“AMEN MA ..EAH…..”
Adong do akka poda ni natua-tua namandok, Sai sipasomal-somalon do tu hadengganon, akka poda na uli jala na denggan ma tu tu pandohan i. Nang di hata Indonesia pe didok do, Ala bisa Karena Biasa ninna, ido satohona. Sian na metmet ikkon sipasomal-somalon do mangulahon hadengganon, dungi dung magodang innon gabe somal ma mangulahonsa. Alai piga-piga halak dongan sai manjua do molo apala didok ikkon mambaen tangiang, boi dapot roha ala dang dipasomal najolo mandok tangiang tikki metmet.
Nang songoni do tong na martangiang on, nunga diajari hita martagiang di jabu mulai sian na met-met, mulai sian na diboto mandok sangkababa hata, disikkola minggu, dang di manang dia tahe akka ulaon sai diajari do hita mandok hata tangiang on. Alai di piga-piga halak, mandok hata tangiang tung namaol do ulahononton, didok nadeba alasanna ala dang boi songon hata – hata nasomal na martangiang on. Alana hata tangiang on hata tu Debata do, jadi ikkon denggan do susunan ni hata-hata i dohot ligato nang akka pandohan i
Songoni ni do nang Amani Attingano, ima di pengalaman ni ibana laho mandok hata tangiang diloloan na torop. Di tingki i, di huta PAkkat, dipamasa sada maga ma ima marga ni Amani Attingano, marga Ma*****ang sada kebaktian dung sidung ulaon arisan di siganup bulanna. Topet tikki i, holan dua do ama na ro tikki i mandohoti ulaon arisan i, ima sada amanta sintua Oppung ni si Josua Lbn Gaol na merangkap boru jala sibaen ulaon kabaktian di ujung di ulaon arisan di tikki i.
Andorang so di pukka ulaon kebaktian i, di dokkon amanta sintua on ma, “sahalak ma sian hita annon mambaen tangiang pangondeanon /doa syafaat, jala molo so sala ingothu nadi bulan na salpu sian horong ina do mambaen tangiang, jadi saonari sian horong ama nama…..songon akka si tangianghononta ima ulaon ta, keluarga, iananakkon ni punguan ima anak ni appara Amani Ronggur sian Pulobali na batukon saonari dhot na asing….”
Tor songgot ma hata on di bege amani Attingano, jala or mangaranap nama simalolong na tu na humaliang, dibereng ibana dangadong donganna ama, “Bah…ikkon tua au nama hape tuhuk annon na martangiang on,..alai nang pe songoni hupala-palai ma ” ninna rohana dibagasan.
Dung sidung jamiita, sahat ma tu tangiang pangondeanaon, dipukka ma tangiang na i, jala didok ma
“Amanami, Debata nami…nunga di pasu-pasu ho hami ganup keluarga…sai lehon ma tu hami hamalumon ni sahit, tarlumobi ma di ianakkon nami, ima anak ni lae amani Ronggur, ima si…..si….si…..” songon na bingung ma amani Attungano patorushon tangiang on alai tor adong ma sada ina sian pudi mandok “Sijonathan do ito…” di uduti ma muse tangiang na on, alai didok ma
“Olo…Sijonathan, anggo ito NAi Rumias on sa ingot do nian ateh….”
Dialusi inanta on muse, “dahian…ai murid hu do i…”
ditorushon Amani Attingano ma muse tangiang na i ” Ima jo tusi, jai tatorudhon ma muse….ompe ale Tuhan, sai Ho ma na manjama pamatangni anakkon nami si Jonathan ondeng, jala sai sesama luhut dosa nami, ganup……Amen ma eeeaaahhhh……”
Gabe mekkel ma akka jolma torop i jala Amani Attingano pe sai marsemo-semo bohina huhut marrara, dang tarberengsa be natorop i,….jai sai di ingot na ro ima, molo mandok Amen ikkon didok “AMEN MA ..EAH…..”
Berita lain ...
Komentar via ID Facebook Anda, silahkan Login...:
7 Responses to “AMEN MA ..EAH…..”
Leave a Reply
hwa ha hwahhhaaaa ha ha ha
[Balas...]
Iitteennggggg’ hamu na, ahh…
Hebat nai rai’
Ha..ha..ha..
Dang hu boto be manang aha si dohonononku, holan na mekkel mana au annon di jolo ni monitor on bah…
Lanjut terus……
[Balas...]
Je najungkani Ampara, Amani Attingano i, tardidi dung oppung-oppung do,
Jadi UNJOLO (jumolo) Karisten si ATTINGANO i sian Amang na (Amani attingano i).
Dung dipangarattoan pe asa Kristen Si Attingano i, topek mulak ibana tu huta, diarahon/ditogihon ma amangna/inangna nang haha anggi dohot ibotona asa tardidi bage Kristen.
Dimulana, naeng MARJONGUK (mangan) nasida, dibal-bal (dibahen) si Attingano i ma tangiangna.
songon on ma di dok : ” ALE AMANAMI, sai pasu-pasu ma sipanganon on, daon sibuk dohot daging di pamatang nami,……..du (dohot udutna)…Amen ninna.
Ala ido pe parjolo martangiang AMANI ATTINGANO i, sai TANGI jala di ihut-ihuthon ibana do jala dipamasuk ibana tu rohana tangiang na binahen ni anakna (si Attingano i)
TEP marsogot nai, dinanaeng mangan museng nasida, ittor disuruh anakna ima asa ibana ma mambahen tangiang mangan.
Mula-mula, songon na NGALIAN MOHOP do pakkilalaanna (tarok-tokon jala hitir-hitir nimmuma), ai i KODO ibana naeng manguluhon TAMIANG (tangiang).
” Martamiang ma hita”, inna Amani Attingano i, huhut dipaunduk uluna jala dipapippit mata na i.
Alai sai sip, do, ndang nanggo mungkuling SIMANGKUDAP nai.
Adong ma hira-hira 2 (dua) menit na sip i (hira na tepekur). Ala ni i, ittor bollang ma anakna SI ATTINGANO i, dibereng ma doppak amangna i, hape nga sai HU MIDOP-HIDOP simalolong ni amang nai, huhut HUMUSIP-HUSIP (komat-kamit) pamanganna (alai ndang nanggo tarbege anggo suarana.
Huroha, nasai mangapil-apil tangiang ni anakka sinantuari ido ibana, (hu roha lupa-lupa ingot —–> goarna ma lupa-lupa ingot, JOLO LUPA baru DIINGOT), je songon na naeng paintehon giliran PAJOJORHON.
“Bah, bahen ma amang tangiang i, asa mangan hita, songon tangianghu sinantuari ipe bahen, denggan doi… inna ma tu amang nai.
Mambegei, ittor songon na humordit ma dihilala ibana, ittor diingot ma tangiang ni anakna i.
Didokma museng :
” ATTONG, TOLE,, MARTAMIANG MA HITA “:..
Ale,………………….(songon na sip satongkin, gotap hata i),
Ale,,…..APPARA, !…..sai pasu-pasu ma sipanganon on, daon sibuk dohot daging di pamatang nami,……..du(dohot udutna)..”".AMEN MA, EAH….” inna ibana.
Dung didok amen, ittor disunkkun anakna i ma amang nai.
” Boasa ndang ALE AMA NAMI nimmu nakkin amang ?” ninna ma mandok tu amang na i.
Je ittor dialusi AMA ni ATTINGANO I ma anakna siAttingano i songon na maila otik,
” NIKKU HIAN PE BEHA ? nga ummalo ho nian mambahen tamiang, alai ikkon ahu nimmu ,”
” Jala TAMIANG mu do na huihuttan,”
” Nantuari ditangiang mi, ALE AMANAMI NIMMU DO”.
” Je, molo MANJOU AMA DO HO, bage manjou aha ahu bahenon mu ?
” Molo mar-AMA do tong ho, berarti MAR “APPARA” DO HAMI KAN ? ” ninna ibana balik manukkun tu anakna i.
heheheh,………(bage marappara ??? nga tok jim i).
Je appara, (pakkat nauli), mula-mula mar ugamo pe ibana, nga sai songon i ibana manutup tangiangna, “AMEN MA NEAH,!……
Horas Jala Gabe, Tetap Semangat dan GBU, Amen
[Balas...]
Dang kodo sidung hujaha bah..
je dang kodo binoto mangekkeli suhutan on.
Molo se niekkeli annon seblum nijaha bage didok halak na senu iba.
Je mangaloppa jo ahu dah…annon pe hutorushon.
[Balas...]
boa boa tuhita saluhutna, nunga mussat be paccur pakkat alani godang ni pangintip dibatang ni salak i,….ai so mabiar be saonari on akka jolma namangintip nang pe tarboto.
heeeeehheeee,…
gabe pinda ma saonari paccur pakkat tu setiap jabuna be, alai denggan do i, alani pangintip ma hape gabe boi di tarik aek sian toru toru i, jadi omset ni parjualan gabe menurun nama di paccur pakkat alana nunga humurang be pangintip.
heeee
[Balas...]
Tu hamu akka dongan na nihaholongan :
molo adong hamu na butuh jasa pengiriman barang siap do hami melayani keseluruh nusantara
untuk lebih lanjut hub:
PT Saina Transcargo Logistics
Jl. Sunter II No. 5B Jakarta-Utara
Telp. +62-21 43932875/Fax. +62-21 43932876
email: stljkt_02@yahoo.com atau sainatrans@live.com.
Mauliate
[Balas...]
oe lae ganda…jago do bisnis mi bah.. molo adong hu hubungi pe ho..
Di ingot ho dope au ‘kan? par gotting do lae kan..
au Si benny par SD-2 pakkat
Salam Remind-Childhood…
[Balas...]