”MOTOR NA MANGGISING”

Panuturi: Ricardo AP Marbun

Parjolo nipangidohon sattabi tarlumobi tu akka tutur, suang songon i tu hamu akka dongan namanjaha suhutanon, sotung adong hamu na muruk manang na tersinggung, ianggo suhutan on holan nalaho patolhas suhutan na solot diroha do. Molo pe kani adong goar na dos, holan na kebetulan do i.

”MOTOR NA MANGGISING”

Najungkan i, dilaon-laon niari, adong ma sada motor ” BETA HAMU ” jurusan sian Humbang laho tu Medan. Ndang pola mansai padat (gok) panumpang di motor i, hira-hira ¾ do isina, jala Motor i pe, ukuran MERSEDES na BALGA i do. Tardokma dimotor i adong SUAMI-ISTRI naung OPPUNG-OPPUNG (Op. DOGOL goarna) naeng manikkir ianakkonna/parumaen nang pahompuna ma nasida di Medan. Di Motor i, hundul di bangku parpudi hian disabola siamun, jala holan nasida padua do di si.
Hira-hira jam 6 (18.00.WIB) sore, sahat nasida di Parapat, Disi, maradi ma motor i, jala akka panumpangna pe MIJUR (turun) do, mangan manang ”reses” (istirahat) tu kamar kecil. Dihutana, songon TUDOS-TUDOS na denggan do PASUTRI (Pasangan Suami Istri) OPPU DOGOL on jolma na tobok, harmonis, sahata saoloan jala ndang hea tarbege RISI hatana.
Diparadianan ni motor i di Parapat, disukkun Op.Dogol doli i ma tu inantana i, songon on :
Op.Dogol Doli : ”Oppung ni si Dogol,Ai ndang naeng mijur ho reses tu pudi-pudi?”
Op.Dogol Boru : ”Daong bah, Ho ma turun, molo nanaeng tu pudi-pudi do ho”.
“Dison ma ahu asa adong manjaga hundulanta on, atik di-SOLUK halak annon. Alai ”BUNGKUS”annon dipalastik sagalas KOPI SUSU i dah ?,
“Unang pa ”MOHOP” hu dibahen susu i, asa boi ittor ni inum, asa adong saotik ”pamalumhon” UAP-UAP (bau) ni JORING/jengkol si nabodari.”
“Molo pe naeng reses ahu, di Siantar ma annon i.” ninna mangalusi ”SINONDUK BOLON” na i.
(Waktu tempuh marmotor sian Parapat tu Siantar, hira-hira 45 Menit do).
Op.Dogol Doli : ”Olo, tenang ma ho, unang pola tudia-tudia ho,sotung bage lilu ho annon !” ninna ibana huhut hobas mijur sian motor i.
Di KODE ni loket i, ittor kopi susu i do parjolo dipesan ibana, ditaruhon jala dilehon ma tu inantana i lewat ”jendela” ni motor i.
Op.Dogol Doli : ”Hei, Op. DOGOL !, Nah kopi susu mon, ninna huhut di tuk-tuk sian luar.
”Laos inumhon ma, PALATENG ma samudekna, biccan las”
”Alai ahu, ditoru on ma jolo songon na marangin-marangin dah ?”. Ninna ibana tu inanta na i
Op.Dogol Boru : ”Olo !” ninna mangalusi huhut dijalo kopi susu i.
Adongma hira-hira 30 Menit motor i maradi, nakkok/naik ma akka panuppang na MIJUR/turun i, jala motor i pe borhat ma museng menuju Siantar / Medan.
Dung lewat Kota Siantar, mulai ma songon na BALISAON /gelisah Op. Dogol Boru i, alana ndang be hape maradi motor i disi, jala langsung nama menuju Tebing Tinggi / Medan. Hapengani hamuna, ianggo Op Dogol boru i, balisaon ala ni nanaeng”TIS” /MESENG/ koccing do ibana.
Dung hira-hira 15 Menit lewat kota Siantar, didok ibana ma tu amanta na i :
Op. Dogol Boru : ”Op ni Dogol, dok jo tu Amanta Supir i, asa diparadi jo museng diloket na di jolo i, alana naeng meseng / koccing ahu, ” ninna ibana.
Umbege i, ittor humalaput ma Op.Dogol Doli i, marsurak ma sian pudi mandok ” Amang Supir, paradi hamu jo satongkin di loket na unjonok i annon, alana adong naeng ” MADABU LOTING” ninna.
Huroha umbege i, amanta supir pe nga mangantusi, bahwa ”MADABU LOTING” istilah di pardalanan naartina ”BUANG HAJAT” / koccing manang mambom.
Dialusi Amanta Supir i ma. ” Bah, Ai tombak nama silaosanta, jala nga golap museng, tahan hamu ma jolo, di Tebing Tinggi ma annon palua hamu !” ninna amanta supir i huhut di dege ma gogo gas ni motor i asa MANGGISING.
” Neng jo, niahappon diri tutu, je asa gira sahat tu Tebing, NI GISING ma torus motor on, inna rohana. Motor pe, mambalap ma torus, (manggising habang hian nimmuma)
Pas ma di dalan perkebunan i, dihusiphon Op.Dogol Boru ma tu hamletna i :
”Oppung ni si Dogol, Ai ndang tartaon ahu be, NGA NENG MESENG HIAN AHU HALEHE” ninna ibana huhut SAI DIHAPITHON PATNA manaon parenta na so tarjua i.
Op.Dogol Doli : ”Songon on ma i op ni si Dogol, Sian jendela i ma bahen, hu ondingi pe ho annon”, ninna ibana huhut dipaherbang mandar laho ”MANGHUKKUPI” inanta na i.
Dung sidung, ittor humalaput do museng Op DOGOL BORU i, hundul huhut martagup-gup, paula-ula hira naso adong terjadi, asa unang diboto jolma ula-ula na i.
Huroa, hira-hira 25 meter di pudi ni motor i, adong PARKARETA (sepeda motor) namargoar si ”HALTO”.
Si HALTO on, ”PARBETENGAN ” do di Huta i, goarna pe HALTO, pir jala ristop (gatal).
Lampu ni Sepeda motor (karetana) pe, MELLOP-ELLOP/redup / MERDEP, sipata mangolu, sipata mate, hira SALIMPOT-POT /kunang-kunang na habang. Di namar Sepeda Motor i ibana, ndang museng nanggo mar”HELM”, hapengani, inama GISING na ”(habang hian nimmuma)” Sepeda Motor i diboan ibana. Ah,”BICCAN adong lampu ni motor on niihuthon”, ninna rohana.
Di na meseng i Op.DOGOL BORU i, hona ma ”BIRSAK-BIRSAK” na i tu bohi ni si HALTO on, ulu na i pe malitap ma otik, hira na HONA NAMBUR. Hira habis manastas nambur.
” Ah, NGA PELAK on, nga ro museng udan”, ninna rohana huhut dipapinggir ma Sepeda motor na i.Di na naeng mambuat JAS HUJAN ibana, ditaili ma dompak ginjang/langit.
”Bah, ai ”RO” do nian BINTANG, berarti ndang udan i, Aha do ULANING i ?, ”Songon na SONGIK museng !, Ikkon sian Motor ”BETA HAMU nangkin i,” ninna dirohana huhut dilap bohi dohot ulu na i dohot lap ni Kareta na i.
Ianggo aek i, keringdo hona lap, alai Bau ni jengkol na di koncing i, tong ma lohot di bohi dohot obukna i.
Ala ni i, ganas ma ibana, ditancap ibana ma sepeda motor na i laho mangalele MOTOR na MANGGISING i, Ikkon HU LUTUNG na MAMBURSIK i, inna rohana.
Dung dapot dilele ibana, ittor di”OLAT”/ distop ibana ma bus i, nakkok ma ibana tu bogasan sian jolo, didok ma hatana tu supir i huhut muruk :
Halto : ”Ise nangkin namarsitujur sian jendela ?”
”Hurang ajar, Tole paboa be !, Ise nakkin na MAMBURSIK i !.
” Naso Marmata be do huroha ho be, maradu hona bohi niba ” ninna ibana huhut ditiop obeng.
Mamereng muruk jala gogo suara ni si Halto i, akka panumpang i pe bage mabiar ma, na tarpodom hian pe, bage hinsat ma.
Songon i muse ma nang OPPU DOGOL, tambah MANGINJIPPUT ma ibana ala ni biarna. ”Ah, NGA PELAK on, sotung habotoan do annon” ninna rohana.
Ala ndang adong na mangakku, tambah muruk ma ibana. ” Hatop be mangakku, unang bage husurbu annon motor on, Ikkon hu JELLEK manang ise i ” inna si Halto on.
Umbege i, disukkun Supir i ma tu si Halto i,
SUPIR : ” Bah, Unang ma asal gogo MANUHAS/menuduh hamu, molo na tutu, aha tandana na sian motor nami on namarsitijur i ? ninna supir i.
HALTO : ” Ido!, sian on do, hubereng nangkin jolmana lobangon”
Umbege i, disuru Supir i ma KERNEK/sitokkar na i laho mamareso SIMAKKUDAP/pamangan ni akka panuppang na i, laho mandiori jolma na lobangon.
Dung sidung di pareso, didok KERNEK ima mandok :
KERNEK : ” Adong do 6 (onom) akka oppung on na lobangon, je ise ma tuhas/tuduh on ? ninna ibana huhut mabiar tong.
Didok si HALTO i ma muse : ”Pokokna nalobangon, markumis jala marjenggot, kumisna ipe nga ubanon otik, takkas do hu ida nakkin ” ! ninna ibana tong huhut PAGASA-GASAON.
Dipareso kernek i ma museng akka panompang na i, jala didok ma hatana gogo sian pudi tu si HALTO i.:
KERNEK ” Santabi ma dihamu tulang, turun ma hamu, DATUNG ma na adong panumpang nami on na manijuri hamu, NDANG ADONG PANUMPANG NAMI ON SONGON NA NIDOK MUNA I, IMA NA LOBANGON, MARKUMIS MARJENGGOT JALA OTIK MARUBAN. Je na salah mambereng do hamu disi, mungkin panumpang ni motor naasing do ra i”. Ninna kernek na i.
Umbege i, Mekkel ma akka panuppang i, ” SELAMAT DO HITA SASUDE, MALUA SIAN PANGUNJUNAN I ” ninna be. Alai ianggo si HALTO, bage songon na maila ma do, MIJUR (turun) ma ibana sian motor i, MOSTOP ma rohana, alai ndang tardoksa manang aha, alana ciri-ciri na nidok na i, ndang adong na pas tu panumpang i. Saleleng di pardalanan i (laho tu Tebing) sai tu ciri-ciri ni na MAMBURSIK ido pikkiranna.-( penasaran jala kesal).

Dung turun si HALTO i, tarsadar ma Supir i, alana adong panuppangna (OP.DOGOL BORU) naeng MADABU LOTING, ala ni i, TONG MA MANGGISING dibahen ibana motor i, ”asa hatop sahat tu Tebing” inna rohana, Di pardalanan i, sempat do dipahantus Supir i sian jolo, disukkun ma tu Oppu Dogol Doli i sian jolo tok gogo :
SUPIR : ” Oppung DOGOL !, jujur jala TIKKOS jo hamu, ndang hamu na mambursik nakkining ? alana holan hamu do na markumis hundul disabola siamun ” ! ninna sian jolo.
Op,DOGOL DOLI : ” Datung ma ahu i amang Supir, PALIAS ma i, tutu do nian ahu MARKUMIS, jala KUMIShu MARUBAN saotik, alai NDANG MARJENGGOT ahu., je sahalinai hudok ! sotung dipaduahali hamu manukkun !! ” DATUNG AHU I ” !!! Ninna ibana attar muruk.
Ujung na sip be ma akka panumpang i, laos bage sude ma mambursikkon si HALTO na bage mangolati pardalanan nasida i.

Sahat ma di loket Tebing Tinggi, ianggo Oppu DOGOL BORU, dang be turun laho reses, ndang laho be pikkiranna tu NA MESENG i . alana nga NOK be ibana tarpodom di hundulanna huhut dipakke MANDAR songon GEBARna. Alai Oppu DOGOL DOLI, dipaula-ula do turun songon MANGALULUI LOTING na madabu i.. Ima sahat ni suhutan taringot ni MOTOR NA MANGGISING i. BOTIMA.

Hehehehe,……..
Horas Jala Gabe, Tetap Semangat dan GBU, Amen.

Berita lain ...

• Dung Lam Matua…
• Dirimpu Rumbi
• MANGAN MANOGOT TINGKI SINGKOLA
• Jambar ni Parrasun
• HUTA HUTA DO HUTANAMI