AmanLoppas (3) ” Martelepon “
Di ari pa sappuluhon amanLoppas mangebati anakna di Medan, nunga tung mansai ngolngolan situtu ibana, jala so adong na boi ulahononna, holan manonton tipi dohot marmean jala mardalan-dalan tu luar dohot pahompuna i. Nian diboto Anakkon na i do naung boha rohana, jala nunga marrtahi nasida asa rappak mulak tu huta di ari minggu nanaeng ro, bohama molo ari biasa dang adong ari libur ni ianakkonna nang parumaenna.
Nian diajar-ajari siLoppas do amanai mamakke angka ugasan na adong dijabu i, tipina, potimarendena manang kibordna, dungi boha mamangke telepon, ai atik boha ma tahe adong na porlu hape dang dijabu anakkon dohot parumaenna i, jadi dibaen ma angka nomor telepon nasida nadua di dinding apala donok tu telepon i.
Disada tikki, naeng mamalu poti marende ma amanloppas, “on ma jo tahe dalilian, asa unang bosan iba, mardomu songon na hatop dope ari, annon ma martapian” ninna rohana dibagasan, alai disuba ibana pagalakkon poti marende on songon naung hea diajarhon siLoppas, alai dang marnaboi. Jut ma rohana, alai di ingot ibana ma adong telepon ni siLoppas, lao ma rohana lao manukkun manang bohado pangoluhon poti marende on.
Dipissit ibana ma nomor-nomor ni hempon ni anakna i, jala disuba ibana ma di bege. Dungi tor hatop ditutup ibana,” bah…soarani boru-boru” ninna. Dungi disuba ma muse, alai tong ma sai songoni. “Bahh!!…nga sega on, nga jea on, ai hubege soara ni boru-boru na asing, dang soarani ni parumaen on, na marahua do aneng bayon, ai didia do bayon, atik na marakkal-akkal do dohot boru ni deba,…anggo ho, parsudam ma jo” ninna ibana dirohana huhut busisaon ibana, jala dang tu potimarende ibe rohana, nunga tu suara ni telepon i nama.
Sai dipaima ibana ma anakna i di terrasni pittu i, sadihari ro ikkon humuruhi, ninna rohana, ai dibaen i angka naso uhum, hape ima burju ni parumaen. Boasa muba on mamungka tanduk soaha sodia, naburju hian do.
Dibereng ma nunga ro siLoppas markareta/marmotor, jala holan masuk ibana tu jabu lao mangantoi among na i, tor parjolo ma amanLoppas manosoi ibana. “tuson jo ho anaha”
“ahai among, songon na asing…nga mangan ho among”?
“dang porlu-porlu mangan,…adong naeng sisukkunon…sian dia ho nangkinon jam dua i, paboa takkas, unang margabus”
“Ai dikantor do bapa”
“Dang tutui, ai martelepon do au tu hemponmu dang dikantor ho…..jala soarani boru-boru mangalusi, ise i, nanaeng mambaen naso uhum doho? adong hupodahon tu ho songoni? songoni burju parumaen, hape mambaen jea ho?
“ahai among?” ninna si Loppas marpanungkun huhut bingung ai soada sodia
“hatop mangakku” ninna amanLoppas
“dikantor do au, martelepon bapa, hape hemponku pe mate do jala tinggal do di jabu nassogot”
“Tinggal nimmu, boru-boru mangangkat, goarna si peronika, boru ahai,….”
holan dibege songoni tor mekkel ma siLoppas, didok ma..” eee bapakkon, ai molo mate hempon, bapa sian pusat ni parhempon do mangalusi i. Huhutma dihumalaputi mambuat hempon i sian ginjang ni lamari na di labasa i patuduhon tu amanLoppas. Hape na Telkomselperonika do……..
Berita lain ...
Komentar via ID Facebook Anda, silahkan Login...:
2 Responses to AmanLoppas (3) ” Martelepon “
Leave a Reply
Je dung mulak sian Medan amang ni si Loppas i tu huta nasida, ittor mambual ma ibana di Lapo jala asing do dibahen ibana suhutanna.
Didok ibana ma tu dongan sahutana songon on :
” Nion ma nomor Heppon ni anakku si Loppas”.
” Nungga be berhasil anakku si Loppas i di Medan”,
” Agia manang jam piga, boi do dihubungi hamu ibana tu Heppon nai”.
” Sipata, alani sibukna anakki, manang molo tarpodom ibana, bage SEKRETARISNA do disuru mangalusi”.
“Ittor sigopdo sekretaris na i paboahon Goarna, laho mangalusi telepon i, agia manang jam piga petaho.
” Je asa unang salah, ingot hamuma si VERONIKA do Goar ni sekretarisnai “. inna amang ni siLoppas i, ala ni MOKKAT / TUIT na
Horas Jala Gabe, Tetap Semangat dan GBU, Amen
[Balas...]
Ha..ha..ha..
na marhempon ria on tahe bah…
Hita pe naujui tikki gelleng dang kodo tinanda hempon manang komputer.
Hape saonari nga piga piga ahli komputer di hita ningon.
Akka dukakta kodo naunjago, dibortian kodo dohonon nga ditanda komputer.
Je haduan pe giliran ni halaki nama mamparekkeli hita ra akke?
[Balas...]