Buat ma na denggan

Ide Cerita : www.TanoBatak.wordpress.com ( Diterjemahkan bebas ke bahasa Batak Sehari-hari )

Goar na do daina, jala tarboto do parbue ni hau mamang na boha tabona holan mambege aha goarna. Nang songoni ma tahe namargoar si Tobok, goarna a pe nungnga si Tobok, jala dang dao goar on sian pangalahona. partobok-tobok, Par roha na tigor jala na denggan do ibana, di parniulaan nang di panghataion. Dang olo mangakkali donganna saparmeaman nang sonongi do tahe nang tu natua-tuana. Alai, adong do umpama ni halak batak namandok, martinodohon do Tobok/ burju tu loak. Ai olo do sipata, molo adong angka paruntungan, dang dianturho ibana laho tu ibana sandiri, asalma mangan jala dapotan donganna.

Di tingki i, dohot jala rajin do ibana, laho tu parguru maluaan, ima na pinatupa ni huria di luatna i, jala ibana do sisean ni guruna i, ala burju ni rohana, dohot hapantunon na. Manang aha nian didok guru na mangajari nasida, tor hatop do oloan ni si Tobok. Jala molo adong parsiajaran na maol, sai tor disukkun ibana do tu Guru na i. Nang tu donganna pe, olo do ibana patorangkon molo diboto ibana donganna i hurang dipangantusion tu parsiajaran na dijalo nasida. Boi do dipajojor ibana muse angka manang aha da diparguruhon di minggu naung salpu, jala ido mambaen tamba lomoni rohani guru i mida ibana.

Sude ma tahe angka aha sihalasononhon ni donganna di ula, molo martahi angka donganna laho margus tu guru na i asa unang dohot marguru di bodarina i, sai tor dijua ibana do, jala gabe dipodai ibana ma dongnna i, mandok na so siulaon margabus, ai didok ibana Pendek do pat ni gabus , ninna ibana.

Biasa na do molo di ari sabtu botarina i, di jabu ni akka namarsiajar i do nasida marsoring-soring manjabui, ala hatiha ari i, di pakke do inganan gareja laho parguruan ni naposo bulung mar koor. Nunga tutu marpungu nasida di jabu ni si Ruben, dongan torbang jala hombar jabu ni si Tobok. Di borngin i, dung dibukka guru i bukku na badia i, patorangkon parsiajaran on tu nasida, massai hohom ma antong sude na marpungu na 10 halak on.

Didok guru i ma tu nasida, ” Saluhut na tahe na adong akka manang aha na masa tu hita boi do ta bahen gabe parsiajaran dihita. Nang angka pengalaman ni dongan ta pe boi do gabe sada parsiajaran dihita, Alai na rumingkot sahali ima, sian saluhut na, Tinggal ma Na Roa, Buat ma Na denggan…on ma songon ojahan ni parguruan ta di borngin on…..” ninna guru on pasimpulhon parguruanon diborngin i. Jadi tor hatop ma di tangkup si Tobok isi ni parguruan diborngin i, ‘Tinggalhon na roa, buat na denggan’ jala pittor di surathon ibana ma dibukkuna asa boi tahe apil-apil onna di jabuna.

Biasa sai parpudi do mulak guru i sian angka siseanna i, ala olo jolo markombur-kombur dohot parjabu i. Dung Martahi mulak parguru i sian inganan parguruan i, lulu-lulu ma Guru i, mordong manigati jala sai songon na mandiori ugasan di lambung ni tangga apala topet dijonok ni tangga i. Ala nungga mordong guru on, hatop ma disukkun parjabu i guru on, ” ai aha dilului hamu amang?”

“Imadah amang, hulu-hulu au, ai didia sipatukku naeng? nakkinon dison dope hupeakkon, jala takkas do hubaen dison,” ninna Guru i huhut du tudu tu inganan ni sipatu na niingot na i.
“Bah..ai ndang on amang??” ninna parjabu i, huhut patuduhon sada sipatu naung maribak-ribak jala margambo-gambo.

“Daong amang, dang sipatukku i, alai dia ma sian i, atik boha na pasambar tu akka dakdanak i, nisukkunan pe annon..” ninna guru on.

Balik mingguna, uju masa parguruan, andorang so hobas laho marhehean nauli parguru i, nanget ma disukkun guru on, ninna rohana sotung gabe adong anggapan ni na marguru on, na manudu manakko, jai disukkun ibana ma.

” ai ise hita na pungu dison, namarguru na di minggu na lewat, pasambar sipatuna? ai mago sipatukku jala tinggal ma na maribak-ribak”

hohom do antong dimula na i namarguru i, jala dipanotnoti Guru on ma sada-sada siseanna i, manang ise ulaning na mambuat sipatu na i

“Au do Guru…” pittor dialusi si Tobok ma sian pudi, jala dang sangka rohani guru na i, na ibana mambuat sipatu i, jala tung masai longang ma guru i mida ibana. Di patakkas guru i ma tu ibana, ninna ma “Boasa boanaonon mu naso ugasan mu anaha?….”

“Olo, guru…..ai mangihuthon poda ni guru i do au” ninna ibana, jala mansai longang ma gurui, dirohana dang hea naso poda dipdahon tu akka siseanna i, jala aha hatakku nasala, ninna guru ima sai manginongi di bagasan rohana.

“Guru…takkas do hu jalo hami parguruan nadi minggu na salpu, ra sude do hami na disonon mambegesa, tangkas do didok guru i tuhami asa MAMBUAT NA DENGGAN JALA MANINGGALON NA ROA, onpe guru, di na mulak au, hu ingot ma poda ni guru i, jala tahi ma rohangku mambuat sipatu ni guru i, ala sipatu ni guru i do na dumenggan sian saluhut sipatu na adong disi, jala sipatukku na roa i ma hutinggalhon, jadi na mandalanton poda ni guru i do au…” ninna si tobok….songon naso marsala di rohana.

” ampun deh…jangan gile donk…….ninna guru i marsemo-semo bohina…..

Berita lain ...

• Dung Lam Matua…
• Dirimpu Rumbi
• MANGAN MANOGOT TINGKI SINGKOLA
• Jambar ni Parrasun
• HUTA HUTA DO HUTANAMI