Babi itu…..

Thursday, July 2, 2009, 8:57

diposting pada kategori SUHUTAN. Ada 7 Komentar pembaca.

Dung sahat nasida di Tebing Tinggi, songon naung binoto nasida, ikkon maradi do nasida di inganan naung tinottuhon ni polisi I, laho paresohon akka boan-boan nasida i. Hatiha I, sude motor ikkon dipareso do, andorang so lopus tu Medan. Datung songon saonari on dah, jaman na jolo saotik dope motor sian toba, jadi sude do di pareso.

Andorang so borhat si Jamordong mangusung motor on, nunga dipasingot ibana simatuana doli I, mandok dang siat be dibagas moto I.

“ai dang siat be amang dibagas motor I, godng panuppang nami..” ninna ibana.

“dang pola boha I hela, manang nadi gijjang pe hami anon sahat rodi Medan, asalma unang pola marongkos” ninna simatuana on.

“Dang boi digijjang amang, ditakkup polisi do hita molo adong panuppang huddul di gijjang”

“Martagupgup hami digijjang pakke tarapal I, asa unang haidaan”

“Tole ma asala ma nasongoni, alai molo nga sahat di Tebing Tinggi anon, molo maradi hita, jala hubaen tadda-taddana, bah tor so hamuna akke”

Olo ninna nasida ma. Jadi borhat ma nasida sia toba, jala huddul di gijjang ma tolu halak, ima apala simatua ni sijamordong, anggini simatuana, dohot tulang ni sijamordong on. Songoni dope hatihai, ai so pola piga tahe anggo motor lao puaspais tu medan.

Tutu ma nian, nunga mulai nanget motor on mardalan, ai nunga di ida nasida polisi ditonga dalan, jala sai dihirap polisi on do asa nanget motor on mardalan sahat rodi na so. Dipareso do sada-sada jolma I, jala dipareso do siboanon nasida, mulai sian bagasan motor on sahat rodi tombara ni motor on.

Humusor nanget ma nadigijjang I, bohama nunga mohopan ala di tagupgupi tarapal na hapal ido, jadi tung massai mohop do dibagasan, jala gabe hodohan ma tutu nasida.

“Apa itu yang di atas” ninna polisi on manukkun

“Barang Pak” ninna sijamordong

“Barang apaan? Kok bergerak-gerak” ninna polisi on songon na sukkun-sukkun.

Tuat ma si Jamordong, attar diparrohahon ma tutu tu gijjang, adong songon ma mangubit-ubit tarapal on. Nunga mulai hodohan ibana, ai molo tarboto innon mamoan jolma di gijjang, bah olo hona tilang.

“Angin itu Pak, berhembus…” ninna ibana tu polisi I muse.

“Angin apaan..” ninna polisi on.

Ala dibereng ibana naeng majjakkit polisi on tu gijjang lao parosehon, bah lam tabba ma biar ni ibana. Tor toppu ma disurakkon ibana “Babi itu pak yang diatas, yang marngurbit-urbit itu…”

Dungkon malua nasida sian polisi I, dung holing pardalanan I, tuat ma si jamordong, jala nakkok tuigijjang ni motor I sobba-sobba, ala didok babi itu yang diatas.

Tulisan yang sama:

You can leave a response, or trackback from your own site.

7 Komentar pada tulisan “Babi itu…..”

Risma : Thursday, July 2, 2009, 15:26

hahah kwakakakaa hiihii “Babi itu pak yang mangurbit-urbit itu” ooo Latteung sian dia dodakot ho suhutan on.. gari parengerengge dang diboto marsuhutan taringot tu Babi namangurbit i.. ach nga tok jim piani tok pelak hian, hubayakon ma biar ni kenek dht supir ni Motor i tikki ro Palisi i. hahahaha

[Nialusan jo Komentar on]
Tamu : Thursday, July 2, 2009, 15:40

Dang kian be binotoon i da alana simatua ni sijamordong, anggini simatuana, dohot tulang ni sijamordong do di dokkon ma !!! Babi !!! Nungga tok jim pian i… alai salut situtu do au Tusijamordong Alana hatop do ibana mangalului akkal tung pe nungga tarsosak dari pada mandang-dangi akke,,, apalagi palisi na massitop i akka parsolam dari pada samur tumangon ma unang di pariksa.boha muse molo siallang opat pati palisi i ba marjea-jea ma ra sijamordong i alani simatua nai akke…. hahahahaha…..

[Nialusan jo Komentar on]
B.SOFIYAN SITUMORANG : Thursday, July 2, 2009, 21:35

lae babi i songon diado,babi leplap do manang babihian.paparah hu do ceritami tokke,dage…na simatua ni si jamordong i gabe babi do ceritana didokkon tupolisi toba i,.ate.

[Nialusan jo Komentar on]
Hendry Lbn Gaol:
July 3rd, 2009 | 08:43
@B.SOFIYAN SITUMORANG, LAE….ai kan heado tabahas, molo sada diskusi, rappak setuju do hita tu sada topik i. Sontona, rappoak manboto do hita nuaeng, toho do didok BABI, alai nasinukkun ni lae kan, BABI aha?. Alana au pe apala PAS dipudi do huddul tikki i, dibangku pajjang songon nadi Operanto i, jala dung tuat si JHamordong di Tebing, datung dohot au tuat tu toru patkkashon BABI i, na hubege do nasida makkatai dohot polisi i..alai anggo NGIAAAAAKKKK….ni babi i dang hubege…

[Nialusan jo Komentar on]
Manullang@tmk : Friday, July 3, 2009, 7:30

teeek jo take…,apala jugul nai hula – hula ni sijamordong on aaah nga tok jim hian i,onma ne sai nang panggoraon helana i,nga tok hitir-hitir hian ra sijamordong i sappe toltol ra akke tikki mangurbit simatuanai ditarapal i,alai na sala mangalean tadda tadda do ra sijamordong,nga moppap simatuana marbulusan tarpali irippu naung sahat tu stasiun hape na diambat silopak do,hahhahah….ala ni jugul maon,horas.

[Nialusan jo Komentar on]
dinandjait : Monday, July 6, 2009, 14:39

nga sega be on bah..
songon gait gait ni Nai Malvinasi ate?
hehehehe..

[Nialusan jo Komentar on]
Rimson manik : Saturday, February 27, 2010, 2:39

hahaha… nga jea tahe on! dohot si matuape nga didokkon babi..
ale tahe, alani jugul ni si matuanai ma tahe i, gabe mar jea-jea si Jamordong!!
horas..

[Nialusan jo Komentar on]