Aek Riman……

Monday, March 23, 2009, 11:00

diposting pada kategori PAR-PAKKAT, PUISI

Sipata,
Olo do tarsunggul au tu ho,
Molo hundul au martutu hian
Marningot hinaulim,
Hu ida di matangki hinadengannmu jala hinaulim

Tung godang pe luat naung hudalani,
sian Purba sahat rodi Pastima
Sian Utara ro di Dangsina
Sian saluhut desa na ualu
Alai dang boi lingkang sian rohangki, sude hinaulimi

Pandaraman, na lomak
Pahanpahanan na denggan,
Rodi pangisi ni hutam na lambok malilungi.
Mambaen rohangku sai naeng mulak mandulo ho

Tariongot au tikki di huta,
Martapian di aek luhung,
Marlojong di gadu-gadu i
Sonang nai tahe di Huta ni damang nang dainang,
Huta hatubuan,
Aek Riman rodi huta Sihombu.

Andigan pe au mulak, ro mandulo ho?

Molo Huingot tingki di haposoon najolo
Martapian tu Aek Luhung, rap dohot dongan magodang

Marmeam di alaman Ditingki rondang ni bulan i,
nang songoni di tingki haposoon
Di gereja parguruan i,
Taringot muse tu angka dongan magodang,
nunga tung didia saonari??
Aut bo ma nian mulak poso,
Rap mengkel, martata, Marsigoitan

Tubu holong….

Dung hutinggalhon, hutangki
huta Sihombu na uli, holan sihol do na boi tarbahen,
Tu ho…

Andigan boi au ro mandulo ho, hutangki hatubuan ki…

Tulisan yang sama:

15 Komentar pada tulisan “Aek Riman……”

swandy :

ise do pengarang ni puisi on, jago do bah. Menyentuh…..

[Balas...]
Elephant stone :

nipi nama i
nga tok jim i
sangat menyentuh

[Balas...]
hardi purba :

Mantap do puisi on bah, ditambah muse dohot foto-foto di Aek Riman. Mauliate ma di admin.
Ise do ulaning pangarang na?…..tokke “latteung” do manang na lae Simangunsong “par-drama”?, manang na “NN”?.
Horas.

[Balas...]
admin :

akwkakwkw…..beti ma sama puisi ni lae simangunsong akke..

[Balas...]
swandy :

beti=beda tipis
beti=berat timbangan
beti=betty (goarni paribanhu par-simarsik=betty mahulae…. itenggggggggggg)

[Balas...]
G. Meha :

je, bahasa langka do beti on? hehehe

[Balas...]
G. Meha :

beti = be_rengma……..ti-o nai aek luhung i.

[Balas...]
Paulus Simangunsong :

Dang sikadiau Aek Riman i he he he… Sikadihalak do i.

[Balas...]
robert :

beda beda tipis dohot syair ni lagu oh luat pahae, alai menyentuh do memang, ate.

berkarya terus & sukses

robert f coleby s

[Balas...]
YULINDA :

Tok di patuduhon parkodak on ma aek nasian dolok i da tung lambok mai.

[Balas...]
G. Meha:
March 27th, 2009 | 09:59
Itengjo geoknai,,,,idia be tarluluan kodak sonnari, hehehe.

[Balas...]
Parbatto :

Oh Aek Riman, masihol ahu marmitu tu si…, nang martandang ha ha…

Beda tipis, alai dang na diplagiat akke. Hidup Aek Riman, Sahombu, Pinim.

Horas

[Balas...]
Risma Panjaitan :

Aek riman.. Aek Riman.. Sihombu.. gabe tarsingot iba tu akka dongan nasian Aekriman Sihombu..tikki ro martandang tu Sioruor Pakkat tikki adong Opera.. hehe mulak borngin do sidoli partandangi marsulusulu bittang..dht bulan.. hehe romantis nih yee.. alai nungga adong akka partandangi nuaeng nagabe Pejabat, DR, Pengacara, guru, Pengusaha, Parende(Artis) ..akka didia do nuaeng nasida???

[Balas...]
Latteung :

Marsulu Bittang,
Huhut Marbulusan Mandar
Marsipatu TOYO
Huhut Manghilhil salak Natinakko
Rap mekkel, huhut marsigoitan

Risma Panjaitan: Aek riman.. Aek Riman.. Sihombu.. gabe tarsingot iba tu akka dongan nasian Aekriman Sihombu..tikki ro martandang tu Sioruor Pakkat tikki adong Opera.. hehe mulak borngin do sidoli partandangi marsulusulu bittang..dht bulan.. hehe romantis nih yee.. alai nungga adong akka partandangi nuaeng nagabe Pejabat, DR, Pengacara, guru, Pengusaha, Parende(Artis) ..akka didia do nuaeng nasida???

[Balas...]
gother :

oe ise do hamu na mambaen puisi Aek riman i
au pe paraek riman do, alani i denggan ma paboa
tu bintangi manang na ise do ho, ale panurat ni puisi i.
Horasma.

[Balas...]

Aek Riman……

Tulisan yang sama:

15 Komentar pada tulisan “Aek Riman……”

Komentar anda pada tulisan ini