Amang hela, boan hamu ma jo au tu namasa-masa i..
Hurang hona do molo iba nian manuhuthon on tu hita, alai molo dongan nampuna suhutan do, iba na umbegesa sampe medep-medep mekkel alani geokna. Dung sidung hami marolah raga, biasa do songon na rileks pangalihon pamatang, markombur ma jo di ula, huhutma masitariparan suhutan, akka bisnis, parkarejoan dohot dia akka na massam. Sahat ma nonang ni dongan tu istilah mananang pandohan sisaonari, ima hata na biasa do nian binege alai molo pangalapationon tung mansai sila begeon.
Molo didok hata ‘namasa-masa i’ di jakarta on, tung gabe hata na so sidohonon namai di joloni tutur parpattangon, ai lapatanni on, ima portibi ni akka na humurang, akka na hodar. Molo bahasa kasarna ima jolma akka na berprofesi tu ulaon na sosuman.
Disada tikki, marsuhutan ma natua-tua na baru mulak sian Jakarta tu dongan sahutana di huta. Tutu do nian, ai nunga denggan sude akka ulaon ni pinomparna, boruna, nang akka anakna di Jakarta. Jala tung tabo do diahap ibana ima na ro ibana mangebati anakkonna i di jakarta. Songon anak na burju akka pinomparni amanta on, diboan do ibana mardalani tu sude inganan na adong di Jakarta na so hea dope di ida ibana. Diboan tu naribur-ribur i, diboan tu mall, diboan tu kobun binatang, diboan tu ancol, mangaliat-liat mamereng balga ni Jakarta.
“Beta ma bapa mardalani tu sude ingan na denggan di jakarta on, asa di ida ho jo akka namasa saonari, na so hea diida ho dihuta” ninna anakna siampudan par bekasi na karejo di pemda i.
Sada na sai diparrohahon ibana, molo lao nasida tu sada inagan, songon tu mall matahari, tu restoran jepang, manang tudia tahe, dang hea anak na on mangalean hepeng laho mambayar, alai holan kartu do diida ibana dilehon anaknai. Tung mansai longang do rohana mida i. “bah tutu, hebat ni namasa on, nga mangan iba butongan, alai dang dibayar, holan kartu do dilehon, namarutang do naeng anakkon? jala molo marutang, ai naditanda halakon do naeng ibana asa dilehon marutang?….manang tudia iba lao di jakarta on, holan kartu on do dilehon, kartu beguaha do naeng on.”
Dungi muse dibereng ibana ma marodor-odor jolma i jonjong di jolo ni poti-poti i, dungi di ida haluar hepeng. “Bah..patut do hape mamora parJakrta on, sopola loja na massi hepeng i, ai holan di pamasuk kartu on, nungnga mullop Hepeng…ueee tabo nai di jakarta on, hape iba di huta, ikon lao do iba tu hamuma, dungi ikkon nijual ma akka boras ni hauma asa adong hepeng….bah tutu….”
Ala bingung dibana, tor dipatorang amanGihon ma, ima nandokna ATM.
Suang songoni lao manggarar situhoron. Dang tahan be ibana mamerengsa, ala tiap lao nasida dang hea marbayar disukkun ma anakkon na i. Dipatorang anak na i ma tu ibana didok ma “Olo bapa, on nama namasa saonari, goarna kartu debet, manang kartu kredit, jadi aha na tatuhor i, tabayar do i, alai to dipotong ma innon sian tabunganhu na dibang i”.
” bah…tutu, hebat ni namasa on, hape iba dihuta, holan marutang gula sakilo do tu lapo ni oppuGihon, tor disurathon nasida do,..hebai nai namasa on.”
Dungi laho ma nasida muse tu peusat perbelanjaan na tung mansai timbo, jala naik lift do nasida tu ginjang. Dimula nai, biar do rohani amanta on jala didok ibana ma “Amang, ai boasa ikkon tibbangonna hita?”. Serom otik do anakna naburju on, jala didok ma mangalusi, ” daong bapa, on ma goarna lift, sikkat ni tangga molo di hitaan, asa unang loja hita, jadi holan kaluar hita annon, nunga be di lantai 7 hita “
“Bah…hebat ni namasa saonari ateh…” huhut ma sai mallobok-lobok taroktokna na marlift on.
Suang songoni ma laho tuat na sida sia lantai 7 i, ala pol do lift on, di togihon anakkonna ma ibana mar ekskalator, ima tangga berjalan. Andorang so naek amanta on, dipatorang AmanGihon do tong ahama nandidok na ekskalator on, tamba ma longan ni rohana, hebat nai hape namasa on, sai ima ro pikkiranna.
Ala songon na biar rohana na mar ekskalator on, jala di ida parumaenna NaiGihon do na humitir amanta on, tor ditiop parumaenna on ma ibana, ai lomos rohani parumaenna on mida ibana.
Bolak-pbolak ma bohina, dang sngka na tiopon ni parumaenna on ibana, ai molo dihutana, tung sitokka jala pattang do marsitiopan namar parumaen-simatua. Sai naeng di hoishon tangan ni parumaenna i, ala songon na sukka berengon.
Dipatorang AmaniGihon do ala dibereng boha perubahan ni amongna di na tinio ni niolina tanganna, didok ma “BApa molo dijakarta on, ai biasa do songoni, marsitiopan i, dang tokka i, na holsoan do rohani parumaenmi mida ho, jala ai dang anakmu tong parumaen mi>? boasa pola maila ho bapa? ai nunga be tong songon among pangintubu ni parumaen mon ho, jala danbg mardia imbar be dohot simatuakku dirohana, sarupa amongna do ho…”
“Bah hebat ni namasa-saonari akke….”
Tutu, dung mulak natua-tua on tu huta marsuhutan do ibana tu sude hombar balokna, tarlobi tu laena, hula-hulana, simatua ni anakkonna. Na ro tu jabuna ala dibege nabaru mulak pe tahe nasida sian Jakarta mangebati pahompuna. Tutu, godang do so suhutan ni ibana tu hula-hulana i.
Didok ma, “imadah lae, ai lao do hami tusude ingan ni namasa-masa i,, nunga huhilala be akka namasa-masa i, nunga huhilala be tabona, lao do tong hami mardalani makkalilingi jakarta, diboan helamuna. Jala sude do hudalani hami, nunga huida be sude akka namasa-masai.” Nion ma tongosan ni helamuna, songon pasi timbahomuna. Alai dang dipaboa ibana na dihaol parumaenna i ibana.
Manginongi do turohani ni OppuTogos pandohan ni pamoruonna i, ima apala simatua ni boruna i. Boha naeng tutu namarjakarta on. Nian sian najolo sai ditahi rohana do ro mangebati amanGihon, boru siakkanganna, alai ala nunga marumur ibana, nunga pitupulu taon, jala olo manombo sahitna, lomos do rohana molo lao tu jakarta. Alai saulak on ikkon lao jo au tutu, marnida songon nanidokni simatua ni boruna i.
Tohodo, di oloi helana do pangidoanna, mardomu nasida saripe pe nunga masihol, jala tung mansai las do rohana mida haroro ni natua-tuaon, suang songoni ni akka pahompu tung mnsai las rohana mida oppungna i. Sadari-dua ari, nardomu sibuk amanGihon, dang tor jalol ditogihon natua-tuaon mardalani, ai ikkon paimaonna do ari libur. Jadi anggo na tolu ari on, sai dijabu do pe amantaon, madongani pahoppuna.
Sai manginongi ma dirohani nibana, ai dang tongihonna au mardalani naeng?
Ujungna, disada manogot, andorang soborhat amanGihon tu karejona, di terras ni jabu i, didok amanta on ma tu helana ” Amang hela,…ai dang boanonmu au tu namasa-masai? asa ni ida jala nidai jo namasa-masa i, sai holan dijabu iba dah…..”
“Bah…!!!!!”
Songgot situtu do rohanu amanGihon mambege pangidoan ni simatua na i…
“Maksud ni amang???”
“Imadah, baalissan di ngoluon, ai nga matua iba, jala asa adong suhuttonon tu akka dongan dihuta, boha tutu dai ni marnamasa-masai, nga matua daging, di ujung ni umur on asa niahaphon jo nataboi, boan hamu ma au tusi…
bersambung!!!…..
Berita lain ...
Komentar via ID Facebook Anda, silahkan Login...:
12 Responses to Amang hela, boan hamu ma jo au tu namasa-masa i..
Leave a Reply
hahahahahh
huahahahahahuahahaha
hebat hian ma…. akke
[Balas...]
Horas!
Amang oi … imadah akka natua- tua nadi hitaan molo ro mamereng pahompuna tu kota sai adong sarita (cerita) tarlumobi soal bahasa ( hata) dang na marsambung alana pahompuna dang di boto be hata batak ,oppung NA ON ikkon hatanai na porlu eh …. dang na niantusa hatam ninnama ha.. ha …………….
[Balas...]
Ampara parhobas, molo ro ahu haduan mardalani tu Jakarta on, ikkon boanonmu do ahu tu na masa masa i bah, asa adong tutu suhuthononhon tu angka dongan di huta paboa na hea iba mandege jakarta. Hehehehe.
[Balas...]
Sambungan ni ceritai :Op Gihon i kan nunga martaon gabe duda.. dung mulak sian Jakarta lao do langsung mandapothon anakna di P.Batam kebetulan anakna sipaitonga on dang mangoli dope alai karejona Germo di tempat ni namasa masai.. dung sahat ibana di Batam sai manginongi do rohana waktu na di Jakarta i ninna rohana dang diboto anakkoku na di Jakarta i aha nadi bagasan rohakkon… dung dua ari ibana di Batam di sungkun anakna on ma Among nai.. boha bapa ! mardalani majolo hita ate asa songon na patigor urat jala nunga loja ho ra nasian Jakartai Mangurut majolo Bapa ate…
Olo nian ..Dam.. alai tu nalambok i boan unang nakarasi tangan dah…. anggo anakna si Godam on nunga di attusi be aha sahit ni Bapanai…. memang pintor diboan.do…. dung hira — 3 Jam kaluar ma Bapa nai sian Kamar i dung sae mangurut laos serom ma tusi Godam.i..hehe
nina huhut digosok otik kumisnai.. sogotnai Gabe langsung mulak ma ibana tu Toba jala di bagasan roha ni OP Gihon i holan anakna na di Batam i ido natoho.. diboto hian sahithi …hehehe.. anggo na di Jakartai sai holan sipanganon natabo do di patudu. sai ni allangan hapuasanna tudia… hahaha
[Balas...]
Ah…Parhobas on nian…..!!! Boasa ikkon si GIHON ibaen Goarna…??? Coba akka naasing…!!!
Je..tor sai huingot Bapakku (Op Gihon/Alm).
Heama husukkun tu bapa, boasa si GIHON ibaen ho goarni Pahoppu mi ..??? Tor didok Amang onma tuahu : Molo GIHON i di Alkitab Goar ni Sungai yang mengalir di tengah-tengah Taman Eden / Tano hasonangan manang tano hangoluan. Je …. asa songon Aek i annon Parngoluan ni Pahoppukki. Boi mangalehon Penyegaran tu akka namauas jala Marpar bue Na godang/ramos songon hau natubu di topi ni aek i (jadi berkat bagi semua orang) .
Ha…ha….ha… !!!
Hebat nai ra i akke……???
Nga tok jim i……
Salam…..
[Balas...]
Bah tutu, alai asing do Op Gihon on ra hehehh
Kejadian 2:13 Nama sungai yang kedua ialah Gihon, yakni yang mengalir mengelilingi seluruh tanah Kush.
Alai sahat tu saonari dang adong dope tarbukti adong sungai on
Horas.
[Balas...]
Hahahaha,…..
Je alana tung mansai sibuk do helana (Aman Gihon) i, jala mungkin hapil/ haduk dihilala ibana patoranghon pangidoan ni simatuana i, bage sai dipaula-ula ibana ma songon na sibuk manang lembur di Kantorna.
Ala ni i, nga lobi saminggu, laos so saut do ditogihon helana i amang simatua na i tu pangidoanna i.
Ala hira-hira saminggu nai, naeng martahi mulak nama ibana tuhutana, je Op.Togos ipe, tung hian do tu masalah barita ni namasa-masa i.
Ala ni i, mulai ma naeng ditahi ibana naeng laho sandiri.
Je mulai ma ibana marsiajar bahasa Indonesia, disungkun ibana ma hira aggi ni hela na i, ala tepet ro maningkir Op. Togos i.
Songon on ma didok :.
“Bere, molo NAMASA-MASA I, aha do Bahasa Indonesia ni i ?” ninna ibana
Dialusi anggi ni helana ima ”
” Oh, molo arti ni namasa-masa i di bahasa Indonesiana tulang, ima ” YANG TERJADI-TERJADI ITU” ninna anggi ni hela na i.
Oh, ido hape bere ? ninna ibana songon na merasa puas.
” Je molo tusi, tudia do luluan jala naik aha iba bere ?”: ninna ibana museng manukkun”
” Ai holan tu par TAKSI ipe ni dok, nga diattusi ibana i, alai jolo masuk ma iba tu bogasan Taksi i, baru pe ni paboa tujuan niba” ninna mangalusi tulangna i.
” Bah mauliate ma bere di hatorangan mi, bage tambah ma parbinotoan niba painte mulak haduan, jala dihuta pe kani, nga adong haduan suhutan niba ninna Op.Togos i.
Alai ianggo dibogasan rohana i, terbesit do niat/ tahina
” Bah, dok napala i, ndang nanggo olo helakkon mamboan ahu tusi, Ette, ikkon hulului jala laho sandiri ahu marsogot tusi, ninna ibana dirohana.
Di namodom pe Op.Togos i, sai huhut ma dipaapil-apil jala dipahusor-husaor ibana hata ni anggini helana i : ” NAMASA-MASA I “, bahasa Indonesiana ” YG TERJADI -TERJADI ITU “, jala partaksi pe nga diantusi tu si, sai ninna dirohana.
Dimanogotna i, dung laho helana i tu Kantor, ittor dihobasi ibana ma maridi, ittor MARTUGO ma ibana, jala parmisi tu boru na i mandok :
” Inang borukku, laho jolo ahu satokkin doppak joloan, mamereng akka NAMASA tu topi dalan an, asa unang bosan iba holan di bagas (jabu) on”, ninna ibana tu boruna i.
“Olo Amang, alai unang manaripar hamu tu dalankuli i dah ? ninna boruna i, huhut dilehon Rp. 100.000,- asa adong manuhor sigaret ni Among na i.
Dung sahat ibana tu topi dalan i, ittor dibereng ibana ma adong Taksi na pas lewat. Pas ma maradi di jolo ni Op.Togos i.
” Bah !,.. Pas nei !, Ndang manjou pamangan alai manjou partondion, ittor topek adong taksi on, ninna rohana.
Ittor masuk ma ibana tu Taksi i, jala didok ma tu supirna i ” Pak Supir, Tolong ANTARKAN AKU KE TEMPAT YG TERJADI-TERJADI ITU” ninna ibana.
Songon na bingung ma saotik supir i, dipahantus ma muse , ” Ke mana pak ?” ninna supir i, huhut dipadalan saotik.
” KE ITU NYA, KE TEMPAT YG TERJADI-TERJADI ITU ” ninna Op.Togos i, dohot gaya meyakinkan.
Umbe ge i, pittor diingot supir ima lokasi na baru dilewati ibana ima MONAS, na sedang terjadi konsentrasi massa nanaeng terjadi/mengadakan demonstrasi..
Diboan ma OP.Togos i tu lokasi na sedang TERJADI DEMNONSTRASI.
Holan sahat tu daerah Monas i, pas muse ma terjadi tawuran, saling marsidangguran jala marsilombutan akka na demonstrasi i. Huroha, dinademonstrasi i, pajumpang dua kubu na saling berseberangan.
Disi pas naeng turun ibana sian taksi i, Pas ma adong batu na “HABANG”, mendarat ma di simanjujung na i (hona danggur ULU ni Op,Togos i) jala tong museng ma HONA LOMBUT / hona GORPUNG / HONA DENGGAL GOTTING na i dibahen KUBU PENENTANG ni Demonstran i.
Ala ni i, pintor marlojong ma muse ibana masuk tu Taksi i, jala sundat ma ibana turun sian taksi i.
Didok ma tu Supir i asa torus “MAMBALAP” jala asa ditaruhon museng ibana mulak tu tempat ni ibana naik nakkin.
Ditaksi ipe, nga sai “MAR INANG OE” ibana, ALANA MABUGANG /lukka do ULU/SIMANJUJUNG nai “JALA MALOCCAT” saotik. (hahaha,…. emangnya kaleng ?)
Pate ma tong hepeng si Rp.100.000 dibahen ibana mambayar taksi i.
Jala dung sahat dijabuni boruna i, pas muse ma mulak hela na i sian kantor, huroha songon na adong GORAK di Aman GIHON i.
Bingung jala humalaput ma nasida mamereng kondisi ni Op.Togos na MAR SAP MUDAR i, bohi dohot bajuna i.
Huhut dihalaputi nasida paiashon jala mangubati luka-luka ni Op.Togos i.
Ro ma hela na i, disukkun ma Op.Togos i. :” Ai namahua do hamu amang sampe songon on?” ninna helana i.
“Ai na so sian Paotoanhu do nangkin, hona DENGGUR ulukku, jala hona GORPUNG museng ABARAKKU, tok haccit hian huhilala, je JORA nama ahu tusi molo ndang adong hamu na manogihon ahu” ninna ibana
“Bah ai sian dia do huroha hamu amang bage sampe songon on ?” ninna helana i.
” Ai nalaho do ahu nangkining tu NAMASA-MASA i, ai sai ni painte hara-hara muna, hape ndang nanggo olo hamu manogihon ninna Op.Togos i.
Bage bingung ma Hela dohot boruna i umbege hata ni Op.Togos i.
Alai attar nanget ma disukkun helanai tu simatuana i ” AI NDANG DILEHON BORUMUNA HEPENG HUROHA TU HAMU AMANG ?”
” Dilehon do nian, Rp. 100.000,-, Bah, Uttung ma adong i, je ima tong nangkin hubahen mambayar/ manggayar Taksi ” ninna ibana.
Bage tambah bingung ma Hela dohot Boruna na i, huhut masipaidaan.
Diroha ni boruna i : ” Hulehon hepeng i, asa pasigaret ni amang on do nian i, hape bage tu naasing do dibahen” ninna rohana.
Diroha ni Helana i : ” Bah, Ai patut do attong bage hona LOPENG simatuakkon ” ninna rohana, alai ndang pola dipatorus ibana aha do dasar ni kePATUTan na ni maksudna i.
Alai di tunda helana ima parmulak ni Simatuana i, alana bage songon na mabiar ibana bage maila dihuta molo dibereng jala diboto halak na sampe MABUGANG Simatuana (Op. Togos) sian namasa-masa i.
Hahahaha……… hape nian, asing be do persepsina, alai TONG MA ALA NI JUGUL, JORA MA DILAT-DILAT.
Horas Jala gabe Tetap Semangat dan GBU, Amen.
[Balas...]
Hahahahha, jaya ni NAMASA-MASA i tahe bah….
Horas
[Balas...]
unggajjang komentar siam suihutanna…ahamai???
[Balas...]
uhauahuahuahuahua…uhauahuahuahuahua…..
buauabuauaa,……boi hian tutu bapa tua, udut ni cerita on….ni belokkon ma jo tusio suhutan on…..
huahuahuahuaua
se mekkel au neh manjahasa
[Balas...]
Ha ……. ha……. ima upa ni JUGUL
hona reong ma attong oppung si Togos ima ala dang sabar paintehon naeng arahonon ni helana do nian alai nga unjolo hancit dihilala .
[Balas...]
ima antong di dok lebih besar pasak dari pada tiang, gabe hona pasak ma tutu,,, jala di doltuk dohot tiang.. hehehehehehe.
[Balas...]