Di Langgatan Pe…
Ia anggo Oppu sekkel, tarbarita do ibana tu sude luat di nahumaliangi hutana, alai dang alai ni hadengganon ni pangalahona, alai ala sai olo do ibana pahata-hata halak, olo mamola-mola halak, jala parbarita sosukkunon, dungi muse adong saotik sipanggaronna. Sai dipaboa-boa do tu sude akka hombar jabuna, manang aha na adong di ibana, tung massai las do rohana paboahon i, tarlumobi ma muse molo nunga mangiburu akka donganna. Dungi muse tardok do ibana oppu holit, si bola obuk, jala parutang lohot. Molo halak mangido, dang jadi so baloson akka na denggan nabinahen jala molo ibana mangido tu donganna dang jadi so lehonon, alai jumotjotan do lupa ibana.
Songoni ma nang di parhuriaon, tarbarita do ibana na teal, sai pittor olo do ibana pataridahon na adong di ibana, asa sai dibereng halak na godang masa-na, dohot art na asing, sai ikkon di pakke ibana do sude nasa na adong diibana. Sai di jolo do hundul oppu Sekkel asa sude tahe na torop, mamereng ibana.
Sada hasomalanna, molo di ari minggu na i, sai na tarlambat do ibana ro tu parmingguan, binoto do na di sangajo ibana do i, asa sai tu ibana simalolong ni na maminggu i.
Dinasahali ari minggu di di tahi rohana ma marminggu, jala songon na biasa sai tarlambat do masuk ibana, nang pe nungnga marjamita, olo dope ibana ro tu jolo. Di tikki i, nungnga marjamita amanta Pandita sian Langgatan, ia isi ni jamita on ima, ‘tung mansai godang do sibolis na boi tarida di nahumaliang hita, boi mai tarida sian akka pangalahotta”.
“Tu hamu ruas ni Tuhanta,…….” ninna amanta Pandita on, huhut maradi satokkin,….Hape Nungnga ro Oppu Sekkel sian pudi mardalan, huhut tarbege ma sipatuna na imbaru on mallotok-lotok di gareja na hohom i. Jala Pittor hundul ma ibana, di jolo sahali, dungi di bukka bibelna jala di bereng ma tu nahumaliangsa, marnida jala harop do rohana dibereng jolma torop i ibana.
” hamu amanami, ina nami……Tung mansai godang do sibolis ditonga tonganta, na olo mambahen hita gabe mardosa,….di jolotta…” dungi hohom muse pandita on songon na mambuat hosa na manghatai i.
Hape isi didok pandita i ‘sibolis di Jollota,..tor mangakku ma Oppu Sekkel turohana,…na au do ra nanidok ni pandita on, ninna huhut jonjong ma ibana laos mijur tu tonga-tonga ni bangku i gareja i…..
“Ndang holan di jolo, di tonga-tongatta pe adong do sibolis,…..”
HOLAN dibege oppu sekkel songoni, pitto mijur ma muse ibana tu pudi sahali, jala nunga mostop ate-atena, ba…ikkon songoni nam hape dohonon ni pandita on tu au?? naso diboto pandita on do naeng na rajin iba manumbang tu huria on, apa sian au do langgatan ni garejai…ninna dirohan.
“Amanami,….ina nami……Dijolo adong sibolis, nang ditonga-tonga pe, songoni nang dipuditta adong do sibolis, jai ikkon usir do ibana sian tonga-tonganta…..” ninna amanta pandita on huhut so muse satokkin paulak hosa.
Holan dibege ibana ‘ikkon usironta do ibana’ ninna amanta pandita i, pittor jonjong ma Oppu Sekkel, ndang tartahansa be murukna, nga mohop ate-atena, jala pinggolna pe nga marpiping, marsoara ma ibana didok ibana ma, “oppe,..lao ma au mijur tuluar asa sombu rohamuna, alai asa takkas diboto hamuna, dang holan dison adong sibolis, DILANGGATAN I PE ADONG DO SIBOLIS”…huhut ma disarat ibana tas na na marhillong i,.jala longan ma akka parminggu i, tarhatotong….
Berita lain ...
Komentar via ID Facebook Anda, silahkan Login...:
28 Responses to Di Langgatan Pe…
Leave a Reply
Ha..ha..ha..
Asi ni rohai mamereng oppu sekkel on tahe bah..
Ale dang olo talu imana ningon dah.., tong do di pabalik imana tu A.Pendetai..”DILANGGATAN I PE ADONG DO SIBOLIS”…
(alani si bolis on ma tahe, si bolis namartanduk do naeng..??)
Seru abizz, lanjut terus…
Horas
[Balas...]
Ha..ha..ha…hebat nai tutu suhutan on…
Sai adong adong do tahe ide ni si Hendry on bah…
Ale godang otikna sai adong do jolma sisongoni tutu di sada sada luat da.
Na lobi parah adong do hutanda sada ina ina parbada mamunjung jala olo (maaf!) mambunggili.
Ido pe na lobi parah ningon…
[Balas...]
PARJAMITA ??????
Diingot hamu dope kale-kale taringot tu angka kamus di Pakkat na mandok “INGKON HUPALELENG !!!!” ?
Hahahaha…….., di HKBP Pakkat sekitar taon 80″an, adongdo suhutan na geok (tingki i masih di GEDUNG GREJA na leleng)
Songon on ma :
Adong ma sada sintua (par Sinamo/ Pulobali (ndang pola sidok goar), molo marjamita ibana, suarana sai mendat-endat, marligato turun naik (gale-gale elek), huhut mandok hata songon on : “SAI DIRAMOTI MA HITA, DITAMBAI MA ANGKA PANCARIAN DOHOT PACCAMOTAN DIHITA DITAON NAIMBARU ON “.
Ibana marjamita patoluhon pas toho taon baru (—> molo acara huria dimalam taon baru dohot acara ditaon baru, olo do opat (4) halak marjamita) jadi ibana ma parjamita nomor tolu (3).
Memang suatu kebiasaan di HKBP Pakkat naujui, tolu (3) parjamita parjolo, diisi angka Pangaranto (na dianggap berhasil ??? jala namampu menasihati orang tua ??? dohot akka tokoh masyarakat nang sintua / voorhanger (Porhanger).
Ditingki namarjamita i ibana, jolma i pe nungnga godang namondok-hondok, bosan/jenuh jala bage adong do na demonstrasi kecil-kecilan, mis : ADONG MA NA LAHO HALUAR, ADONG NADEBA MAMBATUK-MAMBATUK / MEMDEHEM, MANIPAK-NIPAKKON PATNA TU PAT NI BANGKU, ADONG NA MANGGOS-GOSHON SIPATUNA TU LANTAI, ADONG MA NA MALLOTOP-LOTOPHON SIPATU NA I (hira tukang jahit) .dna.
Ala nii, bage ribut ma, jala jamita pe ndang be tarbege.
Amanta sintua par Sinamo on, hurang mengerti “ILMU KOMUNIKASI MASSA”.
Dimalam tahun baru, umumna begadang do jolma, diacara huriai, ditingtinghon do angka :
- Laporan Keuangan,
- Jumlah huria /jemaat natambah dohot na tubu.
- Jumlah huria/jemaat na pindah
- Jumlah huria/jemaat na monding.
Jala pas jam 12 (24.00) WIB, mambahen acarana be do jolma di jabuna be, alani i bage mondok-hondok do manogotnai, termasuk di Gareja, apalagi irama ni amanta sintua i songon na mendat-endat, marligato songon irama sulim ni parmahan (mendayu-dayu).
Mamereng situasi i, pintor mangamuk ( MARBURETENG ) ma amanta sintua na marjamita i, huhut songon on ma didokma jala tok gogo (ndang be mendat-endat songon jamitana i ):
” MAMBATUK – MAMBATUK !,..
” DI PANGOGOSHON PAT NA TU LANTE !, JALA DIPALLOTOP-LOTOPHON !.
” DIII… PALLOTOP LOTOPHON !….
” DIRIMPU HAMU NDANG HUBOTO I ????
” INGKON HUPALELENG ………!
” INGKON HUPALELENG,….DA !, ASA DIBOTO HO SADA-SADA !.
ninna amanta Sintua i ma, sai dipaulak-ulak sian ginjang.
Mambege i, pintor bage hohomma angka huria/ jemaat i. Na pas lagi mardalan laho kaluar pe, pintor monjab ma huhut mangincir tu bangku na dilambungna, ndang parduli be hape na BAOna do na dilambung na i .
Ala toppu hohom, jala gogo suara muruk ni amanta Parjamita i, bage humordit ma sada Ama-ama natua-tua na pas mondok-honduk, tardungo ibana.
Amanta i, hundul di pudi di lambung ni speaker na di toruni palas-palas inganan ni tali panarikan ni giring-giring i.
Topu tardungo amanta i, huhut ditaili ibana tujolo, tuhambirang, tusiamun nang tu pudina. Sungkun-sungkun ma dirohana : AHA ULANING NAMASA ?. BOASA BAGE HOHOM JOLMA ON?.
BOLNGANG-BOLNGANG ma ibana huhut songon namonjab-onjab mamereng dompak tu langgatan (sumber suara), Bingung ibana, “BAH, NDANG MENDAT-ENDAT BE SUARA NI AMANTA AN MARJAMITA ” ninna rohana.
Dung dipatangi-tangi ibana, baru pe asa diboto ala ni na muruk do hape Sintua i.
Mambege muruk ni Sintua i, jala merasa bage terganggu modomna, pintor hincat ma ibana sian hundulanna, huhut jongjong ditempat, didokma hatana : ” MANANGNA HARU PAJOK HO DISI (DILANGGATAN I ) SADARION, INGKON MULAK HIAN AHU “, ninna ibana tok gogo huhut ditudu dompat Sintua na marjamita i, jala mardalan laho haluar.
hehehe…… (angka na umbege pe bage tarserom di pudi).
Mamereng situasi na bage tegang, pintor diambil alih sijaha agenda ma acara, ditorushon ma marende. Jamita paopathon (sian Pandita ) pe, dibahen ma padat dan singkat, jala dilanjuthon marsijalangan.
Anggo nasadari i, tung holan inama suhutan di Pakkat na ujui, tole museng pas taon baru, bage cepat menyebar berita kejadian i dari mulut ke mulut.
Ndang sadia leleng ( molo so salah +/- 2 bulan) amanta namanuru Sintua i asa pajok di Langgatan i, bage monding do, huroha ditorushon ibana do namulak i (ndang holan sahat tu jabuna alai mulak tu paradianan na parpudi i, Panigoran).
Hehehe,…… ima unang asa pango-pango, molo marjamita ingkon botoon do situasi ni sijamitaon, jala na dijamitai pe unang ma solpot-solpot. (beha do suruonna bage PAJOK SINTUA ?).
Hehehehe…….ima sada suhutan kejadian na ujui….
INGKON HU PALELENG !……….
Horas Jala Gabe, Tetap Semangat dan GBU. Amin
[Balas...]
huaha ha ha haahaaaaa
HARU PAJOK HO DISI SADARION, IKKON MULAK HIAN AU ha ha ha ha a
[Balas...]
Ha..ha..ha..
Ima da Amang Ricardo AP, ai di gareja nami pe, adong do hea suhutan pas marjamita songon on : anggo awal sampai hampir pertengahan kebaktian, semangat do amantaon, apalagi tikki mar_koor naposo bulung, soi nama hicca ni amantaon, ala girang2 do koor ni Naposo on, jala di_iringi dohot gitar, ale molo hocca JAMITA (apalagi songon na leleng), ittor mahondok-hondok hian amanta on, pura2 di bukka buku ende na, ditiop’ jala sehira na di jaha, hape na mahondok-hondok do imana, toppu ma gogo soara ni amanta parjamita sian jolo, tarsonggot ma imana, gabe ma dabu ma buku ende na di tiop-tiop nai, tarboto ma attong tu akka jolma na asing tikki I, gabe imana mana diberengi jolma (smua mata tertuju padanya) / sep. pemilihan MISS Indonesia akke’,(he..he..he..), maila hian ma imana, se so-so ma amantai, dang diboto imana be manang tudia jul-julon na idaon.
Asi ni rohai tahe marnida imana…
Tubu ma di roha niba tikki i, sipasingot ma ra’ on tu iba ninna roha..
Horas ma tu sude
[Balas...]
Hahahaha…….. Kale-kale, memang topek marminggu do ahu tingki i, je ndang gabus hu i.
INGKON HU PALELENG !…….
Hehehe,…. Ampara Swandy, jadi do hita markombur marsogot ?.
Horas Jala Gabe, Tetap Semangat dan GBU, Amin.
[Balas...]
Je tutu do i kale-kale,
Dilanggatan i pe adong do tong siBolis, buktina amanta Sintua i pe, tong do olo murukan ala naso ditangihon ni jolma i hatana na mendat-endat i, jala lupa ibana manutup jamitana i dohot AMEN.
Ditonga-tonga pe, ribut jala puas-pais. Hundul pe (tong ma i ala na dilele haliluna ibana) pintor so diboto be mangincir jala hundul dilambung ni BAOna ibana .
Dipudi pe, tong modom, ndang olo manangihon jamita, malah manuru Sintua i bage pajok di langgatan i. Je, Nga tok Jim hian i akke.
Horas Jala Gabe, Tetap Semangat dan GBU, Amin
[Balas...]
Ha..ha..ha…
hebat hebat nai suhutan on.
Je lao pe hape halaki tu Gareja bage manambai dosa do akke?
[Balas...]
Ai na geokna kale-kale, hea do Laenta si PURBA Hakim (wkl ketua pengadilan na di daerah Kupang nuaeng) nauju i di Pakkat naeng martenju ala ni i.
Ima tahe ala jugul ni dukak-dukak, —> kesalahan ni natua-tua manang sieheton di sada keluarga (terutama di natua-tuana), olo do bage diehethon tu keluarga/anakna.
Tingki i, lewat ma anak ni Amanta Sintua i laho sikkola tu SMPN Pakkat.
Sian na dao dibereng lae si Purba on anak ni Amanta Sintua i, torus pintor marsurak ma Lae si Purba i :
” INGKON HU PALELENG !!! “ninna.
Ala nii, pintor ganas hian ma laenta anak ni Sintua i, pintor di DIGIL ma laenta Si Purba i, bage naeng martenju, hehehe,…. (tingki rap hami di Bandung nataon i, disuhuthon lae on do tong tu ahu tragedi nanaeng martenju ala nii nasida).
Hehehehe…… MANANG HARU PAJOK HO DISI SADARION, INGKON MULAK HIAN AHU !……
( hehehe,…emangnya TUKKO-TUKKO, pajok . )
Horas Jala Gabe, Tetap Semangat dan GBU. Amin.
[Balas...]
Dilanggatan 3 ( PARJAMITA 2 ).
Adong dope suhutanku kale-kale taringot tu PARJAMITA.
Na jungkani adong do sada parjamita di sada huta setelah LAKSA..
Songon na husuhuthon di Parjamita nadi ginjang i, molo di HKBP dihutanta, adong do di dok JAMITA RAJA.
Angka Parjamita diJamita raja i, somalna angka SINTUA, PANGARANTO, manang TOKOH MASYARAKAT ma na mangisi acara i.
Ditingki i, Adongma sahalak RAJA HATA na biasa mengikuti acara PARADATON.
Somalna, mambukka dohot manutup jamita, selalu do diuluhon Parjamita i MARTANGIANG.
Dimulana, tingkos dope amanta i mambahen tangiang, alana nungga sai di apil-apil ibana hian di jabuna.
Dung sidung marjamita, ditutup ibana ma dohot tangiang.
Topet namartangiang i ibana, diingot ibanama huroha acara marhata adat, jadi TANGIANGNA ipe ditutup ibana ma dohot hata ” BOTIMA “, ndang AMEN ninna ibana.
Dung di dok “BOTIMA”, turun ma ibana sian langgatan i huhut munduk-hunduk laho tu hundulanna..
Dung lao hundul ibana, dibereng ma tu sude jemaat (jolma) i, TONG DOPE SAI PIPPIT JALA UNDUK AKKA NATOROP I..
Ala nii, PINTOR MARLOJONG ma museng Parjamita i nangkok tu Langgatan i.
Dung sahat di Langgatan i, pintor MARSURAK ma ibana TOK GOGO mandok ” AMEN DO HAPEEEE !!!…” ninna sian langgatan i. .
Ala ni i, bage marsihusipan ma angka jolma i, laho mangehet-ehet “BOTIMA” ni amantai.
Alai amanta ipe, tongdo namalo,( behama sahalak RAJA HATA,—> lali na bagang pe boi do diloppa, hehehe…..), diakka pesta pe, sai ditagi ibana do mambahen tangiang.
Molo manutup tangiang, dikombinasihon ibana ma penggal hata na dua nangkin ” …..BOTIMA, AMEN !. ninna ibana asa manutupi hailaanna na ditingki na marjamita i.
Hehehehehe………BOTIMA !.
Manutupi hailaanna
Horas Jala Gabe, Tetap Semangat dan GBU, Amin
[Balas...]
Ha..ha..ha..
Hebat nai rai’, masak parjamita martangiang lupa mandok amen,
(boha hinan ma, molo lak pippit torus akka jolmai, he..he..he..)
Nga gaung-gaung annon tangiang nai di awang-awang dang sahat be tu tujuan akke’
Oh.. tahe se adong – adong do na masa akke’
Lanjut teruz..
Horas
[Balas...]
Hehehe…. tutu do i ito Noder,
Ai molo di hutanta, molo niingot angka sada-sada acara/ kegiatan, dibahen naasingi tu luat pangarantoanta, olo do bage mengkel sandiri iba.
Songon molo taingot do gaya /hasomalan ni sintua sijaha ende ( PAR AGENDA) bage geok do.
Misalna : Molo pas Mandurung, ala ganjang sidalanan ni durung-durung i, ende di na mandurung i pe olo do dipaulak-ulak ayat na manang marganti-ganti marende.
Sipata, songon on ma parenta ni Sintua Paragenda tingki mengendehon ende di namandurungan i:
Ayat 1, :
( Biasana ) : Rap Mangendehon (baoa dohot boru-boru)
Ayat 2, :
( Parenta ni Sintua ) :—-> Holan AMA !.
Ayat 3, :
( Parenta ni Sintua ) :—-> Holan INA !.
Ayat 1 (diulakkon) :
(Parenta ni Sintua ) :—-> Holan POTI ! (hehehe,..maksudna Organ)
Ayat 2 (diulakkon) :
(Parenta ni Sintua ) :—-> Holan SARUNE !
Ayat 3 (diulakkon), :—->> Alana nungnga sude alat musik na adong i dijouhon amanta sintua nangkin, ujungna asal dipandok ma hatana.
Aha ma didok parenta sian amanta Sintua i ? :—-> HOLAN MUCCUNG !…ninna ma mandok.
hahahaha…..ujungna angka natorop i bage marende diroha ma (SUARA IGUNG), alana parenta ni amanta Sintua i, holan MUCCUNG ni jolma ido na berperan.
Hehehehe…………..(santabi da, Kale-kale, molo nungnga mekkel kan tambah do umur, hehehehe…)
HOLAN MUCCUNG !!!!!!!
Horas Jala Gabe, Tetap Semangat dan GBU, Amin .
[Balas...]
hahhaha……hurasa olo do ditambai muse,..
Holan Nasipanggaron marende….
Holan ina na tuit marende…..
alai bah, nirekayasa ulang ma muse suhutan mon taringot tu namartangiang i ateh abang….asa adong postingon sogot……
[Balas...]
Akke he hamuna Kale-kale, songon i do kan ?
Je, ditingki di dok —> HOLAN AMA !, bah holan ama ma tutu namarende. HOLAN INA !, (holan akka INA-INA) do tutu.
Songon i nang HOLAN POTI !, pintor mengerti do PARPOTI MARENDE.
Didok HOLAN SARUNE !, angka PARSAUNE pe, DIPAJULJUL MA MUSSUNGNA (santabi dah), HUHUT SAI DIPAULTONG-UNTONG, sampe MARBALGA SALOK NA I.
Je, giliran parenta : HOLAN MUCCUNG ??? —> Bah bage MARENDE DIROHA maaaaa,…..
Hahahaha…..hehehehehe…….
Horas Jala Gabe, Tetap Semangat dan GBU, Amin
[Balas...]
Hehehe,,, ampara, asa mengkel be do hita akke kale-kale, niigot hutanta jala tambah umur. Sombu sihol. hehehe….
Beha do kale-kale, jadi do Markombur hita annon kan ?
Horas jala Gabe, tetap semangat dan GBU, Amin.
[Balas...]
kwak kwak kakakwak ha ha sai na adong do abang on bah. sampai ketemu nanti ate.
[Balas...]
ha..ha..ha..
“MUCCUNG”
Sipata daba iba sandiri manjaha / mandok : ” MUSSUNG”, sarupa do nados kan??
he..he..he..
suara mussung akke’
( hebat nai rai )
Molo “MOCCONG” / “MOSSONG”, inna di ingot hamu kodo??
Salam
[Balas...]
Molo, MOSSONG ???—–>>> MOSSONGON ??
Hehehe,…. bah minggot boban maaaa, dadap-dadap songon bala borngin, ditumpuri samudekna, huhut marili-ilu, haluar sian mata dohot sian igung,….hehehehe…..SURLE maaaa….
Horas Jala Gabe, Tetap Semangat dan GBU, Amin
[Balas...]
Dang Ito molo moccong/mossong kan molo godang timus. Biasana molo mangaloppa pakke soban, apalagi sobanna i hau SIPITURUT, godang hian timusna. Ido huboto molo MOCCONG.
Akke dang i tahe Eda Noder?
[Balas...]
Ya, sintong do i ito, Lis, Maksud hu ito, ai minggot ibana ala ni timus ido (mossongon), je bage dadap-dadap songon Balaborngin, ditumpuri samudekna huhut dipulos-pulos simaloloang na i.marili-ilu, dohot sian igung pe olo bage songon na pilek iba.
Hehehehe,..Hoda Boban pe, olo do JAPA-JAPA alani timus.
Horas Jala Gabe, Tetap semangat dan GBU, Amin.
[Balas...]
“MOCCONG/MOSSONG = MOSSONGAN”
He..he..he..
Tutu doi eda hansel-Jerman, je’ molo attar tata soban, manang soban aha pe taho, kan dang denggan api ni soban ni, gabe mossongan ma attong, mar_mera ma mata huhut mar_ilu-ilu, di dapur, mangombus api i…
Ha..ha..ha..
Teringat waktu dulu jadinya, mangaloppa indahan ni PINALLO (PINAHAN LOBU) / B2
Tong do pas songon suhutan ni Amanta Ricardo AP.
Horas
[Balas...]
hehehehe…..je molo ngamoccongan ?????
hehehehe,….RINDOR HIAN MA Kale-kale,….
RINDOR = menderita /suatu penderitaan yg tak jelas ukurannya.
Horas Jala Gabe, Tetap Semangat dan GBU, Amin
[Balas...]
Taringot tu hoda boban na japa japa alani timus dang hea hubege i bah..
Alai naujui tikki tokke gota dope Bapak nami, kan olo do dituhor ibana hoda boban sian sabola Sigalapang/ lae Toras.
Adong ma dongan sakalashu boru Silaban nau-nau hian. Attar rajin Itoan on simanogot nogot lari lari pagi keliling pasar.
Ale tiap hali ibana lewat jolo jolo nami tor maradi do i jala sai diendehon ma:
GANJANG HO ANDALU..
GANJANG HO ANDALU..
Diboto hamu do kani aha maksud ni i??
Ale ima taringot tu dukak dukak na nau-nau..
[Balas...]
Ha..ha..ha..
“MATA NA RINDOR” / MATA POJAM
heado he’ hubege marbadai dukak-dukan par huta nami, alani sogo ni rahana ra, ittor didokkan imana ma attong tu musunai, : HARO RINDOR NIAN MATA MI, inna..
eenngg tutu, na rindor ..(sandok dang di boto be tu dia juljulanna molo nga rindor mata na), dao-dao mai sian hita sudeknang akke’…
Eda Lis’, tu Amanta Ricardo AP, on ma sukkun aha do artini hata : GANJANG HO ANDALU.., di boto amantai do rai kan…
(iitteenngggg … tutu akka dukak-dukak na nau-nau ibah..)
Horas ma di hita sude
[Balas...]
Ineeeng…akka jolma na berdarah dingin ma hape sude nai akke?
Las ma ra roha na molo tutu hona musibah halak.
hape nga tok maralo hian tu na tabege sian jamita ningon.
Kasihilah musuhmu!!
Hape halak molo marbadai sai disittak ronggur ima nian ho´´ninna.
Nga tok kejam hian i dah…akka dongan. sai dao dao ma akka jolma sisongoni sian hita akke??
[Balas...]
Hahahahaha,…..GANJANG HO ANDALU ???
Aha museng ma tutu lapatanni i akke ?
Molo ganjang pe andalu olo do bage buaton ni Parimbulu bosi (MC PARIMBULU BOSI) bahen As putar ni motorna, manang bage dibahen halak tiang ni TANDU / LANJA-LANJA.
Molo paganjanghu ? Bage hona tu tarup molo di pakke manduda NITAK / ITAK GURGUR..
Je ndang adong dope di kamushu kale-kale lapatanni i bah, (ndang huboto atik adong di kamus ni Ampara niba SWANDY, TOMY manang HENDRY).
Huhilala, tu Boru Sarumpaet ma tasukkun haduan i.
Tutu dihitaan, sek malo-malo hian akka jolma tahe bah.
ANDALU pe diparenta ASA TAMBAH MARGANJANG.
Songon i museng nang MATANIARI (songon suhutan ni amparanta si TOMMY) namandok :
” HARU SO HO MATANIARI, ASA MAPULTAK KUBAL NAI !” ninna dihitaan.
Berarti : keahlian dalam ilmu perbintangan, galaksi, dan antariksa, ilmu falak dsb, bukan dimanfaatkan untuk meningkatkan kesejahteraan manusia dan lingkungannya, namun dimanfaatkan UNTUK LATE dan BURA-BURA, hahahaha,…..
Je molo tutu bage MAPULTAK KUBAL NA I, (molo adongdo utok-utokna) kan bage SARGE do, alai molo kosong do KUBAL na i ? hehehehe,…. MATE TOL-TOL alias GADOL MAAAA…..
Je molo MARGANJANG ANDALU i, naeng bahenonna kani MANJUKKIK BINTANG NARUMIRIS ??? hehehe….
Horas Jala Gabe, Tetap Semangat dan GBU, Amin.
[Balas...]
he he .. menarik juga menyimak logat pakkat ini ya ??
gabe hira na tinggal di huta do iba manjaha ….
bagiku, sebutan : kale-kale, bage, je, ake dll terasa terulang kembali …. tabo do nian na di huta i ate ?
horas ma sian surabaya
http://rapmengkel.wordpress.com
[Balas...]
Lae sihombing par surabaya…..
Sengaja do dibaen suhutan i dohot bahasa pakkat ….
nga tok jim i akke.
[Balas...]