengkap diperiksa . Motor sian Pakkat tu Medan pe, holan 2 X (dua hali) do saminggu, borhat ma i ari rabu dohot jumahat, manogot pukkul 8 ma sian Pakkat, Sahat ma di DOLOK SANGGUL  pukkul 1, par hos ni ari i.

Paradianan ni motor i, huhut mangan akka panuppang i, di DOLOK SANGGUL ma parjolo (1) dungi di PARAPAT manang SIANTAR ma mangan paduahalihon, attar i do namasa hatihai. Alai ianggo na sambolus i, di PARAPAT ma motor i maradi padua halihon. Mulai sian SIANTAR, jala lewat muse sian Tebing sahat tu Medan, ianggo dalan i, godangan holan rabba bolak  nama silewatan, ia so i kobun Hapea, kobun Coklat nang Kobun Kelapa Sawit.

Je, adong ma sada NAMARBAJU panumpang ni motor i nanaeng borhat mangaratto tu JAKARTA. Diitikki i, holan KAPAL TAMPOMAS kodo si tumpangon KAPAL LAUT, jala borhat HARI SELASA ma biasana kapal i sian BELAWAN. Hundul di KALAS SADA  ma ibana jala topek di pinggir sabola hambirang. Na lungun do nian molo maninggalhon natua-tua, maninggalhon dongan saparmeaman, lao mangaratto, nang pe dipaborhat dohot tangiang alai sai rodo lungun ni roha. Jadi di dalan i pe, tungmansai “MADETUK jala LUNGUN” do rohana manadingkon huta Pakkat nauli i dohot sikkolana na di PARGODUNGAN i, jala ndang tarlupahon ibana PARIDIAN PACCUR na dihuta nasida, songon i nang suara sulim na ni ullus ni hamletna si doli partandang.

” Bah…ikkon tadikkononhon nama hape hutakki” inna rohana. Huhutma sai di ingot-ingot ibana akka naung salpu uju dihuta. Dung sahat di PARAPAT, sai tarlalap do ibana na sai malungun i, Ndang MIJUR /turun ibana dohot mangan. Sian Motor i pe, sai ditatap ibana ma dompak TAO i. ” Bah, ULI NA I TUTU TAO ON” inna rohana. Dibege ma muse soara ni ende di radio sian BAND ” PARISMA 71″ na marjudul ” TAO TOBA NAULI” na baitna songon on ” Moloooooo,… hutatap ho sian na dao, o tao toba na tio,,, da roha ki sai naeng tu ho, palambok pusu-pusukki, o Tao toba na tio,…,

Dung habis i, dilanjut ma muse ende,. “Tinggal ma ho,.hutakki,….. otano ha godangan hi,… marbulan manang martaaaooonnn, sai ingot on hu dope ho ooo,…. .. Tarlalap ma itoan i, bage sahat tu na borhat muse, ndang be mijur ibana mangan di Parapat i. Dung lewat SIANTAR, tarjolma ma ibana, diingot ibana ma, ” Bah, ndang be hape maradi be dison. NGA PELAK on, toe ma di terminal TEBING TINGGI ma annon ni soluphon mangan”, inna rohana.

Sahat ma di Tebing, tong hona razia jala tartahan sampe 2 (dua) jom nakkinon, gabe dang sanga maradi motor i.Langsung nama ditorushon tu Medan. Ala ni i, mansai MALE ma butuhana, alana nungga hira-hira jam ualu borngin. Naeng mandok hatana pe asa maradi satongkin tu supir i, ndang barani ibana. Lampu ni MOTOR i pe di bogasan tong do MELLOP-ELLOP. Didapdap ma tasna, dibuat ma sipanganon na metmet. Ai andorang so borhat motor i sian Pakkat, maradi do nasida i PANGAREPASAN di si UOR-UOR, adong hian do sada BON-BON VICTORIA manang UNION na RARA i dilehon HAMLETNA tu ibana.
Hape, ndang adong be disi bon-bon i, huroa na lupa do ibana, ai tikki di ARBAAN pe, nga ittor di occophon ibana bon-bon i. ” Teng, ia tok gira ma nakkin hu occophon bon-bon i” inna rohana songon na mandele.

Alanii, bage sai MAMULOS ma dihilala ibana, alana nga bage masuk angin, jala bodarina i pe, ditikki dipatupa sipanganon SIBORHAT-BORHATna, adong do diallang ibana PARIRA/POTE dongan ni indahan i. Sai MARGURODOK ma DIAHAPHON IBANA BUTUHANA I ala ni malena. Toe muse parhundul pe dipinggir. ala ni i masuk angin ma ibana.
Sahat ma di TANJUNG MORAWA, ndang be tarjua ibana , ittor BUANG GAS (muttut) ma ibana nanget (ndang mangkuling, alai songon suara ban ni sepena na boccor sian pentilna nimmu ma !).

Siala ni na MAMUTAS i iton an i, ittor MINGGOT ma sude diahap akka Panuppang i. DISOPPOL be IGUNGNA alai HUHUT LULU-LULU dibogasan rohana be. ” Teng !!, ai ise museng do naeng na mamutas i, sambor ma dihilalai ” ninna panuppang na hundul ditonga-tonga. Songon ima tong panumpang na di pudi, adong ma na mamurai mandok ” PILA BAUNA I !, SAI TUBU MA HARIARA DIIPPUT NI NAMUTTUT I’ ninna pango-pango huhut tong disoppol igungna be. Itoan ipe, tong ma dohot manoppol igungna huhut songon na marungut-ungut.

” huh ! SONGIK HIAN akke namboru mangallang pote muse do huroa” inna ibana tu donganna na disiamunna. Sanga do attar 30 Menit sai tong bauan akka jolma na di motor i.

Dung sahat di Medan, marganti ma supir, Motor pe dipadalan SUPIR RAUN ma laho manaruhon akka panuppang i tu jabu ni akka tondongna be. Didaerah Kp Durian LORONG GINO (Medan Timur), adong ma sada panuppang Par Laksa naeng turun. Dung maradi motor i, ittor manjakkit ma SITOKKAR (kernet) ni motor i tu ginjang laho paturunhon tas ni panumpang i. Dipaturun ma tas ni amanta i sada-sada.

” Piga tas mu amang “? ninna KERNET i sian ginjang,

” Adong do TOLU , na rata-rata, nabirong dohot na balau ” ninna amanta i sian toru. Ianggo akka panuppang na dibogasan motor ipe, rap sude do mampanot-not i akka tas na dipaturun i,” ATIK ANNON BAGE PASAMBAR/TARTUKKAR ninna rohana be.

Pas ma tas pa 3 hon, ala adong 4 (Opat) tas nabalau sarupa, disukkun jala dipaturun Kenek ima sian ginjang huhut didok ” ON DO TAS MI AMANG ??” ninna huhut disenter dompak tas i. Ala ndang gira dialusi amanta i siTOKKAR/ KENEK i, ittor adong sian bogasan motor i mangalusi tok gogo.

” DANG I, , TAS NI NAMUTTUT NANGKIN DO I ” ninna tok gogo.

Umbege i, ittor diingot itoan i ma tong tasna, ittor dialusi jala marsurak ma ibana mandok ” NDANG I TAS HU TAHE, NA BALAU MARKOBET TALI PALASTIK DO ” ninna ibana .

Umbege i, bage mekkel ma akka jolma panumpang i, jala bage habotoan ma manangna ise do namamutas na di Tanjung morawa i. hahaha,…. ianggo itoan ipe, bolak-bolak ma bohina jala bage maila, alana nga bage habotoan na ibana do na mamutas i.

Berita lain ...

• Dung Lam Matua…
• Dirimpu Rumbi
• MANGAN MANOGOT TINGKI SINGKOLA
• Jambar ni Parrasun
• HUTA HUTA DO HUTANAMI