Balada Parbalongkang…Tanah Abang

oleh : Amani Harapan MArbun

Seperti kata teman, jomolo saya marsattabi di loloan na torop kalo ada kesamaan nama dan perilaku di tulisan ini, sengaja kok ini, emang kenapa!!. Jaha be ma dah, asa mombun ate-ate namardiskusi i ateh…Nga tok jim i hamuna….

Dizamanna i, molo nunga didok mulak pangartto sian Jakarta ditikki ari natal nang ditikki tahun baru, tung mansai na angur do tahe goar nasida, sai pittor adong do anggpan ni nadihuta naung hasea, naung denggan akka arngoluon nasida nadi tano parserahan ima Kota Jakarta. Marsigulut do lao jolma mangaratto tu kota nabolon on, ima kota Jakarta. Marmassam do ulaon ni joma i tate. Adong do na karejo di pemerintahan, adong di perusahaan-perusahaan, nang godang do karejo di wiraswasta. Dibidang entertain manang hiburan isara ni parende, parrestoran/lapo nang dia matahe sibahen dlan i ngolu ditno parserahan on. Alai nang pe tung dao na mangaratto i, ai anggo halak hita sai sihol dorohana mulak, sihol mamereng huta hatubuan jala sai dipear do agiat pala sahali tolu taon mulak, ia soboi tiap taon.

Najolo, tung massai na angur do goar molo nunga didok mulak parjakarta. Sai dipikkir nunga tung hebat tahe. Ai ni ingot dope molo ro apala pamili mulak tu huta, andorang gelleng iba, sai pittor hushus do tahe akka paheanna. MArasing ma molo sian nadihuta, tarlumobi molo masa ari minggu na i. Jala molo songon di hita dongan baoa, sai marasing ma isap-isapna molo tung pajuppa dohot dongan nadi huta.

Songoni do nang si Torop, sahalak pangarano sian hitaan. Nunga tutu mar lima taon ibana dang mulak, mardomu ala dibagian departemen perhubungan do tugas ibana, ima departemen perhubungan darat, jala molo asa takkas bagian lapangan ma ibana ima kenek ni PPD. Ima patas P2 na lewat sian tanah abang jakarta. Takkas do binoto sadia pansarian ni ibana, jala tutu, dang boi ibana marleha-leha pasudasudahon passarian ai dang namandok dia, sadia ma passarian ni kenek. Alai nang pe songoni, jolma parias-ias do anggo si Torop on. Molo binereng sian panghataionna, dang sangk roha na kenek ibana. Sian bajuna, sian sigaretna, sian sitabolanna na marbagi dua obutna, sabola tu siamun sabola tu ambirang. Sitelan ni celana bahan na pinajaithon, dohot panggosaokan ni saloar na tung tajom jala pattik, ai pola molo binaen mambora semangka olo do ra mabola dibaen panggosokan ni saloar i.

Songoni do nang di pakkataion, mungkin, ala akk penumpang na mangalewati kota, godang do parkantor, jala sering do dibege ibana boha panghataion ni parkantor-kantor, jala boha leak ni akka namulak sian kantor, gabe boi ma attong dipasuman ibana sude i. Molo nunga niakkupan marnonang ibana, dang sangka roha na holan kenek ni PAtas P2 ibana. SUde do diboto, jala sai sakkot-sakkot do hempon na balga di siamun ni gotting na i. Songoni molo mamolus ibana, sai dipakke do parfum ima sibaen na angur na tu daging i.

Disada tikki, ditahi ibana ma mulak tu hita an, jala toho do i nunga tung leleng ibana naso mulak i. dapot ma diarina mulak ma ibana mar pesawat do, songon na jago ma idaon gaya ni ibana, mardomu jolma na ganteng, na bottar pamatangna, jala na ias berengon. Dituhor do kassa mata na birong sian pasar ular Tj. priuk jala sipautuna na ganjang jala tajom tujolo i pe dituhor ibana do sian Pasar Senen. Dung sahat ibana di Polonia Medan, sangajo do ditempelhon ibana Tikket na dohot tikket ni tas na i disileting ni koper na i. Asa tutu tanda ma ibana marpesawat LION AIR sian Jakarta, jala dang hatinggalan hempon on digottingna.

Sahat do ibana tu hutana, jala nung tung mansai las roha ni natua-tuana, hipas dibereng si Torop jala muse nunga denggan ngoluna diJakarta, ai tarida sian gaya ni ibana do attong. Diseat do manuk jabbe bolon lao panganonna, jada diundang do nang akka hobbar jabuna, ala hipas do si Torop mulak tu hutana. Songoni ma nang diari mingguna i, borhat do nasida saripe mandapothon tulang ni si Torop dibariba huta i, ima mangido tangiang asa boi nian ibana naik akka pangkatna di departemen perhubungan i.

Dipaboa ibana do tu tulangna na di DepHUb do ibana karejo, jala tutu diboan ibana do sipanganon na tabo tu tulangna i, diboan siinumon na tonggi, huhut dijalangkon ma sihumisik tu tangan ni nantulang na i andorang mulak nasida sian jabu ni tulang na i. Tutuma antong, anak ni amana ma ibana hatihai.

Borngin i, nunga lao ibana tu lapo na adong dihutai, pajuppa dohot donganna saparmeaman najolo. Tung mansai ribur ma tikki i, kaluar ma akka minuman ni parlapo i, jala sampe suda jala dang sae inumon ni nadilapo i. Sai tuminggil ma sipareon ni jolma i molo nunga si Torop parsuhutan. Ai diboto ibana do songon dia keadaan ni politik ni negara on, sahat do tu rencana pembangunan lima taon nai. JAla molo ditaringoti artis-artis na tarida di tipi ni parlapo i, ittor boi do dipatorang ibana, ise i, didia jabuna, jala akka dia pilim naung dibintangi ibana. Apalagi molo ditaringoti tu kecanggihan ni teknologi sisaonari, pittor dipatudu do hemponna i, ai didok ibana ido keluar na umbaru merek sisongoni, jala sian singapura do dituhor ibana i.

Sasahali, songon na martelepon ma ibana, marbahasa indonesia, jala sai maotokkin do mangkling hempon on, dungi attar lao ibana tu luar, huhut sai dipagogo manghatai.

Tarbortik ma tu sipareon ni ibana, na adong disi anak boru na bagak, ima apala boru ni kappung dihuta i, jala didok donganna na minum di lapo i, nunga pola piga halak muttul sian itoan i martandang, dang diengkos. Jala didok donganna on rupani, nauli do itoan i, tamatan sian kuliah di medan, jala baru tammat dope muse. Ganjang obutna, uli bohina, timbo muse jala malo.

Didok donganna ma tu ibana ” Suba ma jo lae manandangi itoan i, songon na sosspk do hu ida hamu, ganteng doho, itoan i uli..”

“Ah…lae on nian,..dia ma sossok i tu anak ni napogos” ninna ibana, huhut manuankkon bir i muse tu dongan na mandokkon hata nakkaing.
“Boha tutu lae, anggo boi do mangoli ma lae, olo do itoan i, anggo tu hami parhuta-huta on nunga muttul be…hape lae daba parkota jala nunga hasea muse”

Sai manginongi ma dibagasa rohana, boha tutu naeng haulion ni boru nikapung i, sai tok didokkon halakon ikkon tandangan?. Nisuba majo, ninna rohana dibagasan. Marsogotna i, borhat ma ibana dohit donganna tu jabu ni kappung i, jala songon na biasa ma gaya ni ibana, sigaret Malboro di sihambirang, maniop hempon siamunna.

Denggan do tutu dijalo kappung harorona, ala diboto do ise si Torop, sahalak doli-doli pangaratto naberhasil di jakarta, jala dung didongani kappung on si torop marnonang songon na yakkin jala lomo rohana parhelahon ibana. NAng boru na i pe, tong do lomo rohana marnida si Torop, ai dipapuji-puji do ibana, dirayu jala sipata dipanotnoti ibana ma borua i. Songon sahalak parkota nasida nadua, molo marnonang nasida sai tor marbahasa indonesia do.

” kok abang mandangin saya terus sih, jadi malu nih…” ninna itoan i ala sai dipanotnoti si Torop ibana. Dungi tab o do attong alus ni si Torop do ma

” Iya nih dek, saya heran, dan penasaran, gimana yah, kok Tuhan itu bisa menciptakan sesosok wanita yang seperti adek didunia ini, saya sudah keliling dunia, tapi kok hanya dikampung ini saya temuin wanita tercantik. Sepertinya Tuhan mengabulkan doaku mempertemukan aku dengan bidadari” dungi songon namarrara ma bohi ni itoan i, huhut ma sonang dihilala jala mallobok ma taroktokna.

Balik arina muse, nunga lam jotjot nasida martandang tusi, jala kappung on pe nunga maklum be. Didok si Torop ma hatana tu itoan i, huhut ma sai dipapuji-puji. Ala nunga tong balga rohana tu itoan i, dipatolhas ma hatana mangarahon muli, “Adek, rasanya dunia ini berhenti berputar dan matahari jadi terbit darri barat kalau sedetikpun jauh darimu”

“Maksud abang??” ninna itoan i, songon na penasaran di umpama na binahen ni si Torop.

Dimula nai dang porsea jala dang tor mangoli itoan i, songon sada boru ni raja ibana, adong do keraguan di ibana. Alai, si Torop pe dang habis akkal mangarayu, didok ibana ma ” Kalau kita jadi menikah, adek akan jadi seorang putri raja, kita akan ke jakarta, kamu akan senang, disana tanah abang luas, mobil abang juga ada, nanti adek nggak usa kerja.

Sian na ragu hian, gabe porsea ma ima anggo itoan i, ala didok bolak tano dijakarta jala adong mobil mercyna. Jala tarida do tutu, ai sigaretna pe na arga do, naso hea binereng apalagi ni isap ni akka doli-doli parhuta i. Jala dang mungkin ibana margabus, ima dirohani itoan i.

Tutu ma dah, jadi ma nasida marrumatangga, jala ribur do pesta i, tarlumobi ma natua-tua nasida tahe tung mansai las rohana. Soi nama idaon pesta i, baoana ganteng, dungi borua na uli, godang ma tutu halak mangauhon dibagas rohana. Adong ma namandok, ue tahe…sinang ma innon siborua i bahenonni si Torop i di jakarta, ai nungnga hasea ibana. Adong muse mandok, ua piga-piga halak nian songon sitorop on ate, asa boi pinarhela. Tung mansai las ma tutu roha ni natoras ni si boru mambege angka hata ni dongan sahutana i.

Dibalik mingguna, nunga be di tahi nasida lao mulak tu pangarattoan on, jala tutu diboan ibana do dongan saripe na i, ima boru ni kappung. Alai mar Sampagul nama nasida sian tebing tinggi, ai didok ibana asa songon na santai hita didalan ninna, hape dang diboto naung suda do hepeng ni ibana, holan ongkos mulak tu jakarta naik bis nama.

Dung sahat dijakarta, diboan ma itoan i tu jabu kontrakanna di bekasi, jala tutu akka dongan sakontrakan na pe tung longan do mamereng nunga mulak ibana mamboan niolina na uli situtu. Dang sangka roha nasida boi dapot si Torop songoni li ni boru-boru hape ibana holan kenek do.

Manginongi do itoanon dibagas rohana, ala didok niolina namaora do, bilak tano dijakarta, jala marmecy, alai boasa dung sahat tuson, diboan tu kontrakan marsompitsompit, jala dia do artana i?. Ai holan lamari na sian kain i do anggo pangisi ni kontrakan i. Alai dang diparsoalhon itoan on, arop rohana, hoaln satokkin do nasia disi. Dimanogot na i, nunga mardungoan be nasida nadua, disukkun itoan ima dia do tano na bodang nanidok na i?? dia do mobil mercy i??. “MArsogot ma ta ida i anggi, karejo ma jo au ateh, nga dua minggu iba naso karejo i..” ninna si torop, alai niolina i nunga tung mansai murhing.

MArsogot na i muse, sai tong do i disukkun itoan i, andigan do hita lao tu jabutta, tuna to jala tu jabu nanidok ni si torop. Nunga parbadaan be naro, ala sai songon na digabusi si torop niolina i. Diboan ibana ma marbus itoan i tu Jakarta Pusat, dungi holan sahat di Tanah Abang, didok si Torop ma ” Nion ma nanidokna TANAH ABANG, mulai sia adui sahat tu adui, tanah abang ma on, bereng ma tudu-tudu ni dalan i, nda TANAH ABANG do disurathon??”

“Maksudmu dang tanomu on?”

“Daong dah…..nandigan hudok adong tanokku di jakarta?”

“Bah…ai didok ho bolak tanah abang di jakarta,…nadia do…??”

“Nion ma tanah abang, sude on digoari ma tanah abang, jala dang hea hudok bolak tanokku di jakarta, nandigan i…..”ninna sitorop.

Dungi, tuat ma sahalak sian Patas P2 namamolus i, manjonoki nasida, jala didok ma tu ibana “Oi…lae, nandigan do ho sahat tu jakarta on, nga mangoli ninna lae ateh…dia do itoan i, boru aha….Dang manarik ho?”

“NIon do lae…marsitandaan ma hamu…ai aupe naeng manarik do sadarion”ninna si Torop tu donganna songon na serom otik.

“Marbun, dongan ni lae on do, rap makkeneki do hami di patas P2…lao jo lae dah…” ninna dongan na i huhut ma dilojong muse bus Patas P2 i.

Diboto itoan ima na kenek do hape si torop, jala mercy nanidok ni sitorop i hape ima mobil BUS PATAS P2, merek Marcedes, jala na saleleng on diboto itoan i karejo di DepHub ibana, maksudna Kenek dohape…..

Buriapus ma ho!!!…laos marbada bolon ma nasia nadua

Telah dibaca sebanyak kali

Tulisan yang sama:

• Iteng,…tibbo ni sakkotan
• Di Langgatan Pe…
• suhutan “…ParPakkat pasidung pakkaro”
• Dang Tolap…
• Marbisuk songon ulok