AmanLoppas (2) Discon di salon

ide cerita : bang edo marbun

Nunga manang na piga-piga ari amanLoppas dijabu ni anak na di Medan, jala nunga bosan si tutu ibana, ia di ingot ibana molo dihutana, molo nga potang ari sai tor lao do ibana manginum sasalokki tuak tu lapo ni oppu pardomuan, andorang i sai jolo di ramoti ibana do sude pahan-pahananna. Hape ia di medan ibana, dang tudia juljulonna, ai soadong inganan parnonangan dohot parminum kopian. Sasahalkna do dijabu, jala ia dug botari, holan parumaenna ima donganna manghatai, ai nian tung mansai alo do dirohana molo nunga sai jonok parumaenna on molo nunga rap manonton tipi di labasan ni jabu i. Ai halak batak na situtu do ibana, ai sipata molo naeng disuru parumaenna i mambaen sipanganaon sai hira na sukka do pangkilalaanna. Nang pe rupani mangantusi parumaenna i, alai bohama baenonna.

Ditahi rohanama mardalani tu humaliangni huta ni anakka si loppas i, borhat ma ibana botari i mardalan-dalan metmet. Sai didalani ibana ma, jala jumpangsa ma sada saloon manang tukang pngkas moderen. Sai dipamanat ibana sian luar, jala dipareso ibana, ” ah..ai tukang pangkasn do hape, ua lao majolo au masuk, nunga songon na ganjangmuse obut on” ima ninna rohana. Nang pe saotik songon na biar rohana, ai onpe sahali on halak na asing manjama simajujungna anggo biasana amani Pereddy tunkang pangkas nadi hutai do langganan ni ibana.

Disukkun ibana ma ” Berapa potong rambut?” dungi didok tukang pangkas i ” Sepuluh ribu pak”. longan do rohani ibana, arga ma marpangkas? aut sura dihuta au marpangkas holan tolu ribu do, ipe molo marhepeng iba, anggo dang apa tiniop hepeng dang sundat marpangkas, olat ni bayaron do kopi ni amani pereddi i. Alai, nga sanga masuk iba tahe, nga maila iba molo mulak jala asa nidai jo boha pangkasan ni jolma di kota on, ima naruhana. Jala dipamanat ibana ma angka dinding ni salon i, tung mansai godang do angka gambar-gombar ni jolma, marmassam bagetna, marmassam rupana, jala tung mansai uli.

“Bentuknya gimana pak?” ninna parsalon on, ai bingung do mamereng bentuk ni (maaf = kepala ) ni amanLoppas, ai molo niparate-atehon, attar bolak do salapsap ni amanLoppas di jolo, jala songoni do nang dipudi, jadi bingun do parsalon i mambaen bentukna. ai holan di parhambiran jala diparsiamun nama obutna tubu. “Buatlah yang rapi” ninna amanLoppas. Dung sidung di pangkas antong di didappol dp simajujung i, tabo nai, ninna amanLoppas dibagas rohana.

Dang sadia leleng nian, nunga sidung be marpangkas ibana, jala debereng ibana songon na jago do tahe pangkasan na i, dang pola pendek hian, jala dang ganjang hian, malo ma tukang pangkas on, tanda do nunga pakota, ninna ananLoppas dibagasn rohana huhut ma dipatudos dipikkiranna, pangkasan ni amaniPreddi, “dang main hape bayan marpangkas” ninna ibana muse. Di lean ibana ma hepengna sappulu ribu, hape dipaulak par salon i kimaribu nai, “Pak, dikasih discoun 50%, juga biar jadi langganan” ninna parsalon i, alai sai tamba manginongi ma diruhana, mura do hape.

“Itu lagi mengapain..” disukkun ibana par salon i ala dibereng ibana disamula siamunna i adong songon na manggosoki bohi ni jolma i.

“O itu facial pak, membersihkan wajah biar segar, dan biar keliatan muda,..bapak mau??”

“Nanti sajalah, tidak ad uangku” ninna amanloppas

“Murah pak, tigapuluh ribu buat bapak”

“nanti sajalah…” ninna amanloppas huhut lao sian salon i.

Dung piga-piga ari muse, di ingot amanLoppas ma hatani parsalon namandok facial ninna ima mandmpol bohi, ai siulaon do ra i, jala dang sala subaon, mardomu atik na lehononna dope diskon, asa nihilala ma jo tahe boha molo didappol bohi nima i, songon na hebat berengon jala saleleng on, songon naso hea dope, ninna amanloppas dibagasan rohana. Lao ma tutu ibana tu salon i muse, jala didapothon ibana ma parsalon i, huhut ma didok naeng mar facial ninna.

Anggo diruhona ni amanLoppas, nunga be tutu songon na diangon-angonhon, sai huhutma ibana mondohondok, jala lambok-lambok dilala ibana bohina i, didappol-dappol. Inang tahe, patut do hape tabo dikota on, ai nunga unjago halakon mandapol jolma daripada akka pandappol nadihutaan, ninna ibana dibaga rohana.

Dung sun tahe na marfacial i ibana, pittor songon na nenag ma bohina jala neang pangkilalanna, jala disukkun ibana ma parsalon i, ” berapa?”

“tujuh puluh ribu pak” ninna parsalon i

“Apa kau bilang, kemarin kau bilang tiga puluh ribu, di luar i itu pun kau tulis tiga puluh ribu, kemaren saya marpangkas kesini, kau kasi diskon lima puluh persen, sekarang malah tujuhpuluh ribu, sudah berapa kali lipat kau naikkan” ninna amanloppas songon na gogo soarana.

“Iya pak, kemaren bapak potong rambut kami kasi diskon 50% karena rambut bapak sedikit, hanya disebelah kiri dan sebelah kanan saja dan di belakang bawah, jadi kami kasilah diskon, sekarang bapak facial, muka bapak kan lebar sampai keujung kepala, jadi mahal harganya pak, dibelakan juga harus kita facial, kan pak?” ninna parsalon i patorangkon.

“Apa kau bilang, mukakku lebar?? ini bukan mukak, ini salapsap biar tau kau” ninna amanLoppas huhut dipeakkon hepengna na tolupulu ribu i. Ai molo binereng, hape na salapsapon bolak tu ginjang do amanloppas, botak muse di belakkang…….

bersambung ke bagian – 3

Berita lain ...

• Dung Lam Matua…
• Dirimpu Rumbi
• MANGAN MANOGOT TINGKI SINGKOLA
• Jambar ni Parrasun
• HUTA HUTA DO HUTANAMI