Puisi – “Male Mambutbut Same”
Mungkin banyak diantara rekan netter yang punya pengalaman dimasa kecil, entah itu saat sekolah atau saat bermain, dan memng tidak semua kita bisa mengekspressikan kenangan-kenangan indah itu dalam bentuk sesuatu benda yang bisa mengingatkan kita akan pengalaman tersebut.
Rekan kita Paulus Simangunsong, mencoba memberikan sesuatu gambaran pengalamanya dimasa kanak-kanaknya, dn mencoba mensharekan ke kita bagaimana seorang anak yang sebenarnya pada umur segitu, sudah mengorbankan waktu bermainya demi membantu orang tuanya di sawah. Rata-rata kita yang kelahiran di bonapasogit sana pun, melakukan hal yang sama dengan rekan kita ini.
Melalui puisi, ia mencoba kembali membangkitkan kenangan itu, dan dengan harapan biarlah kenangan ini menjadi kenangan yang indah untuk tidak dilupakan……
Male Mambutbut Same
karya : Paulus simangunsong
Tardingkan topi gadu-gadu
Hundul ahu dang marsandean
Hutatap dompak baribaan
Atik boha ro tugo arian on
Male tutu siubeon
Mambutbut same dang hatorushon
Sai tong hutatap tu bariba an
Dompak dolok-dolok dalan mulak tu huta
Songgot ma ro tu roha
Ai boi do ra nipangan garikkau naposo
Tongginai boi ra mandaoni hamaleon
Huranapima bona ni gadong naummet-met
Huumpat margogo pamatang nagale
Garikkau i maponggol satonga
Tipul-tipul nai dang huukkar be
Lobinaon ma huharutus
Dang piga tikki
Dung sae hugatngat gadong sisamponggol i
Ro ma inang mamboan buntal-buntal
Indahan di bagasan rap dekke janggut-janggut
Hubondut mai asa hatop ture
Susa nai hape namale
Berita lain ...
Komentar via ID Facebook Anda, silahkan Login...:
9 Responses to Puisi – “Male Mambutbut Same”
Leave a Reply
Molo najolo tikki mangula di saba, jotjotan mangalului bulung pisang do au, hualashon ma dikobun pargadongan, modom ma disi sappe ro tikkina mangan.
mandam nai akke. apalagi dipangombus ni alogo namandisir-disir mamboan modom.
swy
[Balas...]
Hahhahha, baru tolu tuntum dope di butbut lae Tohomson same i, nunga tok male hian. Hape, same darat muse do i da, mura do butbuton i.
[Balas...]
Ai dia so hatop male tahe, holan sahali sataon do manginum susu, tingki taon naimbaru.
[Balas...]
Ai nangerian tingki metmet iba. Alai gabe i do refensi naso marnasuda laho manurat. Alai nang pe sahali sataon minum susu, tong do botang ate?
[Balas...]
Sebenarna boi do tong minum susu tiap ari iba,…naso ni ulahon do….ai gok horbo dijampalan i, tinggal mangossop sian asar na i do langsung,..
hahahahah
[Balas...]
Molo male di panamean,,,godang do siallangon lae,,,,
da godang do salak,,,,,,,akkeeeee……../nb: awas las male…..
[Balas...]
Ah… gabe masihol iba mulak tu huta manatap saba na di Sitahuis i
[Balas...]
Hehehe,….
Adong hian do PARMAHAN di huta, pas di jampalan i, mauas ma ibana, hapengna, lupa ibana mamboan botol-botol inganan ni tes si inum onna.
Ala ni na tok MAUAS i ibana, pas ma dibereng ibana anak ni horbo najinaga na i MANARUS tu inana i.
Mamareng i, ittor dihaisson ibana ma ulu ni anak ni horbo i, ittor digantihon ibana ma posisi na.
Bage ibana ma langsung MANESSEP sian HORBO i, hehehe,….. bah langsung hian ma kale-kale DITAGUK ibana sian HORBO i.
Nga tok jim hian i, akke ?. Dung SOMBU uas na, ittor laho ma ibana tu bondar-bondan na di topi ni jampalan i. Diparsuap ibana ma aek i, alana nungga tok sap gambo bohina ditinkki na MANESSEP i.
hehehehe,….. SEESS..SSEEEEEEPPPPP !
Horas Jala Gabe. Tetap Semangat dan GBU, Amen.
[Balas...]
Je tikki na maneccep (manessep) i parmahan i, anak ni horbo i pe, sai sibuk ma mandugu parmahan i, sipata pinggol ni ibana pe sai di dilati anak ni horbo ima, alana dirippu ibana pinggol ni parmahan i do panusuanna.
Holan didilat pinggol nai, ittor di kaishon parmahan i do ulu anak ni horbo i, ala ni i, sipata olo do bage pindah anak ni horbo i laho mangoccop jari-jari pat ni parmahan i.
Holan pindah anak ni horbo i tu jolo ni inangna i, inang ni horbo ipe bage curiga ma, bage ittor disipakkon inang ni horbo ima parmahan na MANESSEP / MANAGUK i.
hehehe,…… ai tok jayana ma i, SESS..SSEEEEPPPP!
Horas Jala Gabe. Tetap Semangat dan GBU, Amen.
[Balas...]